Lɛta Fɔ Ɛfisɔs 5:2 - Krio Fɔs Oli Baybul

² Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Lɛta Fɔ Ɛfisɔs 5:2 Referans Kwoze

Jɔn 13:34

Ɛn naw a de gi una nyu lɔ we se: Una fɔ lɛk una kɔmpin. Una fɔ lɛk dɛn lɛkɛ aw a lɛk una.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Lɛta Fɔ Kɔlɔse 3:14

Pantap ɔl dat, una fɔ lɛk una kɔmpin, dat go mek una gɛt wan at ɛn una go bi wan, ɛn nɔ ambɔg nɔ go de.

2 Kɔrint 2:15

Wi tan lɛkɛ swit smɛl we de kɔmɔt pan insɛns we Krays de gi Gɔd; dɛn wan we Gɔd de sev ɛn dɛn wan we de go ɛl, dɛn ɔl de smɛl am.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

1 Kɔrint 16:14

Ɛni tin we una de du, una fɔ sho se una lɛk ɔlman.

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Jɔn In Fɔs Lɛta 3:16

Na dis mek wi no wetin lɛk min: Krays sakrifays in layf fɔseka wi. Semwe so, wisɛf fɔ sakrifays wi layf fɔseka wi kɔmpin mɔtalman!

Jɛnɛsis 8:21

We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Di Ibru Pipul Dɛn 9:26

If nɔto bin so, Krays bin fɔ sɔfa plɛnti tɛm frɔm di tɛm we Gɔd mek di wɔl. Bɔt i dɔn kam di fɔs ɛn las tɛm, naw we di wɔl de dɔn, fɔ sakrifays insɛf, so dat i go pul sin kɔmɔt na wi layf, wan tɛm fɔ ɔl.

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Fɔs Lɛta To Timoti 2:6

i sakrifays in layf fɔ tek bay mɔtalman bak. Na di tin dat we, wɛn di rayt tɛm rich, Gɔd sho mɔtalman fɔ mek dɛn no se in want sev dɛn.

Lɛta Fɔ Ɛfisɔs 4:15

If wi lɛk pipul ɛn wi de tek tɛm fɔ tɛl dɛn wetin tru, ɔl wetin wi de du go bi wetin Krays want. Krays na wi edman.

Jɔn In Fɔs Lɛta 3:23

Na di tin dis we Gɔd tɛl wi fɔ du: Wi fɔ biliv pan in Pikin, Jizɔs Krays, ɛn wi fɔ lɛk wi kɔmpin mɔtalman, lɛkɛ aw Krays dɔn tɛl wi fɔ du.

Fɔs Lɛta To Timoti 4:12

Nɔ mek nɔbɔdi se bikɔs yu smɔl yu nɔ go ebul du dis wok. Na yu fɔ sho dɛn pipul we biliv Gɔd aw dɛn fɔ de du bay aw yu de tɔk, aw yu de du, aw yu lɛk pipul, aw yu biliv Gɔd, ɛn di kayn layf we yu liv.

Fɔs Lɛta Fɔ Tɛsalonayka 4:9

Nid nɔ de fɔ rayt tɛl una aw una fɔ lɛk una kɔmpin Kristiɛn dɛn, bikɔs Gɔd insɛf dɔn lan una dat.

Lɛta Fɔ Ɛfisɔs 4:2

Una nɔ fɔ lif unasɛf ɔp ɛn una fɔ de bia wit una kɔmpin fɔ sho se una lɛk dɛn.

Lɛta Fɔ Ɛfisɔs 3:17

A de pre mek di biliv we una biliv mek Krays de na una at; ɛn mek di lɛk we una lɛk Gɔd ɛn una kɔmpin mɔtalman tan lɛkɛ aw rut kin go dɔŋ na grɔn ɛn grip di grɔn tayt, ɛn lɛkɛ aw fawndeshɔn kin trɔŋ,

Lɛta Fɔ Galeshya 1:4

Krays bin gri fɔ mek dɛn kil am fɔseka di bad tin dɛn we wi de du, so dat i go pul wi kɔmɔt na di wɔl we de naw we bad plɛnti. Di day we Krays day sho wi se i du wetin Papa Gɔd want.

Lɛvitikɔs 1:17

i go ol di bɔd ɛn jɔg in fɛda dɛn kɔmɔt bɔt nɔto ɔl i go pul. Di man we de mek sakrifays fɔ pipul sin go bɔn am na di ɔlta, pantap di wud we de na di faya; na bɔn sakrifays we dɛn mek na faya. I go pul fayn sɛnt we go mek PAPA GƆD gladi.

Lɛvitikɔs 1:13

bɔt fɔ was di gɔt ɛn di lɛg wit wata. Dɔn di man we de mek sakrifays fɔ pipul sin go bɔn di wanol wan na di ɔlta; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Di Ibru Pipul Dɛn 9:23

Fɔstɛm, dɛn bin jɛs gɛt fɔ ib ib blɔd pan ɔl dɛn tin ya we de sho wi aw dɛn tin we de na ɛvin, tan, so dat dɛn ɔl go klin na Gɔd yay. Fɔ di tin dɛn we de na ɛvin, i gud fɔ mek pɔsin mek sakrifays we bɛtɛ pas bif sakrifays.

Lɛta Fɔ Ɛfisɔs 3:19

A de pre igen mek una no aw Krays lɛk mɔtalman, pan ɔl we mɔtalman nɔ ebul fɔ ɔndastand dis kayn lɛk, ɛn mek Gɔd de insay una gud gud, so dat ples nɔ lɛf fɔ ɔda tin.

Lɛta Fɔ Rom 8:3

Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

Emɔs 5:21

“A et wetin una de du! A nɔ wan si di rɔbish we una de pan se una de wɔship mi.

Lɛvitikɔs 1:9

bɔt dɛn go was in gɔt ɛn lɛg dɛn wit wata. Dɔn di man we de mek sakrifays fɔ pipul sin go bɔn am wanol wan; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

Lɛta Fɔ Ɛfisɔs 5:25

Man fɔ lɛk in wɛf lɛkɛ aw Krays lɛk di chɔch sote i day,

1 Kɔrint 5:7

Una fɔ pul una sin we tan lɛkɛ yist kɔmɔt na una layf, mek una layf go klin. Da tɛm de una go jɛs tan lɛkɛ bred we nɔ gɛt yist, ɛn a no se na so una tan. Krays na di ship we dɛn dɔn sakrifays fɔ wi yon Pasova.

Lɛta Fɔ Rom 4:25

Gɔd bin gri fɔ mek Jizɔs day fɔseka wi sin dɛn, ɛn i mek Jizɔs rayz frɔm di grev so dat i kin mek ɔltin rayt bitwin wi ɛn Gɔd.

Jɔn 6:51

Mi na di bred we kɔmɔt na ɛvin we de gi layf, if ɛnibɔdi it am, di pɔsin go gɛt layf we go de sote go. Di bred we a go gi na mi bɔdi we a go sakrifays, so dat ɔlman na wɔl kin gɛt layf.”

Lɛta Fɔ Rom 8:37

Bɔt insay ɔl dɛn tin ya, we de bi to wi, di wan we lɛk wi de mek wi ebul win ɔltɛm.

Lɛvitikɔs 3:16

Dɔn di man we de mek sakrifays fɔ pipul sin go bɔn dɛn na di ɔlta as it we dɔn bɔn na faya so dat i go pul fayn sɛnt we go mek PAPA GƆD gladi. Nain gɛt ɔl di fat.

Ɛksodɔs 29:18

Bɔn di wanol ship na di ɔlta to mi PAPA GƆD as sakrifays PAPA GƆD lɛk di sɛnt we i de bɔn.

Ɛksodɔs 29:25

We dɛn dɔn du dat dɔn, tek di tin dɛn na dɛn an ɛn bɔn dɛn na di ɔlta wit di ɔda tin dɛn we de, de; na sakrifays to mi PAPA GƆD ɛn a lɛk di sɛnt we i de bɔn.

2 Kɔrint 2:14

Wi tɛl Gɔd tɛnki! We wi gɛt wanwɔd wit Krays, Gɔd de mek wi win ɔltɛm. Gɔd de yus wi fɔ mek ɔl wetin pɔsin fɔ no bɔt Krays prɛd ɔlɔbɔt lɛkɛ swit smɛl.

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Lɛta Fɔ Ɛfisɔs 5:15

Una tek tɛm aw una liv una layf, una nɔ du lɛkɛ dɛn pipul we nɔ gɛt sɛns.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

Di Ibru Pipul Dɛn 8:3

Ɔl dɛn edman we de mek sakrifays fɔ pipul sin, fɔ gi Gɔd wetin dɛn gɛt ɛn dɛn fɔ sakrifays animal to Gɔd. Semwe so, di edman we de mek sakrifays fɔ pipul sin, we wi gɛt, fɔ gɛt sɔntin we insɛf go gi Gɔd.

Di Nɔmba Dɛm 7:21

wan yɔŋ man kaw, wan manship ɛn wan yɔŋ manship we ol wan ia fɔ bɔn as sakrifays;

Ditarɔnɔmi 27:6

Di ston dɛn we dɛn fɔ yuz fɔ bil PAPA PAPA GƆD in ɔlta, na ston dɛn we nɔ kɔt atɔl. Na da ɔlta de dɛn fɔ mek dɛn sakrifays dɛn we dɛn de bɔn wit faya,