Lɛta Fɔ Ɛfisɔs 5:18 - Krio Fɔs Oli Baybul

¹⁸ Una nɔ fɔ drink wayn te una drɔnk we go mek una du bad, bɔt una fɔ mek Gɔd in Spirit de insay una gud gud.

Lɛta Fɔ Ɛfisɔs 5:18 Referans Kwoze

Prɔvabs 20:1

Wayn de mek yu nɔ tek natin mek natin, ɛn ad lika de mek yu lɔs kɔntrol; so ɛnibɔdi we rɔm opin yay pan na styupid mɔtalman.

Lɛta Fɔ Rom 13:13

Una lɛ wi de du ɔl wetin wi fɔ du lɛkɛ pipul we de na di tru layt; wi nɔ fɔ liv fri layf, wi nɔ fɔ de drɔnk, wi nɔ fɔ liv bad layf, wi nɔ fɔ de fɛt ɔ jɛlɔs wi kɔmpin.

Lyuk 1:15

Da pikin de go bi bigman pan Gɔd we na wi Masta in biznɛs. I nɔ fɔ drink wayn ɔ ɛnitin we de mek pɔsin drɔnk frɔm di de we i bɔn. Gɔd in Spirit go de insay am frɔm di tɛm we i de nain mama bɛlɛ.

Ayzaya 5:22

Swɛ go fɔdɔm pan dɛm wan we na champiɔn fɔ drink rɔm, ɛn dɛn man dɛn we nɔ de fred fɔ miks traŋa rɔm,

1 Kɔrint 5:11

A min se una nɔ fɔ gɛt natin fɔ du wit ɛnibɔdi we kɔl insɛf una Kristiɛn brɔda, we liv bad layf, we want ɔltin fɔ insɛf, we de pre to dɛn tin we mɔtalman mek fɔ pre to, ɛn we de gi pipul bad nem; we de drɔnk ɛn we de tif. Una nɔ fɔ sidɔm sɛf fɔ it wit pɔsin lɛkɛ dat.

Apɔsul Dɛn Wok 11:24

Banabas na bin gud man; Gɔd in Spirit bin de insay am ɛn i bin biliv Gɔd. Dat mek plɛnti pipul biliv pan di Masta.

Fɔs Lɛta Fɔ Tɛsalonayka 5:7

Na nɛt pipul de slip ɛn na nɛt drɔnkɔman dɛn kin drink.

Lyuk 12:45

Bɔt if di bɔy tɔk nain at se, ‘Mi masta nɔ go kam jisnɔ’ dɔn i bigin bit ɔl di ɔda man ɛn uman dɛn we de wok ɛn i jɛs de it, ɛn drink drɔnk,

Lyuk 11:13

If una we bad so sabi fɔ gi una pikin dɛn gud tin, Gɔd we na una Papa we de na ɛvin go gi una gud tin pas dat; i go gi dɛn wan we aks am in Spirit!”

1 Kɔrint 6:10

dɛn wan we de tek dɛn kɔmpin prɔpati, dɛn wan we want ɔltin fɔ dɛnsɛf, dɛn wan we de drɔnk, dɛn wan we de tɔk bad bɔt ɔda pipul, ɛn dɛn wan we de tif: dɛn nɔn nɔ go go na di say we Gɔd de rul.

Taytɔs 1:6

Ovasia na pɔsin we nɔ fɔ du ɛnitin we go mek pipul pɔynt fiŋa pan am; na wangren wɛf nɔmɔ i fɔ gɛt; in pikin dɛn fɔ bi Kristiɛn, ɛn pipul nɔ fɔ de tɔk se dɛn wayl ɛn dɛn nɔ de yɛri wɔd.

Lyuk 21:34

“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.

Ayzaya 55:1

E, lɛ ɔlman we tɔsti, kam na di watasay dɛn; ɛn lɛ udat we nɔ gɛt kɔpɔ, kam, bay ɛn it! Kam, bay wayn ɛn milk i lɛk yu nɔ gɛt kɔpɔ ɛn dɛn nɔ gɛt prayz.

Ditarɔnɔmi 21:20

We dɛn kɛr am go de, dɛn fɔ tɛl di bigman dɛn na di famili dɛn se, da dɛn bɔypikin de nɔ de yɛri dɛn wɔd; i jɛs de du wetin i want. I de it ɛn drink drɔnk bɔku bɔku wan.

1 Kɔrint 11:21

Bɔt we ɔlman kin jɛs de it ɔmɔs i ebul, sɔm pipul nɔba gɛt ɛnitin fɔ it; ɔda pipul kin drink te dɛn drɔnk.

Sɔlɔmɔn In Siŋ Dɛm 1:4

Drɔ mi biɛn yu, lɛ wi mekes Di kiŋ dɔn briŋ mi kam insay in rum. Wi go gladi ɛn gladi pan yu wi go prez yu lɔv pas wayn dɛn nɔ mis we dɛn lɛk yu.

Jɛnɛsis 9:21

Wande we i drink sɔm pan di wayn we i mek, i drɔnk pasmak te i pul in klos, ɛn lidɔm nekɛd insay in tɛnt.

Matyu 23:25

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de klin una kɔp ɛn plet dɛn bak, bɔt na una tif ɛn sɛlfish layf mek una gɛt wetin una ful insay di kɔp ɛn plet dɛn.

Ayzaya 25:6

Na pantap dis mawnten PAPA GƆD Ɔlmayti go mek big pati fɔ ɔlman wit fat tin dɛn, wit wayn we gɛt kɛtɛkɛmu, fat tin dɛn we gɛt bif midul di bon ɛn wayn we gɛt kɛtɛkɛmu we dɛn tek tɛm pul, lɛ i nɔ miks.

Di Sam Dɛm 69:12

Dɛn wan dɛn we de kip kɔmpin na di siti in get tek mi mek rederaun, dɔn dɛn drɔnkɔman dɛn ɔl de tek mi mek siŋ.

Matyu 24:49

ɛn i go bigin bit di ɔda bɔy dɛn, dɔn i go go it ɛn drink wit dɛn pipul we de drɔnk.

Sɔlɔmɔn In Siŋ Dɛm 7:9

Ɛn mek yu kis dɛn, tan lɛk dɛn dia ɛn soba wayn, we de go dɔŋ di trot smut wan, de slayd fayn pan lip ɛn tit.

Lɛvitikɔs 10:9

in ɛn in bɔypikin dɛn nɔ fɔ go insay di tɛnt we dɛn kin mit PAPA GƆD afta dɛn dɔn drink ɛni kayn rɔm, wɛda na wayn ɔ na bia, ɔ nɔ so dɛn go day. I se dat fɔ bi lɔ na ɔl in jɛnareshɔn dɛn.

Jɔn 2:10

ɛn tɛl am se, “Ɔlman kin sheb di gud wayn fɔs, ɛn afta di pipul dɛn dɔn drink am te dɛn satisfay, na da tɛm de dɛn kin sheb di chip wayn. Bɔt yu bin kip di gud wayn, na naw yu de pul am!”