Lɛta Fɔ Ɛfisɔs 6:11 - Krio Fɔs Oli Baybul

¹¹ Una fɔ wɛr di klos we Gɔd gi una fɔ tek fɛt so dat wɛn Setan pul in kɔni fɔ fɛt una, i nɔ go ebul una.

Lɛta Fɔ Ɛfisɔs 6:11 Referans Kwoze

2 Kɔrint 10:4

Di tin dɛn we wi de tek fɛt nɔ kɔmɔt na dis wɔl, dɛn kɔmɔt to Gɔd, we gɛt pawa; na dɛn wi de tek rut dɛn tin we tinap traŋa. Wi de yus dɛn fɔ sho se dɛn agyu we pipul de agyu bɔt Gɔd na nɔnsɛns;

Lɛta Fɔ Rom 13:12

Nɛt dɔn de pas, de tɛm dɔn kam klos. Una lɛ wi lɛf fɔ du dɛn bad tin we dɛn wikɛd pipul we de na dak de du, bɔt lɛ wi tek dɛn tin we wi de tek fɛt, wi we de na di layt bikɔs wi no di tru we, ɛn lɛ wi rɛdi fɔ di fɛt.

Fɔs Lɛta Fɔ Tɛsalonayka 5:8

Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.

Lɛta Fɔ Ɛfisɔs 6:13

Una fɔ wɛr di klos we Gɔd gi una fɔ tek fɛt, so dat wɛn di tɛm we pipul go de du plɛnti bad pas ɔl na wɔl go kam, una go ebul fɔ fɛt Setan pan ɔl di kɔni we i de pul. Wɛn una de fɛt, una nɔ go fɔdɔm, ɛn wɛn di fɛt dɔn, una go stil tinap traŋa.

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

2 Kɔrint 2:11

so dat Setan nɔ go ebul una; bikɔs wi no wetin i dɔn mekɔp fɔ du.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

Lɛta Fɔ Kɔlɔse 3:10

una dɔn bi nyu pipul. Gɔd mek una ɔl bi nyu pipul, ɛn we i bi so, i de mek una tan lɛkɛ insɛf mɔ ɛn mɔ, so dat wande una go no am gud.

Lɛta Fɔ Rom 13:14

Mek Masta Jizɔs Krays bi lɛkɛ di klos we wi de wɛr, mek i rul ɔl wi layf, ɛn mek wi lɛf fɔ du dɛn bad tin we wi at gi wi fɔ du.

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

2 Kɔrint 6:7

we wi de tɛl pipul di tru wɔd, ɛn we Gɔd in pawa de pan wi, ɔl dat sɛf sho se na Gɔd in wok wi de du. Di waka we wi de waka tret wit Gɔd na di tin we wi gɛt fɔ tek fɛt ɛn i nɔ go mek dɛn wan we de fɛt wi, ebul wi.

Rɛvɛleshɔn 2:24

“Bɔt, sɔm pan una de na Tayatira, we nɔ gri fɔ du dɛn bad tin we dɛn pipul we lib de, de lan ɔda pipul fɔ du; una nɔ lan dɛn bad tin we pipul se na Setan in sikrit. A nɔ gɛt ɛni ɔda tin fɔ tɛl una fɔ du,

Lɛta Fɔ Ɛfisɔs 4:24

Una fɔ liv di nyu layf we Gɔd dɔn gi una lɛkɛ aw i want. Pɔsin we liv dis kayn layf go du wetin rayt na Gɔd yay ɛn ɔl wetin Gɔd tɛl am fɔ du.

Di Ibru Pipul Dɛn 7:25

Na dat mek Jizɔs gɛt pawa ɔltɛm fɔ sev dɛn pipul we de kam to Gɔd tru am. Bikɔs i gɛt layf we go de sote go, i de pre bifo Gɔd ɔltɛm fɔ dɛn.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

1 Kɔrint 10:13

Ɛnitɛm we una fil fɔ du bad, una fɔ mɛmba se ɔda pipul sɛf kin fil fɔ du dɛn sem tin de. Bɔt Gɔd we de du ɛnitin we i prɔmis fɔ du, nɔ go mek una fil fɔ du ɛni bad tin we una nɔ go gɛt pawa fɔ lɛf; bɔt wɛn una fil fɔ du bad, da sem tɛm de Gɔd go mek una ebul tinap traŋa ɛn i go sho una wetin fɔ du mek una nɔ go du di bad tin we una bin want fɔ du.

Mak 13:22

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de, dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Jems 4:7

So, una fɔ put unasɛf ɔnda Gɔd. Una tinap fɔ fɛt Setan, i go rɔnawe go lɛf una.

Di Jɔj Dɛm 3:2

Na fɔ tich da jɛnareshɔn de wetin na wa bikɔs dɛn nɔ no wa wande.

Nɛimaya 4:13

Dat mek a taytin di sikyɔriti. A put sɔm pipul fɔ de to di say dɛn we lo na di wɔl usay ɛnibɔdi kin si. A put dɛn bay famili ɛn ɔlman bin gɛt in sɔd, spia ɛn bo rɛdi fɔ fɛt.