Lɛta Fɔ Ɛfisɔs 6:10 - Krio Fɔs Oli Baybul

¹⁰ Mek a tɛl una dis las wɔd bifo a dɔn wetin a de tɔk: Di wanwɔd we una gɛt wit Krays fɔ mek una abop pan di Masta in trɛnk ɛn di pawa we i gɛt.

Lɛta Fɔ Ɛfisɔs 6:10 Referans Kwoze

Lɛta Fɔ Filipay 4:13

A ebul du ɔltin bikɔs Krays de mek a ebul.

Ayzaya 40:31

bɔt di wan dɛn we biliv PAPA GƆD go gɛt frɛsh trɛnk, dɛn go flay go ɔp wit fɛda lɛk igul, dɛn go rɔn ɛn dɛn nɔ go taya; dɛn go waka ɛn dɛn nɔ go fil wik.

Jɔshwa 1:9

PAPA GƆD tɛl Jɔshwa se wans nain PAPA GƆD dɔn tɛl am se mek i tinap lɛkɛ man, i nɔ fɔ fred natin ɛn i nɔ fɔ gɛt ɛni dawt nain maynd, bikɔs PAPA GƆD we nain PAPA GƆD go de wit am ɛnisay we i de go.

1 Kɔrint 16:13

Una fɔ waydawek, una fɔ tinap traŋa pan di biliv we una biliv pan Gɔd, una fɔ gɛt kɔrej, una nɔ fɔ mek ɛnitin pul una pan di wok we una de du fɔ Gɔd.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Lɛta Fɔ Kɔlɔse 1:11

A de pre mek Gɔd mek in wɔndaful pawa mek una gɛt maynd so dat una go ebul bia ɔltin.

Lɛta Fɔ Ɛfisɔs 1:19

ɛn aw in big big pawa de wok pan wi we biliv pan am.

Lɛta Fɔ Ɛfisɔs 3:16

A de pre mek Gɔd we gɛt ɔltin ɛn we gɛt wɔndaful pawa fɔ tek ɛp ɔlman, mek in Spirit gi una pawa fɔ mek una gɛt wanwɔd.

Sɛkɛn Lɛta To Timoti 4:17

Bɔt di Masta bin de wit mi ɛn i gi mi pawa, we mek a ebul tɛl pipul ɔl di mɛsej, mek ɔl dɛn wan we nɔto Ju, yɛri; ɛn i mek a nɔ go insay layɔn mɔt.

Ayzaya 40:28

Yu nɔ no yet? Yu nɔ dɔn yɛri? PAPA GƆD na di Gɔd we de sote go, na im mek di wanol wɔl. I nɔ de wik, i nɔ de taya pɔsin nɔ de ebul fɛnɔt fɔ no aw I de tink.

Sɛkɛn Lɛta To Timoti 2:1

Yu, mi pikin, lɛ di gud we Gɔd de du fɔ wi, bikɔs wi gɛt wanwɔd wit Jizɔs Krays, mek yu tinap traŋa.

2 Kronikuls 15:7

Bɔt una tek kɔrej! Una nɔ pwɛl at bikɔs yu go gɛt di pe fɔ yu wok.”

Egay 2:4

I se PAPA GƆD se Zɛrubabɛl nɔ fɔ pwɛlat, Jɔshwa, we na Jɛozedak in bɔypikin ɛn na di bigman fɔ dɛn man we de mek sakrifays fɔ pipul sin, insɛf nɔ fɔ pwɛlat wit ɔl di ɔda pipul na di land. PAPA GƆD se dɛn fɔ jɛs du di wok bikɔs in PAPA GƆD de wit dɛn,

Di Sam Dɛm 138:3

Wɛn a de pre, yu de ansa; yu dɔn mek a gɛt mɔ zil.

Lɛta Fɔ Filipay 4:8

Mi Kristiɛn brɔda dɛn, na di las tin dis we a want tɛl una na dis lɛta: dɛn tin we tru, dɛn tin we rayt na Gɔd yay, dɛn tin we gud we nɔ de mek pipul sin, dɛn tin we de mek pɔsin lɛk in kɔmpin mɔtalman, ɛn dɛn tin we ɔlman si se gud; na dɛn nɔmɔ una fɔ de mɛmba ɛn ɔl dɛn tin we pɔsin kin prez Gɔd fɔ.

Zɛkaraya 8:13

I se pipul bin de yus dɛn nem we dɛn de swɛ ɔda pipul, bɔt naw na dɛn sem pipul de go yus nem fɔ blɛs pipul dɛn bikɔs in go sev dɛn ɛn i go mek pipul de kɔl Juda ɛn Izrɛl dɛn nem we dɛn wan blɛs ɔda pipul. I se, mek dɛn nɔ fred, lɛ dɛn pik ɔp zil nɔmɔ.

1 Kronikuls 28:10

Tek tɛm o, bikɔs PAPA GƆD dɔn pik yu fɔ bil os we fɔ de wɔship am; tinap lɛk man.

1 Samiɛl 23:16

Da sem tɛm de, Sɔl in bɔypikin we na Jonɛthan go fɛn Devid ɛn tɛl am fɔ biliv PAPA GƆD.

Zɛkaraya 8:9

PAPA GƆD se, lɛ dɛn nɔ givɔp. Dɛn fɔ pik zil as dɛn dɔn de yɛri ɔl wetin in prɔfɛt dɛn bin dɔn de tɔk frɔm di tɛm we dɛn li fawndeshɔn fɔ bil PAPA GƆD Ɔlmayti in os bak.

Ditarɔnɔmi 31:23

PAPA GƆD bin gi Jɔshwa we na Nɔn in bɔypikin di pawa fɔ bi Izrɛl dɛn lida, ɛn bin tɛl am se, lɛ i tinap lɛk man, ɛn lɛ i nɔ fred natin; nain na di pɔsin we fɔ kɛr di Izrɛlayt dɛn go na di land we i bin dɔn swɛ se in go gi dɛn, ɛn in go de wit am.

1 Kronikuls 28:20

Nain Devid tɛl Sɔlɔmɔn we nain bɔypikin se, “tinap lɛk man, tek kɔrej ɛn du am. Nɔ fred natin ɛn nɔ pwɛl at; bikɔs PAPA GƆD we na mi yon Gɔd de wit yu. I nɔ go fel yu, i nɔ go kɔmɔt biɛn yu, sote ɔl di wok we de fɔ du na PAPA GƆD in os, go dɔn.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Lɛta Fɔ Filipay 3:1

Mi Kristiɛn brɔda dɛn, na di las tin dɛn dis we a gɛt fɔ tɛl una na dis lɛta. A de tɛl una fɔ gladi bikɔs una gɛt wanwɔd wit di Masta. Fɔ rayt ɔl wetin a bin dɔn rayt to una fɔstɛm bak, nɔ mɔna mi, dat go bɛtɛ sɛf fɔ una.

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Jɔn In Fɔs Lɛta 2:14

Mi pikin dɛn, a de rayt una bikɔs una no di Papa. Mi papa dɛn, a de rayt una bikɔs una no di wan we bin dɔn de frɔm we di wɔl bigin. Yɔŋ man dɛn, a de rayt una bikɔs natin nɔ ebul una. Gɔd in wɔd de insay una at ɛn una dɔn win Setan.