Lɛta Fɔ Ɛfisɔs 6:4 - Krio Fɔs Oli Baybul

⁴ Una we na mama ɛn papa, una nɔ fɔ du una pikin dɛn tin we go mek dɛn vɛks, bɔt una fɔ gi dɛn Kristiɛn trenin.

Lɛta Fɔ Ɛfisɔs 6:4 Referans Kwoze

Lɛta Fɔ Kɔlɔse 3:21

Una dɛn mama ɛn papa, una nɔ mek una pikin dɛn at pwɛl we una de tɔk ɔltɛm se wetin dɛn de du nɔ rayt.

Prɔvabs 22:6

Gi pikin gud trenin so dat wɛn i dɔn big, i nɔ go fɔgɛt di trenin.

Prɔvabs 29:15

Fɔ bit pikin ɛn kɔrɛkt am de mek i lan, bɔt if i lɛf to insɛf, i go put in mami pan shem.

Prɔvabs 19:18

Nɔ fred fɔ pɔnish yu pikin bikɔs yu abop pan am; bɔt nɔ bit am te yu kil am.

Ditarɔnɔmi 6:7

Mozis se dɛn fɔ mek shɔ se dɛn tich dɛn pikin dɛn di lɔ dɛn gud gud wan so dat dɛn go ebul rid dɛn we dɛn de na os, na trit, we dɛn de wok ɛn we dɛn de blo.

Prɔvabs 29:17

Wɛn yu tren yu pikin, yu go de gladi fɔ am ɔltɛm, i nɔ go ɛva mek yu shem.

Sɛkɛn Lɛta To Timoti 3:15

ɛn yu fɔ mɛmba se frɔm we yu smɔl, yu dɔn no dɛn tin we rayt na Gɔd in Buk we de mek yu no se yu fɔ biliv pan Jizɔs fɔ mek yu sev.

Jɛnɛsis 18:19

A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”

Ditarɔnɔmi 4:9

Bɔt wan impɔtant tin we Mozis tɔk na dat di Izrɛlayt dɛn fɔ mek shɔ se dɛn nɔ fɔgɛt ɔl wetin dɛn dɔn si, yɛri ɛn lan, sote dɛn day. I se dɛn fɔ mek shɔ se dɛn lan dɛn pikin ɛn granpikin dɛn ɔl di tin dɛn we i dɔn tɛl dɛn se PAPA GƆD se dɛn fɔ du ɛn nɔ fɔ du, ɛn ɔl di tin dɛn we bin apin.

Sɛkɛn Lɛta To Timoti 1:5

A mɛmba aw yu biliv Gɔd wit ɔl yu at lɛkɛ yu grani Lɔis ɛn yu mami Yunaysi. A shɔ se yusɛf biliv Gɔd lɛkɛ dɛn.

Prɔvabs 22:15

Pikin dɛn gɛt wan kaynaba abit fɔ de mek traŋayes, bɔt wɛn yu wok dɛn gud, i de mek dɛn soba.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

Ayzaya 38:19

Udat gɛt layf, udat gɛ layf, na im de tɛl yu tɛnki, lɛk aw a de du so tide; di papa de mek di pikin dɛn no se yu de waka tret.

Jɔshwa 24:15

I se, “if yu nɔ wan sav PAPA GƆD, yu fɔ mekɔp yu maynd tide udat yu go wɔship. ‘As fɔ mi ɛn ɔl udat de na mi os, na PAPA GƆD wi go wɔship” if dɛn at nɔ gi dɛn fɔ sav PAPA GƆD, da de de, dɛn fɔ pik bitwin dɛn fɔstɛmpapa dɛn gɔd ɛn di gɔd we di Amɔrayt dɛn bin de wɔship usay dɛn di Izrɛlayt dɛn bin de so datɛnde.

1 Kronikuls 29:19

Gi Sɔlɔmɔn we na mi bɔypikin di pawa fɔ du ɔl wetin yu tɔk traŋa wan se wi fɔ de du, kip in tɛstimoni ɛn di lɔ dɛn, so dat i go ebul bil di kiŋ os we a dɔn gɛda ɔltin fɔ bil.

Di Jɔj Dɛm 13:12

Nain Manoa aks am se, us kayn layf di bɔbɔ fɔ liv na dis wɔl, we wetin in di enjɛl se, bi.