Lɛta Fɔ Ɛfisɔs 6:1 - Krio Fɔs Oli Baybul

¹ Una we na pikin, una fɔ de du wetin di wan dɛn we bɔn una tɛl una fɔ du; na di rayt tin dat we Kristiɛn fɔ du.

Lɛta Fɔ Ɛfisɔs 6:1 Referans Kwoze

Prɔvabs 23:22

Lisin to yu papa we bɔn yu ɛn nɔ fɔgɛt fɔ mɛn yu mama we i ol.

Prɔvabs 6:20

Mi pikin, du wetin yu papa tɛl yu fɔ du, ɛn nɔ fɔgɛt wetin yu mama dɔn tich yu.

Prɔvabs 1:8

Mi pikin, pe atɛnshɔn to wetin yu papa de tɛl yu, nɔ fɔgɛt wetin yu mama de tel yu.

Ditarɔnɔmi 21:18

Mozis tɛl di Izrɛlayt dɛn se if ɛnibɔdi gɛt bɔypikin we traŋayes bad bad wan, ɛn i nɔ de yɛri in mami ɛn dadi wɔd ɔl we dɛn dɔn bit bit am,

Lɛvitikɔs 19:3

I se ich wan pan dɛn fɔ rɛspɛkt in mama ɛn papa, du wetin in we na PAPA GƆD se fɔ du di de we mek sɛvin we na fɔ blo bikɔs nain na PAPA GƆD we na dɛn GƆD.

Fɔs Lɛta To Timoti 5:4

Bɔt if uman we in man dɔn day gɛt pikin ɔ grampikin, in pikin ɔ grampikin fɔ du wetin ɔl pikin ɛn grampikin fɔ du fɔ dɛn mami ɛn dadi ɛn fɔ dɛn grani ɛn grandadi dɛn fɔ gi dɛn ɔl wetin dɛn fɔ gɛt, bikɔs if dɛn du dat, Gɔd go satisfay wit dɛn.

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Prɔvabs 30:17

Ɛnibɔdi we nɔ rɛspɛkt in papa, dɔn i nɔ luk in mama, na bɔd dɛn go it in dedebɔdi, na yuba bɛlɛ go tɔn in bɛriŋrɔn.

Lɛta Fɔ Rom 7:12

Na Gɔd gi wi di Lɔ, ɛn ɛni wan pan dɛn lɔ ya nɔ gɛt ɛnitin we bad pan dɛn, dɛn rayt fɔ ɔlman, ɛn dɛn gud fɔ ɔlman.

Lyuk 2:51

Jizɔs go Nazarɛt bak wit in mama ɛn papa ɛn i yɛri dɛn wɔd. In mama kip ɔl dɛn tin ya we bi nain at.

Job 33:27

mɔtalman go siŋ usay pipul dɛn de, se: a dɔn kɔmit sin ɛn dɔn du wetin nɔ rayt, bɔt PAPA GƆD nɔ du mi natin.

Pita In Fɔs Lɛta 2:13

Fɔ di Masta in sek, una fɔ put unasɛf ɔnda ɛnibɔdi we de oba una na dis wɔl ɛn du ɔl wetin dɛn want una fɔ du, dat na di pɔsin we de oba ɔl dɛn ɔda rula,

Ozie 14:9

Udat gɛt sɛns fɔ ɔndastand dɛn tin ya; udat ebul fɔ no wetin i min, lɛ i no; bikɔs PAPA GƆD de du wetin rayt ɛn pipul dɛn we rɛspɛkt PAPA GƆD de du wetin i se bɔt udat nɔ du wetin i se go ambɔg.

Prɔvabs 30:11

Pipul dɛn de we de fityay dɛn papa, dɔn dɛn nɔ de blɛs dɛn mama.

Jɛnɛsis 28:7

Ɛn Jekɔb tek in mama ɛn papa dɛn wɔd ɛn go Padan Aram.

Di Sam Dɛm 19:8

PAPA GƆD nɔ de mistek tɔk we yu du wetin i se, yu de gladi. If yu du wetin PAPA GƆD de tich yu go ɔndastand mɔ na layf.

Ɛsta 2:20

Ɛsta stil nɔ bin tɔk udat in pipul dɛn bi jɛs lɛkɛ aw Mɔdikay bin dɔn se, bikɔs Ɛsta bin de du ɔl wetin Mɔdikay se lɛkɛ aw i bin de du we i de mɛn am.

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

Lɛta Fɔ Rom 16:2

Una fɔ du ɔltin we fɔ du fɔ am bikɔs i de wit Krays ɛn unasɛf na Gɔd pipul. Una mɔs ɛp am wit ɛnitin we i want mek una ɛp am wit, bikɔs insɛf dɔn ɛp plɛnti pipul ɛn i dɔn ɛp misɛf.

Di Sam Dɛm 119:75

A no se yu lɔ dɛn na fɔ jɔj tin dɛn di rayt we, ɛn na bikɔs yu de du tin dɛn di rayt we ɔltɛm lɛ yu pɔnish mi.

Jɛnɛsis 37:13

nain Jekɔb tɛl Josɛf se in wan mek i go na Shɛkɛm usay in brɔda dɛn de mɛn di ship ɛn got dɛn. Josɛf ansa se in rɛdi

Jɛrimaya 35:14

Di kɔmand we Jonadeb we na Rekab in bɔypikin bin gi in yon bɔypikin dɛn, we i se dɛn nɔ fɔ drink wayn, dɛn kip to am; ɛn dɛn nɔ drink nɔn wayn te tide, bikɔs dɛn dɔn obe dɛn papa in kɔmand. Ɔltɛm a de tɔk to una, bɔt una nɔ de lisin mi.

Nɛimaya 9:13

Yu kɔmɔt na ɛvin kam dɔŋ na Mawnt Saynay kam tɔk to dɛn. Yu gi dɛn lɔ ɛn kɔmand dɛn we gud ɛn dɛn nɔ pashal.

1 Samiɛl 17:20

Doklin di nɛks de, Devid lɛf in ship dɛn wit wan ɔda man we de mɛn ship, pak ɔltin ɛn lɛf fɔ go na di kamp jɛs lɛkɛ aw Jɛsi dayrɛkt am. I rich na di kamp di tɛm we di ami de siŋ wa siŋ dɛn as dɛn de skata.

Di Sam Dɛm 119:128

ɛn bikɔs a tink se ɔl yu lɔ dɛn gud, a dɔn et naw fɔ de du ɛnitin we nɔ rayt.

Ruth 3:5

Ruth ansa se in go du ɔl wetin Naomi tɛl am.

Jɛrimaya 35:8

Wi dɔn obe ɔl wetin Jonadab we na Rekab in bɔypikin, wi fɔstɛmpapa se, we i se wi nɔ fɔ drink wayn te wi day, wi, wi wɛf dɛm, wi bɔy ɛn gyalpikin dɛm,

Jɛrimaya 35:18

Bɔt Jɛrimaya tɛl di Rekabayt dɛn se, “Na dis PAPA GƆD Ɔlmayti we na Izrɛl dɛn Gɔd se: Bikɔs una dɔn obe Jonadab we na una papa kɔmand ɛn du ɔl wetin in lɔ dɛn se ɛn ɔl wetin i kɔmand una fɔ du,

Jɛnɛsis 48:12

Josɛf tek di pikin dɛn na Jekɔb in lap, dɔn i baw rayt dɔŋ.

Jɛnɛsis 50:12

Jekɔb in bɔypikin dɛn du wetin i bin tɛl dɛn fɔ du;