Lɛta Fɔ Ɛfisɔs 5:21 - Krio Fɔs Oli Baybul

²¹ Una fɔ put unasɛf ɔnda una kɔmpin bikɔs una rɛspɛkt Krays.

Lɛta Fɔ Ɛfisɔs 5:21 Referans Kwoze

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Lɛta Fɔ Ɛfisɔs 5:24

Lɛkɛ aw di chɔch put insɛf ɔnda Krays, na so di wɛf fɔ put insɛf ɔnda in man pan ɔltin.

Lɛta Fɔ Ɛfisɔs 5:22

Wɛf fɔ put insɛf ɔnda in man lɛkɛ se na Krays i de put insɛf ɔnda.

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Pita In Fɔs Lɛta 2:17

Una fɔ rɛspɛkt ɔlman, lɛk una kɔmpin Kristiɛn dɛn, fred Gɔd, ɛn rɛspɛkt di man we de rul oba ɔl dɛn ɔda rula dɛn.

Fɔs Lɛta To Timoti 3:4

i fɔ si dat ɔltin de go fayn nain os, i fɔ mek in pikin dɛn rɛspɛkt am ɛn yɛri in wɔd.

Lɛta Fɔ Galeshya 5:13

Mi kɔmpin Kristiɛn dɛn, Krays dɔn kɔl una fɔ mek una fri. Una tek tɛm mek una nɔ bigin du wetin una at tɛl una fɔ du, bikɔs una dɔn fri naw. Bifo dat, una fɔ de ɛp una kɔmpin bikɔs una lɛk dɛn.

Fɔs Lɛta To Timoti 2:11

Uman fɔ sidɔm saful de lan, i fɔ put in yay dɔŋ.

1 Kɔrint 16:16

mek una fala dɛn kayn lida ya, ɛn ɛni ɔda pɔsin we de wok wit dɛn traŋa wan.

Prɔvabs 24:21

Mi pikin, ɔna ɛn rɛspɛkt PAPA GƆD ɛn di kiŋ, nɔ fala nɔbɔdi fɔ biev lɛkɛ rebɛl pan dɛn,

Nɛimaya 5:15

Bɔt di wan dɛn we na bin gɔvna bifo mi bin de pas am pan di pipul dɛn bad bad wan. Apat frɔm di it ɛn di wayn we dɛn bin de tek, dɛn bin de mek dɛn gi dɛn lɛkɛ wan pawn wet silva. Ivin di man dɛn we na bin dɛn asistant bin de tek advantej pan di pipul dɛn. Bɔt, mi, nɔ biev so bikɔs a de fred PAPA GƆD.

2 Kronikuls 19:7

So duya, una fred PAPA GƆD; una kiaful wetin una de du bikɔs PAPA GƆD we Gɔd nɔ de bɛn bɛn di tru. I nɔ de sayd nɔbɔdi ɛn i nɔ de tek brayb.

Pita In Fɔs Lɛta 2:13

Fɔ di Masta in sek, una fɔ put unasɛf ɔnda ɛnibɔdi we de oba una na dis wɔl ɛn du ɔl wetin dɛn want una fɔ du, dat na di pɔsin we de oba ɔl dɛn ɔda rula,

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Nɛimaya 5:9

A tɛl dɛn igen se, wetin dɛn de du nɔ fayn. A aks dɛn se if i nɔ bɛtɛ fɔ biev lɛkɛ udat gɛt fred fɔ PAPA GƆD ɛn avɔyd fɔ mek dɛn pegan dɛn laf dɛn.

1 Kronikuls 29:24

Ɔl di lida dɛm ɛn di pawaful man dɛm, ɛn sɛf ɔl kiŋ Devid in bɔypikin dɛm, gri fɔ put dɛnsɛf ɔnda Kiŋ Sɔlɔmɔn.

Jɛnɛsis 16:9

Di enjɛl se, “Tɔn bak go wok fɔ yu misis ɛn put yusɛf dɔŋ.

2 Kɔrint 5:11

Wi no wetin i min fɔ fred Gɔd, so wi de tray fɔ tɔk to ɔda pipul mek dɛnsɛf go fred Gɔd. Gɔd no wi gud wan, ɛn a op se unasɛf ɔndastand wi gud.