Lɛta Fɔ Ɛfisɔs 4:26 - Krio Fɔs Oli Baybul

²⁶ If una vɛks, una nɔ fɔ gri mek dat mek una du bad, ɛn una nɔ fɔ vɛks ol de.

Lɛta Fɔ Ɛfisɔs 4:26 Referans Kwoze

Jems 1:19

Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Di Sam Dɛm 4:4

Nɔ mek vɛks mek yu sin; so wɛn yu lidɔm na nɛt na yu bed ɔ wɛn yu wande, tink bɔt ɔl wetin a dɔn se bɔt nɔ se fiŋ!

Di Sam Dɛm 37:8

Nɔ lɛ tin lɛk dat gi yu bɔn-at; dat go mek yu jɛs de vɛks ɛn i nɔ gud fɔ yu, i go mek yusɛf wan fɔ du bad.

Ɛkliziastis 7:9

Nɔ kwik fɔ vɛks bikɔs na fulman gɛt soso vɛksteshɔn nain at.

Prɔvabs 14:29

Udat gɛt shɔtat de sho se in na fulman, bɔt yu nɔ gɛt shɔtat gɛt sɛns.

Prɔvabs 19:11

Udat gɛt sɛns nɔ de vɛks kwik, ɛn wɛn yu nɔ tek natin mek natin, yu gɛt gud rɛspɛkt.

Matyu 5:22

Bɔt mi de tɛl una se: dɛn go jɔj ɛnibɔdi we vɛks pan in brɔda. Dɛn go kɛr ɛnibɔdi we kɔs in brɔda go bifo di Ju gran kot, ɛn ɛnibɔdi we tɛl in brɔda se, ‘Yu fulman!’ Da pɔsin de go sɔfa na di faya we de na ɛl.

Mak 3:5

As Jizɔs luk dɛn, i vɛks ɛn in at pwɛl bikɔs dɛn at bin traŋa. Jizɔs tɛl di man we in an day se, “Es yu an, tret am.” Di man es in an ɛn tret am. Di an wɛl gud gud.

Di Nɔmba Dɛm 20:24

“Erɔn go day na ya go mit in pipul dɛn. I nɔ go mas fut insay di land we a de gi di Izrɛlayt dɛn, bikɔs una ɔltu nɔ du wetin a tɛl una fɔ du we wata fɔ kɔmɔt na Mɛriba.

Mak 10:14

Bɔt wɛn Jizɔs si wetin di lanin bɔy dɛn de du, i vɛks pan dɛn, i se, “Una mek di pikin dɛn kam to mi, una nɔ tap dɛn; na pipul lɛkɛ dɛn pikin ya, go kam ɔnda Gɔd in rul.

Prɔvabs 25:23

Lɛkɛ aw di briz we de kɔmɔt na di nɔth de kɔl ren, na so koŋosa de briŋ twis fes.

Ɛksodɔs 11:8

Dis go mek ɔl yu ɔfisa dɛn go kam baw to mi ɛn beg mi se mek a tek ɔl mi pipul dɛn go wit mi. Afta dat a go go. Wɛn Mozis lɛf di kiŋ go bin i vɛks bad.

Ditarɔnɔmi 24:15

I se dɛn no se po man abop pan wetin i go gɛt fɔ di de, so if dɛn nɔ pe am, i go kray to PAPA GƆD tɛl am bɔt dɛn, ɛn PAPA GƆD go lisin to am, ɛn na dɛn go gɛt di sin.

Jems 1:20

Bikɔs pɔsin we gɛt wam at nɔ go ebul du di gud we Gɔd want mek i du.

1 Samiɛl 20:34

So Jonɛthan blez ɛn grap kɔmɔt na di tebul, i nɔ it sɛf di sɛkɛn de na di mɔnt bikɔs i bin vɛks pan in papa fɔ aw i de disgres am bikɔs ɔf Devid.