Lɛta Fɔ Ɛfisɔs 4:15 - Krio Fɔs Oli Baybul

¹⁵ If wi lɛk pipul ɛn wi de tek tɛm fɔ tɛl dɛn wetin tru, ɔl wetin wi de du go bi wetin Krays want. Krays na wi edman.

Lɛta Fɔ Ɛfisɔs 4:15 Referans Kwoze

Jɔn In Fɔs Lɛta 3:18

Mi pikin dɛn, wi nɔ fɔ jɛs de tɔk se wi lɛk wi kɔmpin, bɔt wi fɔ de du dɛn tin we go sho se wi lɛk dɛn fɔ tru.

Lɛta Fɔ Ɛfisɔs 4:25

Frɔm naw sote go, una nɔ fɔ lay igen. Ɔlman fɔ de tɔk tru to in kɔmpin, bikɔs wi ɔl na pat pan Krays in bɔdi.

Zɛkaraya 8:16

I se, na dɛn tin ya dɛn fɔ du: fɔ de tɔk tru to dɛnsɛf, fɔ gi rayt jɔjmɛnt ɛn fɔ de mek pis,

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.

Lɛta Fɔ Ɛfisɔs 2:21

Krays na di pɔsin we ol ɔl di os togɛda, ɛn i de tɔn di os smɔl smɔl to Gɔd we na di Masta, in yon.

Lɛta Fɔ Ɛfisɔs 1:22

Gɔd mek ɔltin fɔ mek dɛn nil dɔŋ bifo Krays, ɛn na Krays na di edman fɔ ɔlman na di chɔch, we nain bɔdi. Krays na di ed fɔ di bɔdi ɛn di bɔdi na di pipul dɛn na di chɔch, so Krays dɔn bi ɔl wetin i want fɔ bi bikɔs i dɔn gɛt di bɔdi. Ɛn insɛf de rul ɔltin ɛn ɔlman ɔlɔbɔt na wɔl ɛn i de mek dɛn bi aw dɛn fɔ bi.

Pita In Fɔs Lɛta 2:2

Una fɔ tan lɛkɛ bebi we jɛs bɔn, we want milk ɔltɛm; na so unasɛf fɔ want fɔ yɛri Gɔd in wɔd, ɔltɛm; i go mek una gro if una drink am ɔltɛm, dat min se una go no mɔ ɛn mɔ bɔt Gɔd ɛn una go gɛt layf ya we go de sote go na ɛvin.

Lɛta Fɔ Rom 12:9

If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Jɔn 1:47

Wɛn Jizɔs si Natanyɛl de kam, i se, “Luk man we kɔmɔt Izrɛl fɔ tru, i nɔ gɛt nɔ bɛnbɛn, i nɔ de mek pɔsin ful.”

Lɛta Fɔ Ɛfisɔs 5:23

Wetin mek a tɔk dat, na we di man gɛt pawa oba in wɛf lɛkɛ aw Krays gɛt pawa oba di chɔch, ɛn Krays insɛf sev di chɔch, we nain bɔdi.

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

Di Sam Dɛm 32:2

I fayn fɔ da pɔsin we nɔ miks pan bɛnbɛn PAPA GƆD nɔ de kip natin nain at fɔ am.

Di Jɔj Dɛm 16:15

Nain Dilayla aks Samsin se aw i go se i lɛk am we in at nɔ de to am. I se Samsin dɔn mek am ful tri tɛm naw, ɛn nɔ tɛl am usay in trɛnk de.

2 Kɔrint 8:8

A nɔ de gi una lɔ. Bɔt we a de tɛl una aw ɔda pipul want ɛp fɔ du dis wok bad bad, a de tray fɔ si if di lɛk we una lɛk fɔ gi, kɔmɔt na una at.

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

1 Kɔrint 11:3

Bɔt a want mek una ɔndastand sɔntin: Na Krays de oba ɔlman, na di man de oba in wɛf, ɛn na Gɔd in wangren de oba Krays.

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.