Lɛta Fɔ Ɛfisɔs 4:17 - Krio Fɔs Oli Baybul

¹⁷ A de tek di Masta in nem fɔ tɔk to una ɛn wɔn una se, una nɔ fɔ liv di layf igen we dɛn pipul we nɔ no Gɔd de liv.

Lɛta Fɔ Ɛfisɔs 4:17 Referans Kwoze

Lɛta Fɔ Rom 1:21

Dɛn no Gɔd, bɔt dɛn nɔ de gri fɔ gi am di rɛspɛkt we i fɔ gɛt, ɛn dɛn nɔ de tɛl am tɛnki fɔ ɛnitin we i du. Dɛn ed dɔn miks ɔp ɔltogɛda, dɛn nɔ ebul ɔndastand, so dɛn nɔ no wetin rayt.

Pita In Sɛkɛn Lɛta 2:18

Dɛn de bost bost we nɔ min natin ɛn dɛn liv fri layf; na dat dɛn de tek drɔ dɛn pipul we jɛs bigin lɛf dɛn bad we fɔ mek dɛn fala dɛn, fɔ bigin liv bad layf bak.

Lɛta Fɔ Kɔlɔse 2:4

So una nɔ mek ɛnibɔdi agyu wit una ɛn tek lay mek una ful, ilɛk sɛf i tan lɛkɛ se na tru dɛn de tɔk.

Pita In Fɔs Lɛta 1:18

Unasɛf no se nɔto tin lɛkɛ silva ɛn gold we de pwɛl, dɛn tek pe fɔ pul una kɔmɔt pan di yuslɛs layf we una grampapa papa dɛn bin liv ɛn we unasɛf bin liv;

Apɔsul Dɛn Wok 20:21

Una no se a bin de tɛl dɛn Ju pipul ɛn dɛn Grik pipul fɔ lɛf fɔ du dɛn bad tin we dɛn bin de du ɛn kam to Gɔd ɛn biliv pan wi Masta Jizɔs.

Apɔsul Dɛn Wok 18:5

Wɛn Saylas ɛn Timoti rich Masidonia, Pɔl lɛf fɔ mek tɛnt, i tek ɔl in tɛm de tɛl pipul wetin Jizɔs se, ɛn ɛksplen gud se Jizɔs na di Mɛsaya.

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Jɛrimaya 42:19

PAPA GƆD dɔn tɛl una se, ‘E, una we lɛf na Juda, ‘Una nɔ go na Ijipt.’ Una no wantɛm se na di las wɔnin a dɔn gi una so,

Sɛkɛn Lɛta To Timoti 4:1

A de wɔn yu siriɔs wan bifo Gɔd ɛn bifo Krays Jizɔs we go jɔj dɛn wan we nɔ day yet ɛn dɛn wan we dɔn day: bikɔs Krays gɛt fɔ kam bak na wɔl ɛn rul lɛkɛ Kiŋ, a de tɛl yu,

Fɔs Lɛta To Timoti 6:13

Bifo Gɔd we de gi ɔltin na layf, ɛn bifo Jizɔs Krays we nɔ fred fɔ tɔk bɔt insɛf bifo da gɔvna we dɛn kɔl Pɔnchɔs Paylet, a de tɛl yu dɛn tin ya:

Fɔs Lɛta To Timoti 5:21

Bifo Gɔd, Jizɔs Krays, ɛn in gud enjɛl dɛn, a de tɛl yu fɔ du dɛn tin ya; trit ɔlman di sem we, pɔsin we na yu padi ɛn pɔsin we nɔto yu padi.

Fɔs Lɛta Fɔ Tɛsalonayka 4:6

Wɛn i kam pan dis kayn tin, dat na, aw man fɔ biev to uman, i nɔ fɔ du in kɔmpin Kristiɛn bad. Wi bin dɔn wɔn una traŋa wan se Gɔd go pɔnish ɛnibɔdi we de du ɔl dɛn kayn tin ya.

Lɛta Fɔ Kɔlɔse 2:18

Una nɔ mek ɛnibɔdi we se in bɛtɛ pas una bikɔs Gɔd de mek i si tin dɛn na vishɔn, tɛl una se una nɔ de du rayt. Dɛn pipul ya de pin se pipul fɔ de fast ɛn dɛn fɔ de pre to enjɛl. Pipul lɛkɛ dɛn wan ya jɛs de mek prawd fɔ natin, na aw dɛn de tink wit dɛn yon mɔtalman sɛns de mek dɛn fil prawd.

Lɛta Fɔ Ɛfisɔs 4:22

Una fɔ lɛf fɔ liv di bad layf we una bin liv, da layf de bin de pwɛl una ɛn mek una ful.

Lɛta Fɔ Ɛfisɔs 1:22

Gɔd mek ɔltin fɔ mek dɛn nil dɔŋ bifo Krays, ɛn na Krays na di edman fɔ ɔlman na di chɔch, we nain bɔdi. Krays na di ed fɔ di bɔdi ɛn di bɔdi na di pipul dɛn na di chɔch, so Krays dɔn bi ɔl wetin i want fɔ bi bikɔs i dɔn gɛt di bɔdi. Ɛn insɛf de rul ɔltin ɛn ɔlman ɔlɔbɔt na wɔl ɛn i de mek dɛn bi aw dɛn fɔ bi.

Lɛta Fɔ Galeshya 5:3

A de wɔn una igen se, ɛnibɔdi we gri fɔ mek dɛn sakɔmsayz am, mɔs du ɔl wetin di Ju Lɔ se.

Lɛta Fɔ Galeshya 3:17

A de tɛl una se Gɔd bin mek agrimɛnt wit Ebraam ɛn i bin prɔmis fɔ du wetin i tɛl Ebraam. Wɛn Gɔd dɔn mek dis agrimɛnt ya, i tek fo-ɔndrɛd ɛn tati ia bifo i gi di Ju neshɔn di Lɔ; ɛn dis Lɔ ya nɔ go pwɛl ɔ chenj wetin Gɔd dɔn prɔmis.

2 Kɔrint 9:6

Una fɔ mɛmba se pɔsin we nɔ plant plɛnti sid nɔ go gɛt plɛnti tin fɔ pik, bɔt pɔsin we plant plɛnti sid go gɛt plɛnti plɛnti tin fɔ pik.

1 Kɔrint 15:50

Na di tin dis we a min: Dis wɔl yon bɔdi nɔ go go insay di ples we Gɔd de rul, ɛn ɛnitin we de day nɔ go gɛt di pawa fɔ tɔn to tin we nɔ de day.

1 Kɔrint 1:12

Mek a ɛksplen wetin a min: sɔm pan una de se, “Na Pɔl a de fɔ;” sɔm de se, “Na Apɔlɔs a de fɔ;” sɔm ɔda wan dɛn de se, “Na Pita a de fɔ;” ɛn sɔm de se, “Na Krays a de fɔ.”

Apɔsul Dɛn Wok 2:40

Pita tɔk to dɛn ɛn wɔn dɛn se, “Una du dɛn tin we go mek una nɔ sɔfa, lɛkɛ aw dɛn wikɛd pipul na dis neshɔn go sɔfa.”

Nɛimaya 13:15

Da sem tɛm de, nain a si di man dɛn na Juda de mas greps fɔ mek wayn de di de we mek sɛvin we fɔ blo. Dɛn bin ivin de briŋ gren, wayn, greps, fig ɛn ɔda tin dɛn we dɛn lod na dɛn dɔŋki kam de. Dɛn bin de briŋ ɔl dis kam insay Jerusɛlɛm, di de we mek sɛvin we fɔ blo. Dat mek a wɔn dɛn nɔ fɔ sɛl tin fɔ it da de de.

Lɛvitikɔs 15:18

We di man lidɔm wit uman dɔn, in ɛn di uman fɔ go was ɛn dɛn nɔ go klin na PAPA GƆD yay te ivintɛm.

Ditarɔnɔmi 27:10

Dɛn fɔ du ɔl wetin i dɔn tɛl dɛn tide se, PAPA GƆD we na dɛn PAPA GƆD se, dɛn fɔ de du.