Lɛta Fɔ Ɛfisɔs 5:4 - Krio Fɔs Oli Baybul

⁴ Una nɔ fɔ tɔk bad, fulish, ɔ dɔti wɔd, bɔt una fɔ de tɛl Gɔd tɛnki.

Lɛta Fɔ Ɛfisɔs 5:4 Referans Kwoze

Lɛta Fɔ Kɔlɔse 3:8

Una fɔ tap fɔ du ɔl dɛn bad tin ya: una nɔ fɔ de vɛks; una nɔ fɔ vɛks te una nɔ no wetin una de du; una nɔ fɔ de mɛmba ɛnitin we go mek una want fɔ du una kɔmpin bad. Una nɔ fɔ tɛl ɛnibɔdi ɛnitin we go mek i fil smɔl; ɛn una nɔ fɔ tɔk bad wɔd.

Lɛta Fɔ Ɛfisɔs 4:29

Una fɔ lɛf fɔ tɔk bad wɔd, una fɔ de tɔk dɛn wɔd we go ɛp ɔda pipul, so dat wetin una de tɔk go du gud fɔ di pipul dɛn we de yɛri una.

Fɔs Lɛta Fɔ Tɛsalonayka 5:18

ɛn una fɔ tɛl Gɔd tɛnki ɔltɛm fɔ ɔltin. Na so Gɔd want mek una we gɛt wanwɔd wit Jizɔs Krays, liv.

Prɔvabs 15:2

Wɛn sɛnsman de tɔk, ɔlman de gladi ɛn want fɔ yɛri mɔ; bɔt wɛn fulman opin in mɔt, na soso rotorata de kɔmɔt de.

Ɛkliziastis 10:13

We i opin in mɔt na soso nɔnsɛns ful de ɛn bay di tɛm we i de tɔk dɔn, na so so wikɛdnɛs yu go si;

Pita In Sɛkɛn Lɛta 2:18

Dɛn de bost bost we nɔ min natin ɛn dɛn liv fri layf; na dat dɛn de tek drɔ dɛn pipul we jɛs bigin lɛf dɛn bad we fɔ mek dɛn fala dɛn, fɔ bigin liv bad layf bak.

Di Ibru Pipul Dɛn 13:15

Na dat mek wi fɔ prez Gɔd ɔltɛm; di prez we wi de prez Gɔd tru Jizɔs, wɛn wi de tɔk ɔltɛm se in na wi Masta, na di sakrifays we wi de mek to Gɔd.

Lɛta Fɔ Filipay 4:6

Una nɔ fɔ mek ɛnitin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛnitin we una want ɛn una fɔ tɛl am tɛnki.

Jud In Lɛta 1:10

Bɔt dɛn pipul ya de tɔk bad bɔt ɛnitin we dɛn nɔ sabi; dɛn de du ɛnitin we dɛn ed gi dɛn fɔ du lɛkɛ dɛn bif na bush, ɛn na dat de pwɛl dɛn.

2 Kɔrint 9:15

Lɛ wi tɛl Gɔd tɛnki fɔ in Pikin we i dɔn gi wi fɔ natin, we wɔndaful pas ɔl.

Mak 7:22

fɔ kip ɔda pɔsin wɛf ɔ man, fɔ put yay pan ɔda pɔsin prɔpati, fɔ du ɛni kayn bad, fɔ mek pipul ful, fɔ pwɛl in kɔmpin nem, fɔ mek prawd, ɛn fɔ du fulish tin.

Di Sam Dɛm 92:1

Na fayn tin fɔ mek pipul tɛl PAPA GƆD tɛnki dɛn fɔ siŋ to PAPA GƆD Ɔlmayti ɛn prez in nem.

Jud In Lɛta 1:13

Dɛn disgres de sho lɛkɛ frɔsh we de lɛf biɛn wɛn dɛn big swɛlin fɔdɔm na sho; dɛn tan lɛkɛ dɛn big sta we nɔ de sidɔm na wan ples na di klawd, Gɔd dɔn kip dak dak ples fɔ put dɛn pipul ya sote go.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Prɔvabs 12:23

Udat nɔ gɛt sɛns nain de tɔk bɔku, bɔt yu gɛt sɛns de kip in sɛns fɔ in jab.

Pita In Sɛkɛn Lɛta 2:7

Gɔd nɔ bin mek di faya bɔn Lɔt bikɔs Lɔt bin de du wetin rayt na Gɔd yay ɛn i nɔ bin lɛk di bad tin dɛn we pipul bin de du ɔlɔbɔt.

Di Sam Dɛm 33:1

Una we de du wetin PAPA GƆD want, mek nyu siŋ fɔ PAPA GƆD; Na gud tin fɔ mek udat de du wetin PAPA GƆD want, prez am.

Faylimɔn 1:8

We mi na yu Kristiɛn brɔda, a gɛt di pawa fɔ tɛl yu wetin yu fɔ du,

Fɔs Lɛta Fɔ Tɛsalonayka 3:9

Wi kin tɛl Gɔd tɛnki naw fɔ una. Wi tɛl am tɛnki fɔ di gladi we wi kin gladi wɛn wi kam bifo am fɔ pre fɔ una, bikɔs una stil biliv pan am.

Lɛta Fɔ Ɛfisɔs 1:16

a de tɛl Gɔd tɛnki ɔltɛm fɔseka una, a de pre fɔ una.

Jɔn 6:23

Bɔt sɔm ɔda bot dɛn we kɔmɔt Taybiryɔs, kam nia di ples we di pipul dɛn it di bred afta di Masta dɔn tɛl Gɔd tɛnki.

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Prɔvabs 26:19

na so man kin de ple in kɔmpin gem, dɔn i se na jok i de jok.