Lɛta Fɔ Ɛfisɔs 6:21 - Krio Fɔs Oli Baybul

²¹ Taychikɔs, wi brɔda we wi lɛk, na pɔsin we de du di Masta in wok siriɔs wan. I go tɛl una ɔltin bɔt mi, so dat una go no aw a de ɛn wetin a de du.

Lɛta Fɔ Ɛfisɔs 6:21 Referans Kwoze

Apɔsul Dɛn Wok 20:4

Di pɔsin we fala Pɔl go na Sɔpata we kɔmɔt Biria. Sɔpata na bin Pirɔs in pikin. Di ɔda pipul dɛn we bin go wit Pɔl na Aristakɔs ɛn Sikundɔs, we kɔmɔt Tɛsalonayka; Geyɔs we kɔmɔt Dabi; Timoti; ɛn Taychikɔs ɛn Trɔfimɔs we kɔmɔt Eshya.

Sɛkɛn Lɛta To Timoti 4:12

A sɛn Taychikɔs go Ɛfisɔs.

Taytɔs 3:12

Wɛn a sɛn Atɛmas ɔ Taychikɔs go to yu, tray fɔ kam mit mi na Nikopolis, bikɔs a dɔn mekɔp fɔ tap de wɛn di kol sizin kam.

Pita In Sɛkɛn Lɛta 3:15

Una fɔ luk se di bia we di Masta de bia wit una na fɔ mek una go gɛt chans fɔ chenj mek una layf go sev. Wi brɔda Pɔl, we wi lɛk, insɛf bin rayt bɔt dis sem tin ya wit di sɛns we Gɔd gi am,

Pita In Fɔs Lɛta 5:12

Na Saylas, we a luk se na Kristiɛn brɔda we a kin trɔs, ɛp mi fɔ rayt dis shɔt lɛta to una. A want kɔrej una ɛn a want tɛl una se ɔl wetin Gɔd dɔn du fɔ una sho se i lɛk una, fɔ tru; una nɔ fɔ mek ɛnitin mek una dawt dat.

Faylimɔn 1:16

I nɔ de kam bak to yu lɛkɛ slev nɔmɔ, i dɔn pas dat naw. I de kam naw lɛkɛ yu Kristiɛn brɔda fɔseka wi Masta. A lɛk am bad, bɔt yu go lɛk am pas mi naw we i de wok fɔ yu ɛn pantap dat, na yu Kristiɛn brɔda.

Fɔs Lɛta To Timoti 4:6

If yu tɛl wi brɔda dɛn fɔ du dɛn tin ya we a tɛl yu, yu go de du Jizɔs Krays in wok gud, ɛn dat go sho se yu put ɔl yu at pan dɛn tru tin we yu biliv ɛn dɛn tru tin ya we a lan yu, we gud, we yu de fala.

Lɛta Fɔ Kɔlɔse 1:7

Ɛpafras, we wi lɛk, ɛn we de du Krays in wok de fɔ wi, nain bin tɛl una aw Gɔd lɛk una ɛn aw i gud to una. I siriɔs pan di wok we i de du fɔ Krays. I bin de ɛp wi fɔ tɛl una di Gud Nyuz.

1 Kɔrint 4:17

Na di rizin dis we mek a de sɛn Timoti go to una. I tan lɛkɛ mi pikin we a sho di Masta in we; a lɛk am bad; i de du wetin di Masta tɛl am fɔ du. I go mɛmba una bɔt dɛn rul we de gayd mi we a de waka na di nyu layf we Krays Jizɔs gi mi, ɛn we a de tich pipul na ɔl dɛn chɔch.

Lɛta Fɔ Filipay 1:12

Mi kɔmpin Kristiɛn dɛn, a want mek una no se wetin dɔn bi to mi dɔn ɛp fɔ mek di Gud Nyuz prɛd ɔlɔbɔt.