Lɛta Fɔ Ɛfisɔs 5:10 - Krio Fɔs Oli Baybul

¹⁰ Una tray fɔ lan wetin di Masta want una fɔ du.

Lɛta Fɔ Ɛfisɔs 5:10 Referans Kwoze

Di Ibru Pipul Dɛn 12:28

So, una lɛ wi tɛl Gɔd tɛnki, bikɔs di ples we i de rul we wi dɔn gɛt, go de sote go, nɔbɔdi nɔ ebul shek am. Una lɛ wi prez am di we we go mek i gladi, lɛ wi rɛspɛkt ɛn fred am,

Di Sam Dɛm 19:14

E PAPA GƆD, a de pre se mek ɔl wetin de kɔmɔt na mi mɔt, ɛn ɔl wetin de na mi at, bi wetin yu go gladi fɔ tek na mi an. Yu na mi PAPA GƆD we de kɔba mi ɛn sev mi!

Pita In Fɔs Lɛta 2:20

Us bɛnifit una tink se una go gɛt if una jɛs bia nɔmɔ wɛn dɛn pɔnish una fɔ we una du tin we nɔ rayt? Bɔt if una bia wɛn pipul mek una sɔfa pan ɔl we una de du wetin rayt, Gɔd go blɛs una.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Fɔs Lɛta Fɔ Tɛsalonayka 5:21

Una fɔ tray ɔl di mɛsej dɛn fɔ no uswan na Gɔd yon. Una fɔ tek di wan we gud.

Fɔs Lɛta To Timoti 2:3

Na so wi fɔ pre; na dat go mek Gɔd we de sev wi, satisfay.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

Lɛta Fɔ Rom 14:18

Ɛnibɔdi we de sav Krays lɛkɛ dis go mek Gɔd gladi ɛn i go mek mɔtalman sɛf lɛk wetin i de du.

Prɔvabs 21:3

PAPA GƆD de gladi mɔ fɔ udat de du wetin rayt ɛn fia, pas fɔ udat de mek sakrifays to am.

Fɔs Lɛta To Timoti 5:4

Bɔt if uman we in man dɔn day gɛt pikin ɔ grampikin, in pikin ɔ grampikin fɔ du wetin ɔl pikin ɛn grampikin fɔ du fɔ dɛn mami ɛn dadi ɛn fɔ dɛn grani ɛn grandadi dɛn fɔ gi dɛn ɔl wetin dɛn fɔ gɛt, bikɔs if dɛn du dat, Gɔd go satisfay wit dɛn.

Jɛrimaya 6:20

Wetin mek insɛns de kɔmɔt Shiba kam fɔ mi, ɔ wetindu shuga ken de kɔmɔt fawe kam fɔ mi? Una sakrifays dɛn we una de bɔn na faya, nɔ gud fɔ mi fɔ gri fɔ, jɛs lɛk we una sakrifays dɛn nɔ kin pliz mi.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

1 Samiɛl 17:39

Devid fiks in sɔd ɛn tray fɔ waka rawnd di ples bikɔs i nɔ yus dɛn. I se in nɔ go ebul wɛr dɛn fɔ fɛt bikɔs i nɔ yus dɛn. So i pul dɛn.

Ayzaya 58:5

Na dis kayn fast a pik, fɔ mek pɔsin ɔmbul insɛf wande? Na fɔ mek i butu in ed lɛk dɛn ay gras, ɛn fɔ prɛd saklɔth ɛn put asis ɔnda am? Yu go kɔl dis fast, ɛn de we PAPA GƆD go gri fɔ?

Lɛta Fɔ Kɔlɔse 1:10

Dat go mek una ebul du wetin di Masta want, ɛn ɔltɛm una go de du di tin we go mek i gladi; una go de du ɔl kayn gud wok, ɛn una go de no mɔ ɛn mɔ bɔt Gɔd.