Lɛta Fɔ Ɛfisɔs 4:23 - Krio Fɔs Oli Baybul

²³ Lɛ Gɔd in Spirit chenj una at ɛn wetin una de tink.

Lɛta Fɔ Ɛfisɔs 4:23 Referans Kwoze

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Lɛta Fɔ Rom 8:6

If una jɛs de mɛmba wetin una at want nɔmɔ, dat go mek una day; bɔt if una jɛs de mɛmba wetin Gɔd in Spirit want nɔmɔ, una go gɛt di tru layf ɛn kol at.

Di Sam Dɛm 51:10

PAPA GƆD gi mi at we klin fɔ du yu wok, nyu at we go de du wetin yu want.

Lɛta Fɔ Kɔlɔse 3:10

una dɔn bi nyu pipul. Gɔd mek una ɔl bi nyu pipul, ɛn we i bi so, i de mek una tan lɛkɛ insɛf mɔ ɛn mɔ, so dat wande una go no am gud.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Izikɛl 36:26

A go gi una nyu at ɛn put nyu spirit insay una. Ɛn a go pul di ston at we de pan una bɔdi ɛn gi una at we mek wit flɛsh

Taytɔs 3:5

i sev wi; ɛn nɔto fɔseka ɛni gud tin we wi bin dɔn du mek i du so, bɔt na bikɔs i sɔri fɔ wi, na dat mek i mek in Spirit klin wi layf ɛn gi wi nyu spirit ɛn nyu layf.

Izikɛl 18:31

Una pul an kɔmɔt pan ɔl dɛn bad bad tin dɛn we una dɔn du to mi, mek una go gɛt nyu at ɛn nyu spirit! Wetin fɔ mek una day, Una Izrɛl?

Izikɛl 11:19

Ɛn a go gi dɛm ɔl di sem maynd, ɛn put nyu spirit insay dɛm; ɛn a go pul di at we tan lɛk ston kɔmɔt insay dɛm, ɛn gi dɛm at we na flɛsh,

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.

Lɛta Fɔ Rom 6:4

So wɛn wi baptayz, wi day wit Jizɔs ɛn dɛn bɛr wi wit am, so dat jɛs lɛkɛ aw wi Papa yus in wɔndaful pawa mek Jizɔs Krays rayz frɔm di grev, semwe so i go yus in pawa fɔ mek wi liv di nyu kayn layf.