Lɛta Fɔ Ɛfisɔs 5:16 - Krio Fɔs Oli Baybul

¹⁶ Ɛni chans we una gɛt fɔ du gud, una du ɔl wetin una ebul du, bikɔs dis tɛm ya na bad tɛm.

Lɛta Fɔ Ɛfisɔs 5:16 Referans Kwoze

Lɛta Fɔ Kɔlɔse 4:5

Wɛn una de wit dɛn pipul we nɔ biliv pan Krays, una fɔ du ɔltin wit sɛns. Ɛni chans we una gɛt, una fɔ tɛl dɛn di Gud Nyuz.

Emɔs 5:13

O - o! Dat min se dɛn wan we gɛt sɛns fɔ sɛt mɔt ɛn mek lɛk se dɛn nɔ si ɔl di bad bad tin dɛn we de bi.

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Lɛta Fɔ Ɛfisɔs 6:13

Una fɔ wɛr di klos we Gɔd gi una fɔ tek fɛt, so dat wɛn di tɛm we pipul go de du plɛnti bad pas ɔl na wɔl go kam, una go ebul fɔ fɛt Setan pan ɔl di kɔni we i de pul. Wɛn una de fɛt, una nɔ go fɔdɔm, ɛn wɛn di fɛt dɔn, una go stil tinap traŋa.

Lɛta Fɔ Galeshya 6:10

Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi.

Ɛkliziastis 12:1

Mɛmba PAPA GƆD we mek yu, naw we yu yɔŋ, bifo di tɛm kam we di trɔbul na layf go mit yu, ɛn di tɛm kam we yu go se, “dɛn nɔ min natin to mi;”

Lɛta Fɔ Rom 13:11

Una fɔ du wetin a tɛl una fɔ du naw bikɔs una no se di tɛm we una fɔ wek, dɔn kam, bikɔs di de we Gɔd go sev wi dɔn kam klos naw pas di tɛm we wi bin fɔs biliv pan Jizɔs Krays.

Ɛkliziastis 9:10

Mek shɔ se we yu de du ɛnitin, yu du am gud wit ɔl yu at; bikɔs we yu day, yu nɔ go gɛt fɔ wok yanda. Yu nɔ gɛt fɔ tink ɔ sabi ɛnitin, ɛn sɛns biznɛs nɔ de usay yu de go.

Lɛta Fɔ Galeshya 1:4

Krays bin gri fɔ mek dɛn kil am fɔseka di bad tin dɛn we wi de du, so dat i go pul wi kɔmɔt na di wɔl we de naw we bad plɛnti. Di day we Krays day sho wi se i du wetin Papa Gɔd want.

1 Kɔrint 7:26

Wɛn a luk di waala we de naw, a fil se i bɛtɛ fɔ mek man stil de lɛkɛ aw i bin de.

Di Sam Dɛm 37:19

Wɛn tin bad, i nɔ go mek dɛn shem; dɛn go gɛt pas wetin dɛn want.

Lɛta Fɔ Ɛfisɔs 6:15

Una fɔ wɛr di sus we go mek una rɛdi fɔ tɛl pipul di Gud Nyuz we de gi kol at.

Ɛkliziastis 11:2

Put yu mɔni sɛvin ɔ et say, bikɔs yu nɔ no wetin go apin na wɔl bambay.

Jɛnɛsis 29:7

Jekɔb se di san nɔ go dɔŋ yet ɛn i nɔ rich tɛm yet fɔ gɛda di ship dɛn. I se lɛ dɛn gi dɛn wata ɛn lɛf dɛn lɛ dɛn go it?

Daniɛl 2:8

Nain di kiŋ se, “A no se fɔ tru tru, una de tray fɔ westɛm, bikɔs una dɔn si se a min wetin a se

Matyu 25:17

Semwe so, di wan we gɛt di tu tawzin gold kɔpɔ go tredin wit in kɔpɔ, i gen tu tawzin gold kɔpɔ mɔ.