Lɛta Fɔ Ɛfisɔs 4:4 - Krio Fɔs Oli Baybul

⁴ Wi ɔl na wan bɔdi, wi gɛt di sem Spirit lɛkɛ aw Gɔd kɔl wi fɔ abop pan di sem pɔsin.

Lɛta Fɔ Ɛfisɔs 4:4 Referans Kwoze

Lɛta Fɔ Ɛfisɔs 2:18

Di tin we Krays dɔn du fɔ ɔlman mek wi ebul fɔ kam klos Gɔd we na wi Papa bay Gɔd in Spirit.

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

1 Kɔrint 12:20

Naw i bi se di bɔdi gɛt plɛnti pat.

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Lɛta Fɔ Ɛfisɔs 5:30

bikɔs wisɛf na pat pan Krays in bɔdi.

Jɔn In Fɔs Lɛta 3:3

Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

Pita In Fɔs Lɛta 1:21

Krays dɔn mek una biliv pan Gɔd, we mek i rayz frɔm di grev ɛn ɔna am; na dat mek una trɔs Gɔd ɛn abop se i go du wetin i dɔn prɔmis se in go du.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Lɛta Fɔ Ɛfisɔs 2:22

We una na Jizɔs Krays yon pipul, una ɛn dɛn ɔda pipul we na Jizɔs Krays yon semwe dɔn bi wan, una ɔl na pat pan di os we Gɔd in Spirit de.

Lɛta Fɔ Ɛfisɔs 2:16

Krays gri fɔ mek pipul kil am na di krɔs so dat i go pwɛl di tin we mek di tu neshɔn dɛn nɔ lɛk dɛnsɛf. Di day we Krays day dɔn mek di tu neshɔn dɛn gɛt wanwɔd, ɛn i briŋ dɛn kam bak to Gɔd.

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Jɛrimaya 14:8

E ya, yu we na yu Izrɛl abop pan, yu we kin sev am we i gɛt trɔbul, wetin mek yu fɔ tan lɛkɛ trenja na di land, lɛkɛ pɔsin we de travul we kan beg fɔ slip fɔ di nɛt?

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Fɔs Lɛta To Timoti 1:1

Mi, Pɔl, na Jizɔs Krays in apɔsul. Na Gɔd we dɔn sev wi ɛn Masta Jizɔs Krays insɛf, we wi abop pan, tɛl mi fɔ bi in apɔsul.

1 Kɔrint 10:17

Bikɔs na wan bred de, wi ɔl dɔn bi wan bɔdi pan ɔl we wi plɛnti, bikɔs wi ɔl dɔn it pan di wan bred.

2 Kɔrint 11:4

Wetin mek a se so, na bikɔs una de lisin to ɛnibɔdi we kam tɛl una bɔt ɔda Jizɔs we wi nɔ tɛl una bɔt, ɔ ɔda spirit we difrɛn frɔm di Spirit we wi tɛl una bɔt, ɛn una de lisin to ɛnibɔdi we kam tɛl una gud nyuz we difrɛn frɔm di Gud Nyuz we wi tɛl una.

Apɔsul Dɛn Wok 15:11

Lɛkɛ aw wi biliv se Masta Jizɔs sɔri fɔ wi ɛn sev wi, na di semwe dɛnsɛf biliv se Masta Jizɔs sɔri fɔ dɛn ɛn sev dɛn.”

Jɛrimaya 17:7

“Di man we abop pan PAPA GƆD go gɛt blɛsin, we na PAPA GƆD nɔmɔ i abop pan.

Lɛta Fɔ Rom 11:29

Dɛn pipul we Gɔd dɔn pik, i dɔn pik dɛn; ɛn di blɛsin we i dɔn gi dɛn, i dɔn gi dɛn. Gɔd nɔ de chenj.

Di Sam Dɛm 122:8

A go se, “Mek pis de na Jerusɛlɛm ɛn lɛ gud fala ɔl udat de de.”