Lɛta Fɔ Ɛfisɔs 6:12 - Krio Fɔs Oli Baybul

¹² Wi nɔ de fɛt mɔtalman, wi de fɛt dɛn pawa we wi nɔ de si, dɛn pawa we de rul dis dak wɔl ɛn dɛn wan we de ɔp ɔp na di klawd.

Lɛta Fɔ Ɛfisɔs 6:12 Referans Kwoze

Lɛta Fɔ Kɔlɔse 1:13

I pul wi kɔmɔt pan sin we bin gɛt pawa oba wi ɛn we bin mek wi de na dak ɛn i briŋ wi kam ɔnda in Pikin we i lɛk bad, in pawa. Na Gɔd in Pikin dɔn pul wi kɔmɔt ɔnda sin in pawa, dat na we i dɔn padin wi.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

Lɛta Fɔ Ɛfisɔs 2:2

Da tɛm de una bin de du ɔl dɛn bad tin we di pipul dɛn na di wɔl de du. Una bin de du wetin di dɛbul dɛn edman we de ɔlɔbɔt tɛl una fɔ du, nain de rul dɛn pipul we nɔ de du wetin Gɔd tɛl dɛn fɔ du.

Lɛta Fɔ Kɔlɔse 2:15

Wɛn Krays bin de na di krɔs, i bin mek dɛn spirit we bin de rul, tap fɔ rul; we i dɔn win dɛn, i mek dɛn waka lɛkɛ slev biɛn am ɛn mek ɔlman si dɛn.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Lɛta Fɔ Ɛfisɔs 1:21

Krays gɛt pawa pas ɔlman we de rul na ɛvin, ɛn ɔlman we de rul na dis wɔl ɛn nɛks wɔl.

Lɛta Fɔ Rom 8:38

A shɔ se natin nɔ ebul tap wi fɔ fil di lɛk we i lɛk wi: day ɔ layf, enjɛl ɔ dɛn bad spirit we de rul ɔ dɛn pawa na di klawd, dis tɛm ya ɔ di tɛm we de kam;

Lɛta Fɔ Ɛfisɔs 3:10

so dat naw i go tek di chɔch fɔ sho dɛn spirit we de rul ɛn ɔltin we gɛt pawa na ɛvin Gɔd in sɛns pan ɔltin.

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

1 Kɔrint 15:50

Na di tin dis we a min: Dis wɔl yon bɔdi nɔ go go insay di ples we Gɔd de rul, ɛn ɛnitin we de day nɔ go gɛt di pawa fɔ tɔn to tin we nɔ de day.

Pita In Fɔs Lɛta 3:22

Naw Jizɔs Krays dɔn go na ɛvin ɛn i sidɔm na Gɔd in raytan; na de i de rul oba ɔl dɛn enjɛl ɛn ɔl dɛn wan we gɛt pawa na ɛvin.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Jɔn 14:30

I nɔ lɛf lɔŋ igen we a go ebul tɔk to una, bikɔs Setan we de rul dis wɔl de kam, bɔt i nɔ gɛt pawa oba mi.

Jɔn 12:31

Na di tɛm dis we Gɔd go jɔj mɔtalman, ɛn na di tɛm dis we i go pul di wan we de rul dis wɔl kɔmɔt nain chia.

Jɔn 16:11

Ɛn i go mek pipul no se Gɔd go jɔj ɔlman, bikɔs Gɔd dɔn kɔndɛm di dɛbul we de rul di wɔl.

Job 2:2

PAPA GƆD aks Setan usay i kɔmɔt. I tɛl PAPA GƆD se in bin jɛs de waka ɔp ɛn dɔŋ de paspas na wɔl.

Lyuk 22:53

Ɔl di tɛm we a bin de wit una na Gɔd in Os una nɔ bin ol mi. Bɔt na di tɛm dis we Gɔd gri mek una ol mi ɛn na di tɛm dis we Setan we de rul na dak gɛt pawa.”

Lyuk 13:24

“Una tray mek una go pas na di do we smɔl fɔ pas ɛn go insay di ples we Gɔd de rul. A de tɛl una se, plɛnti pipul go tray fɔ go insay de, bɔt dɛn nɔ go ebul.

Sɛkɛn Lɛta To Timoti 2:5

Man we de rɔnres nɔ go win di kɔp pas nɔmɔ i de fala di rul dɛn.

Matyu 16:17

Jizɔs se, “Yu du wɛl, Saymɔn, Jɔn in pikin. Nɔto mɔtalman lan yu dis tru tin we yu tɔk so, na mi Papa we de na ɛvin sho yu.

Di Ibru Pipul Dɛn 12:4

Una nɔ fɛt sin yet te una day fɔseka dat.

Lɛta Fɔ Galeshya 1:16

fɔ mek a no in Pikin, so dat a go tɛl dɛn pipul we nɔto Ju bɔt di Gud Nyuz, a nɔ bin aks ɛnibɔdi fɔ tɛl mi wetin a fɔ du,

Mak 4:19

bɔt di tin dɛn na dis wɔl we dɛn want du, di jɛntri we dɛn want, ɛn di ɔda tin dɛn we dɛn want mek di Gud Nyuz nɔ gɛt ples fɔ prɛd na dɛn at lɛkɛ wɛn plant de bia.

2 Kɔrint 11:14

Una nɔ fɔ wɔnda, bikɔs Setan insɛf kin chenj, mek insɛf lɛkɛ enjɛl we de briŋ layt.