Lɛta Fɔ Ɛfisɔs 5:25 - Krio Fɔs Oli Baybul

²⁵ Man fɔ lɛk in wɛf lɛkɛ aw Krays lɛk di chɔch sote i day,

Lɛta Fɔ Ɛfisɔs 5:25 Referans Kwoze

Pita In Fɔs Lɛta 3:7

Semwe so, una dɛn maredman fɔ no se una wɛf nɔ gɛt trɛnk lɛkɛ man, so una fɔ de wit dɛn wit da ɔndastandin de, we rayt. Una fɔ rɛspɛkt dɛn bikɔs Gɔd go gi una ɛn dɛnsɛf layf we go de sote go. Una fɔ du ɔl dɛn tin ya, so dat natin nɔ go ambɔg di pre we una de pre.

Lɛta Fɔ Kɔlɔse 3:19

Una dɛn maredman, una fɔ lɛk una wɛf, una nɔ fɔ dil traŋa wan wit dɛn.

Lɛta Fɔ Ɛfisɔs 5:28

Man fɔ lɛk in wɛf lɛkɛ aw i lɛk in yon bɔdi. Di man we lɛk in wɛf, lɛk insɛf.

Jɛnɛsis 2:24

Na fɔ dis mek man go lɛf in mama ɛn papa ɛn go de wit in wɛf, ɛn dɛn tu go bi wan.

Lɛta Fɔ Ɛfisɔs 5:33

Na di sem tin fɔ bi to una: ɛvri man we mared fɔ lɛk in wɛf lɛkɛ aw i lɛk insɛf, ɛn ɔl mared uman fɔ rɛspɛkt in man.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Lɛta Fɔ Galeshya 1:4

Krays bin gri fɔ mek dɛn kil am fɔseka di bad tin dɛn we wi de du, so dat i go pul wi kɔmɔt na di wɔl we de naw we bad plɛnti. Di day we Krays day sho wi se i du wetin Papa Gɔd want.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Jɛnɛsis 24:67

Ayzak tek Ribɛka go insay di tɛnt we in mama Sera bin tap. Ayzak bin lɛk Ribɛka ɛn mared am. Dat ɛp am fɔ bɔkɔp as in mama bin dɔn day.

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Jɔn 6:51

Mi na di bred we kɔmɔt na ɛvin we de gi layf, if ɛnibɔdi it am, di pɔsin go gɛt layf we go de sote go. Di bred we a go gi na mi bɔdi we a go sakrifays, so dat ɔlman na wɔl kin gɛt layf.”

2 Samiɛl 12:3

bɔt di poman nɔ bin gɛt bɛtɛ tin pas wan smɔl uman ship we i bin bay. Bɔt dis poman mɛn am fayn ɛn mek i gro ɔp wit in yon pikin dɛn. I se di poman bin de sheb di smɔl it we i gɛt wit am ɛn bin de mek dɛn ɔltu de drink na di sem kɔp, i bin ivin de mek i lidɔm nain an fɔ slip. I bin de trit am lɛk se nain gyal pikin.

Fɔs Lɛta To Timoti 2:6

i sakrifays in layf fɔ tek bay mɔtalman bak. Na di tin dat we, wɛn di rayt tɛm rich, Gɔd sho mɔtalman fɔ mek dɛn no se in want sev dɛn.

Lɛta Fɔ Ɛfisɔs 5:24

Lɛkɛ aw di chɔch put insɛf ɔnda Krays, na so di wɛf fɔ put insɛf ɔnda in man pan ɔltin.

Sɔlɔmɔn In Siŋ Dɛm 1:11

Wi go mek gold trinkɛt fɔ yu, dɛn go dɔt dɔt am wit silva.