Lɛta Fɔ Ɛfisɔs 5:11 - Krio Fɔs Oli Baybul

¹¹ Una nɔ du dɛn tin we dɛn ɔda pipul de du we nɔ go ɛp nɔbɔdi, na dɛn pipul we de na dak de du dɛn kayn tin ya; bɔt una fɔ briŋ dɛn tin ya kam na layt.

Lɛta Fɔ Ɛfisɔs 5:11 Referans Kwoze

Lɛta Fɔ Rom 13:12

Nɛt dɔn de pas, de tɛm dɔn kam klos. Una lɛ wi lɛf fɔ du dɛn bad tin we dɛn wikɛd pipul we de na dak de du, bɔt lɛ wi tek dɛn tin we wi de tek fɛt, wi we de na di layt bikɔs wi no di tru we, ɛn lɛ wi rɛdi fɔ di fɛt.

Fɔs Lɛta To Timoti 5:20

Yu fɔ tɔk pan ɔl dɛn wan we nɔ gri lɛf fɔ sin, bifo dɛn kɔmpin, mek dɛn kɔmpin go fred fɔ sin.

Sɛkɛn Lɛta Fɔ Tɛsalonayka 3:6

Mi Kristiɛn pipul dɛn, wi de tek wi Masta Jizɔs Krays in nem tɛl una se una nɔ fɔ mek padi wit dɛn Kristiɛn we nɔ want du natin, ɛn we nɔ de du wetin wi bin dɔn tɛl dɛn fɔ du.

Lɛta Fɔ Rom 16:17

Mi kɔmpin Kristiɛn dɛn, a de beg una fɔ de wach dɛn pipul we de sɛtfaya, mek pipul dɛn nɔ gɛt wanwɔd, ɛn mek di Kristiɛn dɛn bigin biliv ɔda tin. Dɛn de lan una tin we difrɛn frɔm wetin wi dɔn lan una; una nɔ fɔ gɛt natin fɔ du wit dɛn.

Rɛvɛleshɔn 18:4

Dɛn a yɛri wan ɔda vɔys de tɔk na ɛvin se, “Mi pipul dɛn, una mekes kɔmɔt na da tɔŋ de so dat unasɛf nɔ go bigin du di bad tin dɛn we i de du, ɛn unasɛf nɔ go sɔfa lɛkɛ aw i gɛt fɔ sɔfa.

Taytɔs 2:15

Yu fɔ de tɛl pipul dɛn tin ya ɛn tek di pawa we Gɔd gi yu kɔrej dɛn, ɛn tɛl dɛn wan we nɔ de du rayt fɔ tap fɔ du wetin dɛn de du. Nɔ gri mek ɛnibɔdi luk se wetin yu de tɔk na tin we pɔsin nɔ fit fɔ yɛri.

Sɛkɛn Lɛta Fɔ Tɛsalonayka 3:14

Sɔntɛm, pɔsin de we nɔ gri du di tin we wi rayt na dis lɛta. If dat bi, una fɔ no di kayn pɔsin we i bi ɛn una nɔ fɔ miks wit am, so dat i go shem.

Lɛta Fɔ Rom 6:21

Wetin una bin gen wɛn una bin de du dɛn tin we una de shem fɔ du naw? Na day dɛn kayn tin de, de briŋ.

Sɛkɛn Lɛta To Timoti 4:2

fɔ de tɛl pipul di mɛsej we Gɔd gi yu ɔltɛm, wɛn dɛn de lisin ɔ wɛn dɛn nɔ want lisin; yu fɔ sho pipul wetin rayt fɔ du; yu fɔ tɛl dɛn wan we no se wetin dɛn de du nɔ rayt, fɔ tap; yu fɔ tɔk to dɛn mek dɛn waka tret; ɛn bia wit dɛn ɔltɛm wɛn yu de lan dɛn dɛn tin ya.

Sɛkɛn Lɛta To Timoti 3:5

dɛn go de fɔm ipokrit lɛkɛ se dɛn bisin bɔt Gɔd wok, bɔt dɛn nɔ go biliv se Gɔd gɛt pawa. Nɔ miks wit dɛn pipul ya.

Lɛta Fɔ Galeshya 6:8

Jɛs lɛkɛ wɛn fama kin plant sid, i kin gɛt wetin i plant. Semwe so, wɛn pɔsin du bad tin we in at gi am fɔ du, Gɔd go pɔnish di pɔsin. Ɛn wɛn pɔsin du wetin Gɔd in Spirit tɛl am fɔ du, i go gɛt layf we go de sote go.

Prɔvabs 29:1

Ɛnibɔdi we de mek traŋayes we dɛn kɔrɛkt am go gɛt trɔbul, ɛn we i nɔ mekɔp, na de i go fɛn in yon day.

Prɔvabs 13:18

Udat nɔ de yɛri wɔd, na po ɛn disgres go mit am, bɔt yu de yɛri wɔd go gɛt rɛspɛkt.

Lɛvitikɔs 19:17

I se nɔ fɔ kip pɔsin na at ɛn nɔ tɛl di wan we du rɔŋ wetin i du rɔŋ ɔ nɔ so di pɔsin we nɔ tɛl am go sɔfa lɛkɛ am fɔ dat.

Fɔs Lɛta Fɔ Tɛsalonayka 5:7

Na nɛt pipul de slip ɛn na nɛt drɔnkɔman dɛn kin drink.

Lyuk 3:19

Jɔn bin tɔk pan Ɛrɔd we bin de rul Galili bikɔs i bin mared Ɛrodias, we na bin in brɔda wɛf, ɛn fɔ ɔl di plɛnti bad tin dɛn we i bin de du.

Lɛta Fɔ Ɛfisɔs 5:7

Una nɔ fɔ gɛt natin fɔ du wit dɛn kayn pipul ya.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Ayzaya 29:21

we na wan wɔd i go tɔk, i go put pɔsin pan trɔbul, ɛn sɛt trap fɔ di wan we de tɔk di rayt wɔd na kɔt, ɛn wit kes we i nɔ gɛt rayt, kin win di wan we gɛt rayt.

Prɔvabs 25:12

Wɛn pɔsin we gɛt sɛns gi advays to pɔsin we rɛdi fɔ lan, i bɛtɛ pas piɔ gold riŋ ɔ gold chen.

Di Sam Dɛm 141:5

We pɔsin we de du wetin rayt, tɔk pan mi, na gud i de du. If i ala pan mi, i go tan lɛk se dɛn trowe wata na mi ed, a nɔ go vɛks. Bɔt a go de pre bɔt di wikɛdnɛs we di bad man de du ɔltɛm.

Jɛnɛsis 20:16

Dɔn i tɛl Sera se, “A de gi yu brɔda wan tawzin silva kɔpɔ fɔ sho se yu nɔ gɛt blem pan natin.”

Prɔvabs 19:25

Wɛn yu nak udat nɔ de tek natin mek natin, udat styupid de lan sɛns; udat gɛt sɛns de lan mɔ wɛn dɛn kɔrɛkt am.

Prɔvabs 15:12

Pɔsin we nɔ de tek natin mek natin nɔ lɛk kɔrɛkshɔn ɛn na so i nɔ lɛk aks udat no pas am fɔ advays.

Matyu 18:15

“If yu kɔmpin Kristiɛn du yu bad, yu fɔ go mit am mek una tu tɔk di wɔd. If i gri se in du bad, da tɛm de una tu dɔn bi brɔda bak.

Jɛrimaya 15:17

A nɔ bin sidɔm wit pipul dɛn we lɛk ɛnjɔymɛnt; ɛn a nɔ bin gladi; A bin sidɔm mi wangren bikɔs na so yu se a fɔ du, bikɔs yu bin dɔn mek a vɛks.

Prɔvabs 1:31

wɛl aw una mek una bed, na so una go lidɔm de. Una go kɔlik wit una yon we.

Fɔs Lɛta To Timoti 6:5

ɛn i de mek dɛn man we nɔ de tink rayt ɛn we nɔ sabi igen wetin tru bɔt Krays, agyu ɔltɛm. Dɛn fil se Gɔd yon we nain fɔ tek jɛntri. Yu nɔ fɔ gɛt natin fɔ du wit dɛn.

Prɔvabs 1:10

Mi pikin, if bad pɔsin dɛn tɛmt yu, nɔ gri.

Prɔvabs 28:4

Dɛn wan we nɔ de obe lɔ de bato dɛn bad pɔsin, bɔt dɛn wan we de obe di lɔ de fɛt dɛn wan we nɔ de obe.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Lɛta Fɔ Ɛfisɔs 5:12

Pipul go shem sɛf fɔ tɔk bɔt dɛn tin we dɛn pipul we de na dak de du, we nɔbɔdi nɔ si.

Lɛta Fɔ Kɔlɔse 1:12

Una fɔ gladi ɛn tɛl wi Papa tɛnki fɔ we i mek una bi pipul we fit fɔ gɛt pan di tin we i dɔn prɔmis fɔ gi in pipul dɛn we i de rul ɛn we de na layt.

Fɔs Lɛta To Timoti 5:22

Nɔ ɔri fɔ put yu an pan pɔsin ed fɔ pre fɔ am fɔ mek i go du Gɔd wok. Nɔ miks wit ɔda pipul fɔ sin; sin nɔ fɔ de na yu layf.