Lɛta Fɔ Ɛfisɔs 6:16 - Krio Fɔs Oli Baybul

¹⁶ Pantap ɔl dɛn tin ya, una shild na fɔ biliv pan di Masta. Dis shild ya go mek dɛn ɔt aro we Setan de shut, nɔ du una natin.

Lɛta Fɔ Ɛfisɔs 6:16 Referans Kwoze

Prɔvabs 18:10

PAPA GƆD na lɛkɛ big kɔtintri, pɔsin we de waka tret na PAPA GƆD in yay kin go ayd biɛn am.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

2 Kɔrint 1:24

Wi nɔ de tɛl una wetin una fɔ biliv, bikɔs una biliv pan Jizɔs traŋa wan. Wetin wi de du na fɔ ɛp una fɔ mek una gladi.

Fɔs Lɛta Fɔ Tɛsalonayka 5:19

Una nɔ fɔ mek Gɔd in Spirit tap fɔ du in wok insay una;

Di Sam Dɛm 120:4

I go shut una wit shap aro ɛn bɔn una wit ɔt kol.

2 Samiɛl 22:36

Yu kɔba mi ɛn pul mi pan trɔbul yu ansa mi prea ɛn mek mi ed big.

Di Sam Dɛm 7:13

I dɔn rɛdi ɔl in denja denja wɛpɔn dɛn fɔ atak dɛn.

Matyu 5:37

Wɛn una se una go du sɔntin, una nɔ fɔ swɛ, ɛn wɛn una se una nɔ go du sɔntin, una nɔ fɔ swɛ. Bikɔs ɛni wɔd we una tɔk pas dat kɔmɔt to Setan.

Fɔs Lɛta Fɔ Tɛsalonayka 5:8

Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.