Lɛta Fɔ Ɛfisɔs 4:9 - Krio Fɔs Oli Baybul

⁹ Wetin wi min wɛn wi se “I go ɔp ɔp?” Dat min se i bin dɔn kam dɔŋ na wɔl fɔs.

Lɛta Fɔ Ɛfisɔs 4:9 Referans Kwoze

Jɔn 3:13

Ɛn nɔbɔdi nɔ go na ɛvin wande pas Mɔtalman Pikin we kɔmɔt ɔp na ɛvin, kam dɔŋ na dis wɔl.”

Matyu 12:40

Lɛkɛ aw prɔfɛt Jona bin de tri de ɛn nɛt na di big fish in bɛlɛ, na so dɛn go bɛr Mɔtalman Pikin, ɛn i go de tri de ɛn nɛt ɔnda di grɔn.

Jɔn 6:33

Di bred we Gɔd de gi na di wan we kɔmɔt ɛvin kam dɔŋ we de gi mɔtalman di tru layf.”

Prɔvabs 30:4

Ɛnibɔdi de we dɔn go ɛvin ɛn kam dɔŋ bak? Ɛnibɔdi de we dɔn ɛva kech briz? Ɛnibɔdi de we dɔn ɛva tek in klos tot wata? Ɛnibɔdi de we mek di ath in bawndri? Ɛnibɔdi no udat? Wetin nain bɔypikin in nem? Tɛl mi if yu no!

Di Sam Dɛm 63:9

Ɔl udat de biɛn mi fɔ kil mi go day.

Di Ibru Pipul Dɛn 2:9

Bɔt wi no se Jizɔs de rul ɔltin. Fɔstɛm, Gɔd bin mek di enjɛl dɛn pas Jizɔs fɔ shɔt tɛm, so di lɛk we Gɔd lɛk mɔtalman ɛn di sɔri we i sɔri fɔ am, mek i mek Jizɔs sɔfa ɛn day fɔseka mɔtalman. Bikɔs Jizɔs sɔfa ɛn day, dat mek Gɔd gi am pawa, ɔna ɛn rɛspɛkt.

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Di Sam Dɛm 8:5

Yu mek mɔtalman we na yu nɔmɔ de pantap am; yu mek am lɛk kiŋ ɛn gi am ɔna.

Jɛnɛsis 11:5

We di pipul dɛn de bil di tawa, PAPA GƆD kam dɔŋ kam luk wetin dɛn de du.

Di Ibru Pipul Dɛn 2:7

Yu mek enjɛl pas mɔtalman fɔ shɔt tɛm, dɛn yu gi mɔtalman pawa ɛn ɔna.

Jɔn 8:14

Jizɔs ansa dɛn se, “Nɔbɔdi nɔ de fɔ bak mi we a de tɔk bɔt misɛf, bɔt na tru a de tɔk bikɔs a no usay a kɔmɔt ɛn usay a de go. Una nɔ no usay a kɔmɔt ɛn una nɔ no usay a de go.

Jɔn 6:62

Wɛl, wetin go bi if una si Mɔtalman Pikin tɔn bak go na di ples we i bin de fɔs?

Jɔn 6:58

Dis na di bred we kɔmɔt na ɛvin kam dɔŋ, i nɔ tan lɛkɛ da bred we una grampapa papa dɛn bin de it wɛn dɛn bin de na di dɛzat, bɔt afta dat pas dɛn day. Bɔt di pɔsin we go it dis bred ya go gɛt layf we go de sote go.”

Jɔn 6:51

Mi na di bred we kɔmɔt na ɛvin we de gi layf, if ɛnibɔdi it am, di pɔsin go gɛt layf we go de sote go. Di bred we a go gi na mi bɔdi we a go sakrifays, so dat ɔlman na wɔl kin gɛt layf.”

Jɔn 6:41

Di pipul dɛn bigin grɔmbul bikɔs Jizɔs se, “Mi na di bred we kɔmɔt na ɛvin.”

Jɔn 6:38

bikɔs a nɔ kɔmɔt na ɛvin kam fɔ du wetin a want, a kam fɔ du wetin di wan we sɛn mi want mi fɔ du.

Ayzaya 44:23

Yu skay, siŋ, bikɔs PAPA GƆD dɔn du am; ala, yu bɔtɔm bɔtɔm grɔn; bɔsawt wit siŋ una dɛn mawnten, yu fɔrɛst ɛn ɔl di tik we de de! Bikɔs PAPA GƆD dɔn sev Jekɔb, ɛn i go gɛt glori na Izrɛl.

Di Sam Dɛm 139:15

Yu no ɔl pat pan mi. Di tɛm we dɛn bin de tray fɔ mi na sikrit yu no dat, dɔn yu tek tɛm put mi na mi mama in bɛlɛ.

Ɛksodɔs 19:20

Na de PAPA GƆD kɔmɔt na di klawd kam dɔŋ pantap di mawnten. I kɔl Mozis fɔ go mit am pantap di mawnten, so Mozis insɛf go ɔp de.

Izikɛl 31:14

Ɔl dis na fɔ mek nɔn tik we de na di watasay dɛn go gro ay ay, lɔfti wan, igen ɔ mek in pantap de na di klawd dɛm; ɛn nɔn tik we de drink wata nɔ go gro ay wan rich dɛm; fɔ dɛn dɔn gi dɛn ɔl fɔ day go na di ɔnda wɔl de wit mɔtalman dɛm, wit dɛn wan we de go dɔŋ na di pit.