Lɛta Fɔ Ɛfisɔs 6:6 - Krio Fɔs Oli Baybul

⁶ Nɔto wɛn una masta de luk una nɔmɔ una fɔ du una wok gud, so dat dɛn go prez una; bɔt una fɔ de du una wok lɛkɛ se na Krays una de du am fɔ, ɛn una fɔ du wetin Gɔd want wit ɔl una at.

Lɛta Fɔ Ɛfisɔs 6:6 Referans Kwoze

Fɔs Lɛta Fɔ Tɛsalonayka 2:4

Bɔt wi de tɛl pipul wetin Gɔd want wi fɔ tɛl dɛn, bikɔs i gi wi dis wok we i si se in kin abop pan wi fɔ du am lɛkɛ aw i want wi fɔ du am. Wi nɔ de tray fɔ pliz mɔtalman, bɔt wi want fɔ pliz Gɔd we no wetin de na wi at.

Lɛta Fɔ Galeshya 1:10

A nɔ de tɔk fɔ mek mɔtalman prez mi, na Gɔd in prez a want. Una min se a want fɔ mek mɔtalman lɛk mi, if na dat a bin want, afta ɔl dɛn ia ya, a nɔ go bi Krays in savant.

Lɛta Fɔ Ɛfisɔs 5:17

Una nɔ gri mek ɛnibɔdi mek una ful, una tray fɔ no wetin di Masta want una fɔ du.

Pita In Fɔs Lɛta 4:2

So, frɔm naw sote una day, nɔto una at una fɔ de fala, bɔt na wetin Gɔd want una fɔ du.

Lɛta Fɔ Filipay 2:12

Mi padi dɛn we a lɛk bad, jɛs lɛkɛ aw ɔltɛm una kin du wetin a se, di tɛm we a bin de wit una, naw we a nɔ de wit una, i gud fɔ mek una du ɔl wetin a se pas wɛn a bin de wit una; ɛn una fɔ fred Gɔd, dat go mek una du ɔl wetin Gɔd want una fɔ du.

Matyu 12:50

Ɛnibɔdi we du wetin mi Papa we de na ɛvin want am fɔ du, nain na mi tru sista ɛn brɔda ɛn mama!”

Di Ibru Pipul Dɛn 13:21

A de pre mek Gɔd gi una ɔl dɛn gud tin we una nɔ gɛt, so dat una go yus dɛn gud tin de fɔ du wetin i want una fɔ du. A de pre mek Gɔd mek Jizɔs Krays in pawa wok na wi ɔl at, so dat wi go bi aw i want wi fɔ bi. A de pre mek pipul prez ɛn rɛspɛkt Jizɔs Krays sote go! Emɛn.

Di Ibru Pipul Dɛn 10:36

Una gɛt fɔ bia, so dat una go du wetin Gɔd want, ɛn una go gɛt wetin i dɔn prɔmis una.

Lɛta Fɔ Kɔlɔse 1:9

Na dat mek frɔm di de we wi yɛri bɔt una, wi de pre fɔ una ɔltɛm. Wi de aks Gɔd mek in Spirit gi una sɛns ɛn mek una sabi bɔt am, so dat una go no wetin Gɔd want una fɔ du, ɛn una nɔ go dawt.

Matyu 7:21

“Nɔto ɔlman we de kɔl mi, ‘Masta, Masta’ go go usay Gɔd de rul na ɛvin. Na dɛn wan nɔmɔ we du wetin mi Papa, we de na ɛvin, want, go go de.

Jɔn In Fɔs Lɛta 2:17

Di wɔl ɛn ɔltin we lib de we pipul want bad bad go dɔn wande, bɔt di pɔsin we du wetin Gɔd want go de sote go.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

Lɛta Fɔ Kɔlɔse 4:12

Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.

Jɛrimaya 24:7

A go gi dɛm di at fɔ no se na mi na di PAPA GƆD; ɛn dɛn go bi mi pipul ɛn mi go bi dɛn Gɔd, bikɔs dɛn go kam bak to mi wit ɔl dɛn at.

Pita In Fɔs Lɛta 2:15

Gɔd want mek una du di rayt tin, so dat dɛn fulish pipul we nɔ sabi natin go sɛt dɛn mɔt.

Jɛrimaya 3:10

Pan ɔl dat, in fɔls sista, Juda, nɔ kam bak to mi wit ɔl in at, bɔt bin de pritɛnd; na so PAPA GƆD se.”

Fɔs Lɛta Fɔ Tɛsalonayka 4:3

Gɔd want mek una layf bi in yon, ɛn i nɔ want ɛnibɔdi fɔ tek in kɔmpin man ɔ wɛf.

Mak 3:35

Ɛnibɔdi we du wetin Gɔd want, na da pɔsin de na mi brɔda, mi sista ɛn mi mama.”

1 Kɔrint 7:22

Ɛnibɔdi we na bin slev wɛn di Masta kɔl am fɔ du in wok, di Masta dɔn fri am; semwe so, ɛnibɔdi we Krays dɔn kɔl fɔ du in wok, we i dɔn fri, dɔn bi Krays in slev.