Lɛta Fɔ Ɛfisɔs 4:25 - Krio Fɔs Oli Baybul

²⁵ Frɔm naw sote go, una nɔ fɔ lay igen. Ɔlman fɔ de tɔk tru to in kɔmpin, bikɔs wi ɔl na pat pan Krays in bɔdi.

Lɛta Fɔ Ɛfisɔs 4:25 Referans Kwoze

Lɛta Fɔ Kɔlɔse 3:9

Una nɔ fɔ lay to una kɔmpin, bikɔs una dɔn lɛf una ol layf ɛn dɛn bad trik we una bin gɛt,

Zɛkaraya 8:16

I se, na dɛn tin ya dɛn fɔ du: fɔ de tɔk tru to dɛnsɛf, fɔ gi rayt jɔjmɛnt ɛn fɔ de mek pis,

Prɔvabs 12:22

PAPA GƆD et lay, bɔt i kin gladi fɔ dɛn wan we de kip dɛn wɔd.

Lɛta Fɔ Rom 12:5

Semwe so, pan ɔl we wi plɛnti, wi jɛs tan lɛkɛ wan bɔdi bikɔs wi gɛt wanwɔd wit Krays, ɛn wi ɔl jɔyn lɛkɛ aw di difrɛn pat dɛn pan di bɔdi jɔyn.

Lɛta Fɔ Ɛfisɔs 4:15

If wi lɛk pipul ɛn wi de tek tɛm fɔ tɛl dɛn wetin tru, ɔl wetin wi de du go bi wetin Krays want. Krays na wi edman.

Prɔvabs 12:17

Udat de tɔk tru de pan fia ple, bɔt yu de lay de pwɛl.

Prɔvabs 8:7

Na di tru a de tɔk mi na pɔsin we et lay bad, bad.

Prɔvabs 12:19

Lay nɔ de te, bɔt tru go de sote go.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Fɔs Lɛta To Timoti 4:2

Na dɛn pipul we de lay, de lan pipul dɛn tin ya i tan lɛkɛ dɛn dɔn bɔn dɛn at na faya ɛn dat mek dɛn nɔ gɛt kɔnshɛns igen.

Lɛvitikɔs 19:11

I se nɔ fɔ tif nɔ mek dabaru ɔ lay gi dɛn kɔmpin.

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Fɔs Lɛta To Timoti 1:10

dɛn wan we liv fri layf, dɛn man we de kip dɛn kɔmpin man, dɛn wan we de kech pipul fɔ tɔn dɛn to slev, dɛn wan we de lay, dɛn wan we de lay bɔt dɛn de swɛ se na tru dɛn de tɔk, ɛn ɛnibɔdi we de du ɛnitin we difrɛn frɔm di tru tin we wi dɔn lan una.

2 Kɔrint 7:14

A bin bost bɔt una to am, ɛn una nɔ disapɔynt mi. Wi de tɔk tru to una ɔltɛm. Semwe, una dɔn pruv se di tin we mek a bost bɔt una to Taytɔs, na tru.

Taytɔs 1:12

Wan pan dɛn yon prɔfɛt, we insɛf kɔmɔt Krit, nain bin tɔk se, “Pipul we kɔmɔt Krit nɔba tɔk tru, dɛn na wikɛd bist, dɛn les ɛn dɛn de it tumɔs.”

1 Kɔrint 10:17

Bikɔs na wan bred de, wi ɔl dɔn bi wan bɔdi pan ɔl we wi plɛnti, bikɔs wi ɔl dɔn it pan di wan bred.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Zɛkaraya 8:19

dɛn fast we dɛn bin fast di mɔnt we mek fo, di mɔnt we mek fayv, di mɔnt we mek sɛvin, ɛn di mɔnt we mek tɛn, go briŋ gladi fɔ Juda ɛn dɛn go mek di ladida, so dɛn fɔ lɛk tin we na tru ɛn we de mek pis de.

Ozie 4:2

dɛn de swɛ, dɛn de lay, dɛn de kil, dɛn de tif ɛn dɛn de kip dɛnsɛf gbay.

Ayzaya 63:8

Bɔkɔs I se, Fɔ tru tru, dɛn na mi pipul dɛn, bɔy pik dɛn we nɔ go ple yuki yuki; ɛn I kam bi dɛn seviɔ.

Ayzaya 9:15

di ɛlda ɛn di man we dɛn rɛspɛkt na di ed, ɛn di prɔfɛt we de tich di pipul dɛn fɔ lay, na di tel;

Prɔvabs 21:6

If na lay ɛn koŋosa yu abop pan fɔ jɛntri, ɔltin go lɔs pan yu lɛkɛ smok, ɛn na so yu go day.

Di Sam Dɛm 119:29

Nɔ mek a miks pan dabaru; du gud to mi lɛk wetin yu lɔ dɛn se,

Di Sam Dɛm 52:3

Yu lɛk fɔ pwɛl ɛn nɔ de mek yu lɛk fɔ lay pas fɔ tɔk tru.

Lɛta Fɔ Ɛfisɔs 5:30

bikɔs wisɛf na pat pan Krays in bɔdi.

1 Kiŋ 13:18

Di olpa prɔfɛt tɛl am se in na prɔfɛt lɛkɛ insɛf, ɛn na PAPA GƆD in enjɛl tɛl am se lɛ i go mit am na rod ɛn kɔl am fɔ go it bred ɛn drink smɔl wata. Bɔt na lay dis olpa prɔfɛt bin de lay.

Ɛksodɔs 23:7

Dɛn wan we de jɔj kes fɔ jɔj tret. Dɛn nɔ fɔ lay pan poman. Dɛn nɔ fɔ sɛntɛns inosɛnt ɔ pɔsin we de waka tret na PAPA GƆD in yay fɔ day. If dɛn du dat, a nɔ go fɔgiv dɛn.

Di Sam Dɛm 15:2

Na di pɔsin we de waka tret, we nɔ de miks pan bɛnbɛn, ɛn we nɔ de lay,

Prɔvabs 24:28

Nɔ tinap as witnɛs fɔ yu kɔmpin we yu nɔ gɛt rizin, ɛn nɔ lay de.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Lɛta Fɔ Ɛfisɔs 4:31

Una nɔ fɔ gɛt bad at fɔ una kɔmpin, una nɔ fɔ gɛt wam at, una nɔ fɔ ala pan ɛnibɔdi, ɛn una nɔ fɔ kɔs. Una nɔ fɔ et ɛnibɔdi ɛn una nɔ fɔ tɔk bad bɔt una kɔmpin.

Lɛta Fɔ Kɔlɔse 3:8

Una fɔ tap fɔ du ɔl dɛn bad tin ya: una nɔ fɔ de vɛks; una nɔ fɔ vɛks te una nɔ no wetin una de du; una nɔ fɔ de mɛmba ɛnitin we go mek una want fɔ du una kɔmpin bad. Una nɔ fɔ tɛl ɛnibɔdi ɛnitin we go mek i fil smɔl; ɛn una nɔ fɔ tɔk bad wɔd.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Jems 1:21

Na dat mek a de tɛl una se, mek una pul ɔltin we bad kɔmɔt na una layf. Una put unasɛf ɔnda Gɔd ɛn mek di wɔd we i dɔn put na una at sidɔm, bikɔs in wɔd gɛt pawa fɔ sev una.

Pita In Fɔs Lɛta 2:1

So una fɔ lɛf ɔl dɛn bad tin we de na una layf: una fɔ lɛf fɔ lay, una fɔ lɛf fɔ mek ipokrit, una fɔ lɛf fɔ jɛlɔs una kɔmpin ɛn una fɔ lɛf fɔ tɔk bad bɔt dɛn.

Di Jɔj Dɛm 16:11

Nain Samsin tɛl am se, if dɛn tay am wit nyu rop we dɛn nɔ yuz wande, i de wik ɛn tan jɛs lɛk ɔdinari man.