Lɛta Fɔ Ɛfisɔs 4:12 - Krio Fɔs Oli Baybul

¹² I du ɔl dis fɔ mek Gɔd in pipul dɛn rɛdi ɛn ebul fɔ du dɛn wok, so dat dɛn go bil Krays in bɔdi we na di chɔch.

Lɛta Fɔ Ɛfisɔs 4:12 Referans Kwoze

Lɛta Fɔ Ɛfisɔs 4:16

Na Krays mek ɔl dɛn difrɛn pat pan di bɔdi jɔyn wan ples ɛn nain de rul dɛn. Na dɛn difrɛn, difrɛn jɔynt na di bɔdi lɛkɛ di ni ɛn di ɛlbo ol ɔl di bɔdi wan ples. If ɔl di pat dɛn pan di bɔdi de du dɛn wok gud, dat go mek ɔl di bɔdi gro lɛkɛ aw Gɔd want am fɔ gro, so ɔl di pat dɛn pan di bɔdi, dat na di pipul dɛn, go lɛk dɛn kɔmpin.

1 Kɔrint 12:27

Una ɔl mek ɔp Krays in bɔdi, wan pɔsin na wan pat, ɔda pɔsin na ɔda pat.

Lɛta Fɔ Rom 15:14

Mi kɔmpin Kristiɛn dɛn, a shɔ se una gud, una no ɔl wetin una fɔ du ɛn una ebul advays una kɔmpin dɛn.

1 Kɔrint 14:26

Mi Kristiɛn brɔda dɛn, na di tin dis we a min: wɛn una gɛda fɔ pre, wan man go gɛt siŋ fɔ siŋ; ɔda wan go gɛt sɔntin we i fɔ lan in kɔmpin dɛn; Gɔd go sho ɔda wan sɔntin fɔ tɛl in kɔmpin dɛn; ɔda wan go tɔk wɔd na laŋwej we insɛf nɔ ɔndastand; ɔda pɔsin go ɛksplen wetin i se. Ɔl dɛn tin ya na fɔ ɛp di chɔch.

Lɛta Fɔ Rom 14:19

So, wi fɔ tray ɔltɛm fɔ de du dɛn tin we go briŋ kol at, ɛn dɛn tin we go mek ɔda pipul ɛn wisɛf biliv Gɔd mɔ ɛn mɔ.

Fɔs Lɛta To Timoti 1:12

A tɛl Jizɔs Krays, wi Masta, tɛnki. Nain de gi mi trɛnk fɔ du dis wok ɛn nain pik mi fɔ du am bikɔs i si se a go du am gud,

1 Kɔrint 14:12

Una want bad bad wan mek Gɔd in Spirit gi una ɔl dɛn tin we i de gi, so una fɔ tray fɔ gɛt dɛn tin we Gɔd de gi we go mek una ɛp di chɔch.

Di Ibru Pipul Dɛn 13:17

Una du wetin una lida dɛn tɛl una fɔ du ɛn put unasɛf ɔnda dɛn. Dɛn yay de pan una ɔltɛm ɛn dɛn gɛt fɔ tinap bifo Gɔd fɔ tɛl am bɔt dis wok we dɛn de du fɔ una. If una du wetin dɛn tɛl una fɔ du, dɛnsɛf go gladi fɔ du dɛn wok. Bɔt if una nɔ du am, dɛn nɔ go gladi fɔ du di wok, ɛn dat nɔ go ɛp una.

Di Ibru Pipul Dɛn 6:1

So, mek wi lɛf fɔ de tɔk bɔt dɛn tin we wi bin de tɛl una bɔt Krays, fɔstɛm; lɛ wi go bifo ɛn lan dɛn tin we bigman fɔ lan bɔt Krays. Wi tap fɔ lan una dɛn tin we wi bin dɔn lan una fɔstɛm we wi se pipul fɔ chenj ɛn lɛf fɔ du dɛn bad tin we go mek dɛn day, ɛn dɛn fɔ biliv pan Gɔd.

2 Kɔrint 6:3

Wɛn wi de du ɛnitin, wi nɔ de ambɔg ɛnibɔdi, so dat nɔbɔdi nɔ go blem wi fɔ di wok we wi de du.

2 Kɔrint 5:18

Na Gɔd du ɔl dis, nain mek Krays mek wi bi in padi dɛn, so dat wi go tap fɔ bi pipul we nɔ lɛk am, ɛn di wok we Krays gi wi na fɔ mek wi go mek ɔda padi dɛn fɔ Gɔd.

Lyuk 22:32

Bɔt a dɔn pre fɔ yu Saymɔn mek yu nɔ tap fɔ biliv mi. Wɛn yu dɔn biliv mi traŋa wan, tray mek yu brɔda dɛnsɛf biliv mi traŋa wan.”

Sɛkɛn Lɛta To Timoti 4:5

Bɔt yu fɔ kɔntrol yusɛf ɔltɛm; yu fɔ bia wɛn yu de sɔfa, yu fɔ de tɛl pipul di Gud Nyuz, ɛn yu fɔ du ɔl wetin pɔsin we de wok fɔ Gɔd fɔ du.

Lɛta Fɔ Kɔlɔse 4:17

Una tɛl Akipɔs se i fɔ si dat i du ɔl di wok we di Masta dɔn gi am fɔ du.

Lɛta Fɔ Kɔlɔse 1:28

Na bɔt Krays wi de tɛl ɔlman. Wit ɔl di sɛns we Gɔd gi wi, wi de tɛl dɛn wetin nɔ fɔ du ɛn lan dɛn wetin fɔ du, so dat ɔlman go no ɔl wetin Gɔd want dɛn fɔ du, dɛn go want du am wit ɔl dɛn at, ɛn dɛn go gɛt wanwɔd wit Krays.

Lɛta Fɔ Kɔlɔse 1:24

A gladi naw we a de sɔfa fɔ una, bikɔs di pen we a de sɔfa naw na pat pan di sɔfa we Krays bin sɔfa fɔseka in bɔdi we na di chɔch, ɛn we pipul stil gɛt fɔ sɔfa.

2 Kɔrint 12:19

Sɔntɛm una dɔn de tink ɔl dis tɛm se wi de tray fɔ tɔk mek una go gladi fɔ wi. Nɔto dat wi want du, wi de tɔk bifo Gɔd wetin Krays want mek wi tɔk. Mi padi dɛn, ɔl wetin wi de du na fɔ ɛp una.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

2 Kɔrint 4:1

We Gɔd dɔn sɔri fɔ wi ɛn gi wi dis wok ya fɔ du, wi nɔ go gri mek ɛnitin mek wi at pwɛl.

2 Kɔrint 3:8

di wok we wi de du fɔ di Spirit go wɔndaful fawe pas dat!

1 Kɔrint 14:14

If a pre wit dɛn laŋwej ya, mi spirit de pre fɔ tru, bɔt a nɔ de tink bɔt wetin a de tɔk, ɛn a nɔ de ɔndastand wetin a de tɔk.

Lɛta Fɔ Rom 15:29

Wɛn a kam to una, a go kam wit ɔl di blɛsin we Krays gi mi fɔ gi una.

Lɛta Fɔ Rom 15:2

Wi ɔl fɔ de du wetin gud fɔ wi kɔmpin Kristiɛn dɛn we go mek dɛn gladi, so dat dɛn go biliv pan Krays gud.

Lɛta Fɔ Rom 12:7

If Gɔd mek wi want fɔ ɛp di Kristiɛn dɛn ɔltɛm ɛn mek wi sabi wetin fɔ du, wi fɔ ɛp dɛn. If i mek wi sabi fɔ lan pipul, wi fɔ lan pipul.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Apɔsul Dɛn Wok 9:31

Da tɛm de, nɔbɔdi nɔ mek dɛn pipul we bin biliv pan Jizɔs Krays na Judia, Galili, ɛn Sameria sɔfa igen. Gɔd in Spirit bin de ɛp dɛn fɔ mek mɔ ɛn mɔ pipul biliv pan Jizɔs. Ɔl di pipul dɛn we bin biliv pan Jizɔs bin de du wetin Gɔd want ɛn dɛn bin rɛspɛkt di Masta.

Apɔsul Dɛn Wok 1:25

fɔ du di wok we Judas dɔn lɛf. Judas dɔn go na di say we i fɔ go.”

Apɔsul Dɛn Wok 1:17

Judas na bin wan pan wi ɛn na wi ɔl bin de wok fɔ Gɔd.”

Sɛkɛn Lɛta To Timoti 4:11

Na Lyuk nɔmɔ de wit mi na ya. Briŋ Mak kam wit yu wɛn yu de kam, bikɔs in kin de ɛp mi fɔ du di wok.

Lɛta Fɔ Ɛfisɔs 4:29

Una fɔ lɛf fɔ tɔk bad wɔd, una fɔ de tɔk dɛn wɔd we go ɛp ɔda pipul, so dat wetin una de tɔk go du gud fɔ di pipul dɛn we de yɛri una.

Lɛta Fɔ Ɛfisɔs 4:4

Wi ɔl na wan bɔdi, wi gɛt di sem Spirit lɛkɛ aw Gɔd kɔl wi fɔ abop pan di sem pɔsin.

2 Kɔrint 13:9

Wi go gladi wɛn wi nɔ gɛt pawa, wans nɔmɔ una gɛt pawa. So wi de pre mek Gɔd mek una nɔ gɛt ɛni bɔt na una layf.

1 Kɔrint 12:7

Gɔd in Spirit de mek Gɔd in pawa wok insay ɔlman so dat ɔlman go bɛnifit.

Lɛta Fɔ Rom 12:5

Semwe so, pan ɔl we wi plɛnti, wi jɛs tan lɛkɛ wan bɔdi bikɔs wi gɛt wanwɔd wit Krays, ɛn wi ɔl jɔyn lɛkɛ aw di difrɛn pat dɛn pan di bɔdi jɔyn.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.