Lɛta Fɔ Ɛfisɔs 4:21 - Krio Fɔs Oli Baybul

²¹ A no se pipul dɔn tɛl una bɔt Krays ɛn aw una fɔ liv di tru layf we Jizɔs want una fɔ liv.

Lɛta Fɔ Ɛfisɔs 4:21 Referans Kwoze

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Lɛta Fɔ Kɔlɔse 2:7

We una liv, una fɔ fasin pan am lɛkɛ aw rut de fasin na grɔn, nain fɔ bi di fawndeshɔn na una layf, una fɔ de abop pan am mɔ ɛn mɔ lɛk aw dɛn bin dɔn lan una fɔ du. Pantap dat, una fɔ de tɛl Gɔd tɛnki ɔltɛm.

Jɔn 14:17

Di wan we go de ɛp una fɔ du wetin Gɔd want, na di Spirit we go mek pipul no ɔltin we tru bɔt Gɔd. Di pipul dɛn na di wɔl nɔ go mek di Spirit kam na dɛn layf, bikɔs dɛn nɔ de si am ɛn dɛn nɔ no am. Bɔt una no am, bikɔs i de wit una ɛn i go de insay una.

2 Kɔrint 11:10

A prɔmis una se, ɛni say we a go na Gris, a go de bost se a nɔ tek pe na una an, ɛn na tru wɔd we Krays insɛf put na mi at a de tɔk.

2 Kɔrint 1:20

bikɔs in na di ansa, “Yɛs,” fɔ ɔl dɛn prɔmis we Gɔd dɔn prɔmis wi. Na dat mek wɛn wi se “Emɛn,” na bay Jizɔs Krays wi de tɔk so, fɔ mek Gɔd gɛt di prez.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Jɔn 10:27

Mi ship dɛn de lisin wetin a se, ɛn dɛn de fala mi. A no dɛn ɔl.

Jɔn 1:17

Gɔd mek Mozis gi wi di Lɔ, bɔt i mek Jizɔs Krays sho wi aw i lɛk wi ɛn tɛl wi ɔl di tru tin dɛn bɔt insɛf.

Lyuk 10:16

Jizɔs tɔk to in lanin bɔy dɛn. I se, “Ɛnibɔdi we lisin una, na mi da pɔsin de lisin. Ɛnibɔdi we nɔ gri fɔ du wetin una tɛl am fɔ du, na wetin a tɛl am fɔ du, nain i nɔ gri fɔ du; ɛn ɛnibɔdi we nɔ gri fɔ du wetin a tɛl am fɔ du, na wetin di pɔsin we sɛn mi tɛl am fɔ du, i nɔ gri fɔ du.”

Matyu 17:5

Wɛn Pita dɔn tɔk dɔn, wan klawd we bin de shayn, kɔba dɛn, dɔn dɛn yɛri wan vɔys de tɔk na di klawd se, “Dis na mi Pikin we a lɛk bad, a gladi fɔ am, una lisin wetin i de tɛl una.”

Di Sam Dɛm 45:4

Mek PAPA GƆD go wit yu ɛn lɛ yu kɔntinyu fɔ win ɔl di wa dɛn we yu de fɛt fɔseka wetin tru ɛn fia; yuz yu trɛnk fɔ sho se yu kin du pawaful tin dɛn.

Lɛta Fɔ Rom 10:14

Bɔt aw dɛn go pre to di Masta fɔ sev dɛn if dɛn nɔ biliv pan am? Ɛn aw dɛn go biliv pan am if dɛn nɔ yɛri di mɛsej? Ɛn aw dɛn go yɛri di mɛsej if pɔsin nɔ tɛl dɛn?

Lɛta Fɔ Ɛfisɔs 2:17

Krays kam fɔ tɛl ɔlman bɔt di Gud Nyuz we de gi kol at. Dis Gud Nyuz ya de fɔ dɛn Ju pipul we bin de klos Gɔd ɛn dɛn pipul we nɔto Ju we nɔ bin de klos Gɔd.

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Lɛta Fɔ Kɔlɔse 1:6

Di Gud Nyuz de prɛd ɔlɔbɔt na wɔl ɛn i de mek pipul gɛt blɛsin, jɛs lɛkɛ aw i rich una ɛn i de blɛs una frɔm di de we una yɛri ɛn ɔndastand fɔ tru aw Gɔd lɛk una ɛn aw i gud to una.