Lɛta Fɔ Ɛfisɔs 5:5 - Krio Fɔs Oli Baybul

⁵ Una fɔ no se: pɔsin we liv fri layf, pɔsin we gɛt bad at, ɔ pɔsin we want ɔltin fɔ insɛf (we jɛs tan lɛkɛ pɔsin we de pre to dɛn tin we mɔtalman mek fɔ pre to) nɔ go de na di ples we Krays de rul ɛn we Gɔd de rul.

Lɛta Fɔ Ɛfisɔs 5:5 Referans Kwoze

Lɛta Fɔ Galeshya 5:21

dɛn nɔ want mek bɛtɛ fala dɛn kɔmpin, dɛn de drɔnk, ɛn dɛn de mek dɛn wayl pati, ɛn dɛn de du plɛnti ɔda bad tin dɛn lɛkɛ dɛn wan ya. A de wɔn una lɛkɛ aw a bin dɔn wɔn una fɔs se: dɛn pipul we de pan dis kayn layf nɔ go de ɔnda Gɔd in rul.

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Lɛta Fɔ Kɔlɔse 3:5

Una fɔ kil di tin we de insay una at we de mek una want fɔ du dɛn bad tin we dɛn ɔda mɔtalman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd).

Lɛta Fɔ Ɛfisɔs 5:3

We una na Gɔd in pikin dɛn, i nɔ gud fɔ mek una liv fri layf, ɔ mek una du wetin nɔ rayt, ɔ mek una put yay pan wetin ɔda pɔsin gɛt; i nɔ gud sɛf fɔ mek una de tɔk bɔt dɛn tin ya to una kɔmpin.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Lɛta Fɔ Galeshya 5:19

I nɔ at fɔ si wetin mɔtalman lɛk fɔ du: mɔtalman lɛk fɔ liv fri ɛn bad layf,

Di Ibru Pipul Dɛn 13:4

Mek ɔlman rɛspɛkt mared layf, di man we mared nɔ fɔ gɛt ɔda uman ɛn di wɛf nɔ fɔ gɛt ɔda man. Una mɛmba se Gɔd go jɔj dɛn wan we liv fri layf, ɛn i go jɔj ɛni mared uman we kip ɔda man ɛn ɛni mared man we kip ɔda uman.

Fɔs Lɛta To Timoti 6:10

Fɔ lɛk mɔni de mek pɔsin du ɔl kayn bad tin. Sɔm Kristiɛn dɛn we bin want mɔni bad bad dɔn lɛf fɔ fala Gɔd, bɔku waala dɔn pwɛl dɛn at.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Ɛksodɔs 20:17

Una nɔ fɔ milɛ una kɔmpin in os, una nɔ fɔ milɛ una kɔmpin in wɛf, una nɔ milɛ ɛni man ɔ uman we de wok fɔ una kɔmpin ɔ in kaw, in dɔŋki ɔ ɛnitin we blant am.”

Jɔshwa 7:21

I se na we in si wan fayn lapa, fayv pawns wet silva ɛn gold ba we na wan ɛn kwata pawn wet,, pan di tin dɛn we dɛn kapchɔ, nain in at go de, so in tek dɛn. I se in dig grɔn bɛr dɛn insay in tɛnt ɛn na di silva in put bɔtɔm.

Apɔsul Dɛn Wok 8:21

Yu nɔto wan pan wi ɛn Gɔd si se yu at nɔ de fɔ am.

Apɔsul Dɛn Wok 20:32

“Naw a de lɛf una na Gɔd an ɛn a lɛf in wɔd we de tɔk bɔt aw Gɔd gud, gi una. Gɔd go ɛp una fɔ biliv pan Jizɔs gud gud ɛn I go gi una di blɛsin we i dɔn prɔmis fɔ gi dɛn pipul we biliv pan am.

Lɛta Fɔ Kɔlɔse 1:13

I pul wi kɔmɔt pan sin we bin gɛt pawa oba wi ɛn we bin mek wi de na dak ɛn i briŋ wi kam ɔnda in Pikin we i lɛk bad, in pawa. Na Gɔd in Pikin dɔn pul wi kɔmɔt ɔnda sin in pawa, dat na we i dɔn padin wi.