Lɛta Fɔ Ɛfisɔs 5:3 - Krio Fɔs Oli Baybul

³ We una na Gɔd in pikin dɛn, i nɔ gud fɔ mek una liv fri layf, ɔ mek una du wetin nɔ rayt, ɔ mek una put yay pan wetin ɔda pɔsin gɛt; i nɔ gud sɛf fɔ mek una de tɔk bɔt dɛn tin ya to una kɔmpin.

Lɛta Fɔ Ɛfisɔs 5:3 Referans Kwoze

Lɛta Fɔ Kɔlɔse 3:5

Una fɔ kil di tin we de insay una at we de mek una want fɔ du dɛn bad tin we dɛn ɔda mɔtalman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd).

Lɛta Fɔ Ɛfisɔs 5:5

Una fɔ no se: pɔsin we liv fri layf, pɔsin we gɛt bad at, ɔ pɔsin we want ɔltin fɔ insɛf (we jɛs tan lɛkɛ pɔsin we de pre to dɛn tin we mɔtalman mek fɔ pre to) nɔ go de na di ples we Krays de rul ɛn we Gɔd de rul.

Fɔs Lɛta Fɔ Tɛsalonayka 4:3

Gɔd want mek una layf bi in yon, ɛn i nɔ want ɛnibɔdi fɔ tek in kɔmpin man ɔ wɛf.

1 Kɔrint 6:18

Una nɔ fɔ liv fri layf. Ɛni ɔda tin we pɔsin de du we na sin nɔ go ambɔg in bɔdi lɛkɛ aw pɔsin we liv fri layf de ambɔg in yon bɔdi.

Fɔs Lɛta Fɔ Tɛsalonayka 4:7

Gɔd nɔ kɔl wi fɔ mek wi liv fri layf, wi nain yon pipul so wi fɔ liv di kayn layf we go sho se wi nain yon pipul.

1 Kɔrint 6:13

Ɔda pɔsin go se, “It na fɔ bɛlɛ, bɛlɛ na fɔ it.” Na so i bi, bɔt Gɔd kin mek it dɔn ɛn i kin mek bɛlɛ pwɛl. Gɔd nɔ mek mɔtalman bɔdi fɔ mek i liv fri layf, i mek mɔtalman fɔ du wetin in want wit in bɔdi; Gɔd insɛf de du ɔl wetin gud fɔ di bɔdi.

Lɛta Fɔ Ɛfisɔs 5:12

Pipul go shem sɛf fɔ tɔk bɔt dɛn tin we dɛn pipul we de na dak de du, we nɔbɔdi nɔ si.

Matyu 15:19

Nainsay di at pɔsin de mekɔp fɔ du bad tin, fɔ kil; fɔ kip ɔda uman wɛn i dɔn mared, ɔ, if na uman, fɔ kip ɔda man, wɛn i dɔn mared; fɔ slip wit uman wɛn i nɔ mared yet, ɔ if na uman, fɔ slip wit man wɛn i nɔ mared yet; ɔ fɔ tif; fɔ lay pan pipul wɛn in na witnɛs, ɛn fɔ tɔk bad bɔt ɔda pipul.

Rɛvɛleshɔn 2:21

A bin lɛf am lili bit mek i go gɛt chans fɔ lɛf fɔ sin, bɔt i nɔ gri lɛf.

1 Kɔrint 10:8

Wi nɔ fɔ liv fri layf, lɛkɛ aw sɔm pipul bin du, we mek twɛnti-tri tawzin pan dɛn day wande.

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Rɛvɛleshɔn 2:14

Bɔt sɔm tin dɛn de we a blem una fɔ, sɔm pan una de du dɛn tin we Belam bin tɛl pipul fɔ du; na Belam bin sho Belak aw fɔ trap di Izrɛl pipul dɛn mek dɛn sin. I bin mek dɛn it it we dɛn bin dɔn gi dɛn tin we mɔtalman mek fɔ pre to, ɛn i mek dɛn wan we bin dɔn mared, liv fri layf.

1 Kɔrint 5:1

Pipul dɔn bigin de tɔk sɛf se di layf we dɛn man ɛn dɛn uman na una chɔch liv, so bad dat dɛn wan we nɔ no Gɔd sɛf nɔ liv da layf de; a yɛri se wan man ɛn in stɛpmama de.

Izikɛl 33:31

Ɛn dɛn kam to yu lɛk aw pipul dɛn kin kam, ɛn dɛn sidɔm bifo yu lɛk mi yon pipul, ɛn dɛn yɛri wetin yu se bɔt dɛn nɔ go du am; fɔ dɛn de sho bɔku lɔv wit dɛn mɔt bɔt dɛn at fasin pan dɛn prɔfit.

Ɛksodɔs 20:17

Una nɔ fɔ milɛ una kɔmpin in os, una nɔ fɔ milɛ una kɔmpin in wɛf, una nɔ milɛ ɛni man ɔ uman we de wok fɔ una kɔmpin ɔ in kaw, in dɔŋki ɔ ɛnitin we blant am.”

Rɛvɛleshɔn 9:21

Dɛn pipul ya nɔ bin sɔri fɔ wetin dɛn bin de du ɛn lɛf fɔ du dɛn, dat na di kil we dɛn bin de kil pipul, di wich we dɛn bin de wich, di fri layf we dɛn bin liv ɛn di tif we dɛn bin de tif.

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Di Ibru Pipul Dɛn 12:16

Una tek tɛm, mek una nɔ liv fri layf, ɛn una nɔ tek dɛn tin we blant Gɔd lɛkɛ se dɛn nɔ min natin, lɛkɛ aw Isɔ bin du we i sɛl in rayt gi in smɔl brɔda fɔseka wan plet it.

2 Kɔrint 12:21

A de fred se wɛn a kam di sɛkɛn tɛm, Gɔd go mek a fil smɔl bifo una, ɛn a go kray fɔ plɛnti pipul we bin dɔn sin, bɔt dɛn nɔ sɔri fɔ di bad bad tin dɛn we dɛn dɔn du pan man ɛn uman biznɛs.

Taytɔs 2:3

Semwe so, tɛl di big uman dɛn se dɛn fɔ de du lɛkɛ aw dɛn uman we de waka wit Gɔd fɔ du. Dɛn nɔ fɔ tɔk bad bɔt pipul, dɛn nɔ fɔ drink sote dɛn nɔ ebul lɛf wayn igen. Dɛn fɔ de lan pipul dɛn tin we gud fɔ dɛn,

Sɛkɛn Lɛta To Timoti 3:2

Pipul go de mɛmba dɛnsɛf nɔmɔ, dɛn go want ɔltin, dɛn go de bost ɛn dɛn go prawd; dɛn go de kɔs, dɛn nɔ go de yɛri dɛn mami ɛn dadi wɔd, dɛn nɔ go de tɛl tɛnki fɔ ɛni gud we pɔsin du fɔ dɛn, dɛn nɔ go lɛk Gɔd biznɛs;

Apɔsul Dɛn Wok 15:20

Bɔt una lɛ wi rayt tɛl dɛn se dɛn nɔ fɔ it ɛnitin we pipul dɔn sakrifays to dɛn gɔd, dɛn nɔ fɔ liv fri layf, dɛn nɔ fɔ it bif we gɛt blɔd pan am, ɛn dɛn nɔ fɔ it blɔd.

Ɛksodɔs 18:21

Dɔn igen, Mozis fɔ pik man dɛn we de fred PAPA GƆD, man dɛn we ɔnɛs ɛn nɔ de tek brayb; i se na dɛn man dɛn de i fɔ put inchaj lɛkɛ chif edman. I se sɔm go de rul lɛkɛ tu-tri tawzin pipul, sɔm tu-tri ɔndrɛd, sɔm na fifti, ɛn sɔm na tɛn tɛn.

Pita In Sɛkɛn Lɛta 2:14

Pan ɔl we dɛn dɔn mared, dɛn yay de na trit, dɛn nɔ de taya fɔ fala dɛn at fɔ liv fri layf. Dɛn de drɔ dɛn pipul we nɔ gɛt dɛn yon maynd fɔ fala dɛn fɔ du bad. Dɛn jɛs want nɔmɔ fɔ gɛt ɔltin fɔ dɛnsɛf, Gɔd dɔn kɔndɛm dɛn, bɛtɛ nɔ go fala dɛn.

Pita In Sɛkɛn Lɛta 2:10

dɛn ticha we de fala dɛn at fɔ du dɔti tin wit dɛn bɔdi ɛn we nɔ de du wetin dɛn wan we de oba dɛn tɛl dɛn fɔ du, na dɛn mɔ Gɔd go pɔnish. Dɛn ticha ya dɛn at traŋa ɛn dɛn de du wetin dɛn ed gi dɛn fɔ du; dɛn nɔ de fred sɛf fɔ tɔk bad bɔt ɔl dɛn wan we de na ɛvin ɛn laf dɛn.

Pita In Fɔs Lɛta 5:2

Una fɔ kia fɔ dɛn pipul we Gɔd lɛf na una an lɛkɛ shɛpad we de mɛn ship. Una nɔ fɔ du lɛkɛ se na fos dɛn de fos una, una fɔ kia fɔ dɛn wit opin at; ɛn una nɔ fɔ wok fɔ mɔni nɔmɔ, bɔt bikɔs una gladi fɔ wok.

Taytɔs 1:11

Yu fɔ mek dɛn pipul ya tap fɔ tɛl pipul dɛn tin we dɛn de tɔk, bikɔs dɛn de skata mami, dadi, ɛn pikin, we dɛn de lan dɛn tin we dɛn nɔ fɔ lan dɛn. Dɛn de du dat fɔ mek mɔni nɔmɔ, ɛn dat na tin we fɔ mek dɛn shem.

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Fɔs Lɛta To Timoti 3:3

i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

Fɔs Lɛta To Timoti 2:10

Bɔt dɛn fɔ de du dɛn gud wok we uman we kɔl insɛf Gɔd uman fɔ du.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Lɛta Fɔ Rom 16:2

Una fɔ du ɔltin we fɔ du fɔ am bikɔs i de wit Krays ɛn unasɛf na Gɔd pipul. Una mɔs ɛp am wit ɛnitin we i want mek una ɛp am wit, bikɔs insɛf dɔn ɛp plɛnti pipul ɛn i dɔn ɛp misɛf.

Lɛta Fɔ Rom 6:13

Una nɔ fɔ sin wit ɛni pat pan una bɔdi, bɔt una fɔ gi Gɔd ɔl pat na una layf, na so pipul we bin day bɔt we Gɔd dɔn gi nyu layf, fɔ du; una fɔ gi Gɔd ɔl una layf so dat i go mek una du dɛn tin we gud fɔ mɔtalman.

Lɛta Fɔ Rom 1:29

Dɛn at ful wit ɔl kayn bad tin: dɛn want wetin ɔda pipul gɛt, dɛn de du dɛn kɔmpin mɔtalman bad bad, dɛn de jɛlɔs dɛn kɔmpin mɔtalman, dɛn de kil dɛn kɔmpin mɔtalman, dɛn de fɛt dɛn kɔmpin mɔtalman, dɛn de mek dɛn kɔmpin mɔtalman ful, ɛn dɛn de mɛmba bad bad tin fɔ dɛn kɔmpin mɔtalman. Dɛn de koŋosa dɛn kɔmpin mɔtalman,

Apɔsul Dɛn Wok 20:33

A nɔ bin put yay pan ɛnibɔdi prɔpati lɛkɛ silva, gold ɛn fayn klos.

Lyuk 16:14

Wɛn di Faresi dɛn yɛri wetin Jizɔs tɔk, dɛn laf am bikɔs dɛn na pipul we lɛk mɔni.

Mayka 2:2

Dɛn kin kapu pipul dɛn fil ɛn os dɛn ɛn pul dɛn kɔmɔt na dɛn an. Dɛn jɛs de fɔ buli pipul dɛn ɛn pul dɛn os ɛn ɔda prɔpati kɔmɔt na dɛn an.

Jɛrimaya 22:17

Bɔt yu gɛt yay ɛn at fɔ rog pipul dɛn nɔmɔ, fɔ shɛd inosɛnt blɔd, ɛn fɔ sɔprɛs ɛn fɛt pipul.”

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Prɔvabs 28:16

Ɛni rula we nɔ gɛt sɛns de mek di pipul sɔfa, bɔt udat nɔ miks pan kapu kapu ɛn awn awn de gɛt lɔŋ layf.

Di Sam Dɛm 119:36

Lɛ a nɔ fɛt fɔ wetin a go gen bɔt lɛ a du wetin yu lɔ dɛn se.

Di Sam Dɛm 10:3

I de mek mɔt ɛn tek advantej pan pipul; i de blɛs dɛn wan we gridi lɛk insɛf bɔt de tɔk bad bɔt PAPA GƆD.

1 Samiɛl 8:3

Bɔt dɛn nɔ bin tan lɛkɛ am atɔl. Dɛn bin de du wetin dɛn fil fɔ du. Dɛn bin de du ɔlkayn ɔnda-an tin fɔ mek mɔni, tek brayb ɛn de pan soso kukujumuku.

Jɔshwa 7:21

I se na we in si wan fayn lapa, fayv pawns wet silva ɛn gold ba we na wan ɛn kwata pawn wet,, pan di tin dɛn we dɛn kapchɔ, nain in at go de, so in tek dɛn. I se in dig grɔn bɛr dɛn insay in tɛnt ɛn na di silva in put bɔtɔm.

Di Nɔmba Dɛm 25:1

Di tɛm we di Izrɛlayt dɛn bin tap na di Akeshia Vali, di man dɛn bigin gɛt biznɛs wit di Moabayt uman dɛn

Ɛksodɔs 23:13

“Una kiaful fɔ du ɔl wetin a dɔn tɛl una; una nɔ pre to ɔda gɔd dɛn; infakt una nɔ kɔl dɛn nem sɛf na una mɔt.

Fɔs Lɛta To Timoti 6:10

Fɔ lɛk mɔni de mek pɔsin du ɔl kayn bad tin. Sɔm Kristiɛn dɛn we bin want mɔni bad bad dɔn lɛf fɔ fala Gɔd, bɔku waala dɔn pwɛl dɛn at.

Lyuk 12:15

Jizɔs tɔn to ɔl di pipul dɛn ɛn se, “A de wɔn una, una nɔ put at pan jɛntri. Nɔto di plɛnti tin dɛn we pɔsin gɛt go mek di pɔsin gɛt di tru layf.”

Lɛvitikɔs 15:18

We di man lidɔm wit uman dɔn, in ɛn di uman fɔ go was ɛn dɛn nɔ go klin na PAPA GƆD yay te ivintɛm.