Lɛta Fɔ Ɛfisɔs 4:6 - Krio Fɔs Oli Baybul

⁶ na wan Gɔd we na wi Papa we de rul wi ɔl, de wok insay wi ɔl ɛn de insay wi.

Lɛta Fɔ Ɛfisɔs 4:6 Referans Kwoze

Lɛta Fɔ Rom 11:36

Na Gɔd mek ɔltin, nain de mek ɔltin wok lɛkɛ aw dɛn fɔ wok, ɛn na fɔ am ɔltin de. Mek ɔlman prez Gɔd sote go! Emɛn.

1 Kɔrint 8:6

wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.

Malakay 2:10

Dɛn aks dɛnsɛf se if nɔto di sem papa dɛn gɛt ɛn if nɔto di wan PAPA GƆD mek dɛn ɔl. Dɛn gri se if na so, dɛn nɔ fɔ ambɔg di Kɔvinant we dɛn fɔstɛm-papa bin dɔn mek.

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Jɔn In Fɔs Lɛta 3:24

Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de nain at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

Matyu 6:9

Mek a tɛl una aw una fɔ pre, una fɔ se: ‘Papa Gɔd we de na ɛvin: Na yu wangren na Gɔd, mek ɔlman pre to yu ɛn ɔna yu;

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

1 Kɔrint 12:6

Plɛnti pipul sabi fɔ du difrɛn difrɛn wok, bɔt na di sem Gɔd de mek difrɛn pipul sabi fɔ du difrɛn difrɛn wok.

Di Nɔmba Dɛm 16:22

Bɔt Mozis ɛn Erɔn fɔdɔm bifo PAPA GƆD ɛn beg am. Dɛn se “E PAPA GƆD, di PAPA GƆD we mek mɔtalman, yu go vɛks ɛn pɔnish ɔlman we na waŋren man sin?

Jɛnɛsis 14:19

Mɛlkizidɛk blɛs Ebram. I se, “Mek PAPA GƆD we pas ɔl, we mek di wanol wɔl, ɛvin ɛn ath, blɛs yu Ebram!

Lɛta Fɔ Ɛfisɔs 6:23

Mi Kristiɛn brɔda dɛn, mek Gɔd we na wi Papa ɛn di Masta, Jizɔs Krays gi una ɔl kol at, ɛn mek di biliv we una biliv pan Jizɔs Krays mek una lɛk una kɔmpin.

Lɛta Fɔ Ɛfisɔs 3:17

A de pre mek di biliv we una biliv mek Krays de na una at; ɛn mek di lɛk we una lɛk Gɔd ɛn una kɔmpin mɔtalman tan lɛkɛ aw rut kin go dɔŋ na grɔn ɛn grip di grɔn tayt, ɛn lɛkɛ aw fawndeshɔn kin trɔŋ,

Lɛta Fɔ Ɛfisɔs 2:22

We una na Jizɔs Krays yon pipul, una ɛn dɛn ɔda pipul we na Jizɔs Krays yon semwe dɔn bi wan, una ɔl na pat pan di os we Gɔd in Spirit de.

Jɔn 17:26

A dɔn mek dɛn no yu, ɛn a go stil de mek dɛn no yu, so dat dɛn go lɛk mi ɛn dɛn kɔmpin mɔtalman, lɛkɛ aw yu lɛk mi, ɛn misɛf go de insay dɛn.”

Jɔn 14:23

Jizɔs ansa am se, “Ɛnibɔdi we lɛk mi go du wetin a lan am fɔ du. Mi Papa go lɛk di pɔsin, ɛn mi ɛn mi Papa go kam to am, ɛn tap wit am.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Ayzaya 63:16

Na yu na wi Papa ɔlwe Ebram nɔ no wi ɛn Izrɛl nɔ gri se wi ɔl na wan; PAPA GƆD, na yu na wi Papa, Na Wi Lɔntɛm Ridima na yu nem

Di Sam Dɛm 95:3

bikɔs wi PAPA GƆD na PAPA GƆD we big ɛn in na Kiŋ fɔ ɔl dɛn ɔda gɔd dɛn.

Lɛta Fɔ Ɛfisɔs 1:21

Krays gɛt pawa pas ɔlman we de rul na ɛvin, ɛn ɔlman we de rul na dis wɔl ɛn nɛks wɔl.

Ditarɔnɔmi 6:4

Mozis ɛksplen tɛl dɛn se na PAPA GƆD waŋren na dɛn GƆD