Lɛta Fɔ Ɛfisɔs 5:8 - Krio Fɔs Oli Baybul

⁸ Una bin de na dak, bɔt naw una dɔn bi di Masta in yon pipul, una dɔn de na di layt, una fɔ liv lɛkɛ pipul we de na di layt.

Lɛta Fɔ Ɛfisɔs 5:8 Referans Kwoze

Jɔn 8:12

Jizɔs bigin tɔk to di Faresi dɛn bak, i se, “Mi na di Layt na di wɔl, ɛnibɔdi we de fala mi go gɛt di layt we de gi layf ɛn i nɔ go waka na dak.”

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Lɛta Fɔ Kɔlɔse 1:13

I pul wi kɔmɔt pan sin we bin gɛt pawa oba wi ɛn we bin mek wi de na dak ɛn i briŋ wi kam ɔnda in Pikin we i lɛk bad, in pawa. Na Gɔd in Pikin dɔn pul wi kɔmɔt ɔnda sin in pawa, dat na we i dɔn padin wi.

Jɔn 12:46

A dɔn kam na di wɔl lɛkɛ layt, so dat ɛnibɔdi we biliv pan mi, nɔ go lɛf na dak.

Lɛta Fɔ Ɛfisɔs 4:18

We dɛn at nɔ opin, na dat mek dɛn nɔ sabi natin; dɛn de na dak ɛn dɛn nɔ gɛt di layf we Gɔd de gi.

Jɔn 12:36

Una fɔ biliv pan di layt ɔl di tɛm we di layt de wit una, so dat una go bi pipul we de na di layt ɔltɛm.” Afta Jizɔs tɔk dat, i lɛf di pipul dɛn go na ples we dɛn nɔ go fɛn am.

Ayzaya 9:2

Di pipul dɛn we bin de waka na daknɛs dɔn si brayt brayt layt; na pan di wan dɛn we bin tap na di land we dak bad bad wan, layt dɔn shayn pan dɛm.

Lɛta Fɔ Ɛfisɔs 2:2

Da tɛm de una bin de du ɔl dɛn bad tin we di pipul dɛn na di wɔl de du. Una bin de du wetin di dɛbul dɛn edman we de ɔlɔbɔt tɛl una fɔ du, nain de rul dɛn pipul we nɔ de du wetin Gɔd tɛl dɛn fɔ du.

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Jɛrimaya 13:16

Una glɔrifay PAPA GƆD we na una Gɔd bifo di ples dak, bifo una bɔk una fut, na dɛn mawnten dɛn na nɛt, ɛn wɛn yu de luk se layt de kam i mek di ples dak lilibit, ɛn mek i dak bad bad wan.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Lyuk 16:8

“Di masta se di klak we tif du wɛl bikɔs i tink gud bifo i du ɔl wetin i du. Dɛn pipul we tek dɛn tin na wɔl mek gɔd, de tink fa wɛn dɛn de dil wit pipul lɛkɛ dɛnsɛf pas dɛn pipul we de waka na Gɔd in layt.”

Ayzaya 2:5

E Jekɔb in os, una kam lɛ wi waka na PAPA GƆD in layt.

Lɛta Fɔ Ɛfisɔs 6:12

Wi nɔ de fɛt mɔtalman, wi de fɛt dɛn pawa we wi nɔ de si, dɛn pawa we de rul dis dak wɔl ɛn dɛn wan we de ɔp ɔp na di klawd.

2 Kɔrint 3:18

So wɛn Gɔd dɔn pul di tin we nɔ de mek dɛn ebul ɔndastand, wi ɔl go tan lɛkɛ glas; ɛnibɔdi we luk wi go si aw di Masta wɔndaful, ɛn Gɔd in Spirit go de mek wisɛf wɔndaful mɔ ɛn mɔ, lɛkɛ aw di Masta, we pipul de si pan wi, wɔndaful.

Lyuk 1:79

Da san de go shayn pan dɛn pipul we de na dak ɛn we want day, ɛn i go mek wi gɛt kol at.”

2 Kɔrint 6:14

Una nɔ fɔ jɔyn an wit dɛn pipul we nɔ biliv Gɔd lɛkɛ se una ɔl na wan, aw tin we rayt ɛn tin we nɔ rayt go jɔyn? Aw layt ɛn daknɛs go de wan ples?

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Lɛta Fɔ Rom 2:19

una shɔ se una kin lid dɛn blɛnyay pipul, ɛn na una na layt fɔ dɛn pipul we de na dak,

Jɔn 1:9

Di layt we i tɔk bɔt na di tru layt we kam na di wɔl, ɛn shayn pan ɔlman ɛn mek ɔlman si am.

Matyu 4:16

di pipul dɛn we bin lib de bin de na dak, dɛn nɔ bin no Gɔd, bɔt dɛn si big layt; dɛn bin tan lɛkɛ pipul we want day, bɔt di layt dɔn shayn pan dɛn.”

Ayzaya 49:9

de tɛl di prizina dɛn se, ‘Una kan na do,” ɛn tɛl di wan we de na daknɛs se, “Una apia,’ Dɛn go de it na rod we dɛn de go, ɛn ɔl dɛn mawnten we dray, go bi ples we plɛnti de fɔ dɛn fɔ it;

Lɛta Fɔ Galeshya 5:25

Gɔd in Spirit dɔn gi wi layf ɛn i fɔ rul wi layf.

Lɛta Fɔ Rom 1:21

Dɛn no Gɔd, bɔt dɛn nɔ de gri fɔ gi am di rɛspɛkt we i fɔ gɛt, ɛn dɛn nɔ de tɛl am tɛnki fɔ ɛnitin we i du. Dɛn ed dɔn miks ɔp ɔltogɛda, dɛn nɔ ebul ɔndastand, so dɛn nɔ no wetin rayt.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Ayzaya 42:16

Ɛn a go pas dɛn blɛn yay na rod we dɛn nɔ no A go gayd dɛm na rod we dɛn nɔ no wande. A go tɔn di daknɛs we de bifo dɛm to layt, ɛn mek di rɔf ples dɛn to lɛbul grɔn. Na dɛn tin ya a go du, ɛn a nɔ go tɔn mi bak pan dɛm.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Apɔsul Dɛn Wok 17:30

Gɔd nɔ de blem pipul fɔ di tɛm we dɛn nɔ bin no wetin i bin want mek dɛn du; bɔt naw Gɔd de tɛl ɔlman na wɔl fɔ mek dɛn lɛf fɔ du di bad tin dɛn we dɛn de du.

Di Sam Dɛm 74:20

Mɛmba di Kɔvinant we yu bin mek bikɔs pipul de we sidɔm na kɔna de plan bad ɔltɛm.

Ayzaya 50:10

Uswan pan una de fred PAPA GƆD ɛn de du wetin in wokman se, we de waka na daknɛs ɛn nɔ gɛt layt, bɔt stil trɔs PAPA GƆD in nem, ɛn abop pan in Gɔd?

Matyu 3:8

Una fɔ du di tin dɛn we sho se una dɔn lɛf fɔ du bad.

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Lɛta Fɔ Rom 13:12

Nɛt dɔn de pas, de tɛm dɔn kam klos. Una lɛ wi lɛf fɔ du dɛn bad tin we dɛn wikɛd pipul we de na dak de du, bɔt lɛ wi tek dɛn tin we wi de tek fɛt, wi we de na di layt bikɔs wi no di tru we, ɛn lɛ wi rɛdi fɔ di fɛt.

Lɛta Fɔ Kɔlɔse 1:12

Una fɔ gladi ɛn tɛl wi Papa tɛnki fɔ we i mek una bi pipul we fit fɔ gɛt pan di tin we i dɔn prɔmis fɔ gi in pipul dɛn we i de rul ɛn we de na layt.