Lɛta Fɔ Ɛfisɔs 4:11 - Krio Fɔs Oli Baybul

¹¹ Nain bin mek wi sabi fɔ du difrɛn difrɛn wok. Sɔm pan di wok dɛn we i gi wi fɔ du na dɛn dɛn wan ya: I mek sɔm pan wi bi apɔsul; sɔm bi prɔfɛt; sɔm bi ivanjɛlist, dat na dɛn pipul we de tɛl ɔda pipul di Gud Nyuz bɔt Jizɔs Krays; sɔm bi pastɔ; ɛn sɔm bi ticha.

Lɛta Fɔ Ɛfisɔs 4:11 Referans Kwoze

Jɛrimaya 3:15

“Ɛn a go gi una shɛpad dɛn we a lɛk, we go fid una wit sɛns ɛn sabi.

Lɛta Fɔ Ɛfisɔs 2:20

Na dɛn tin we dɛn apɔsul ɛn dɛn prɔfɛt bin tɛl una, ɛn di layf we dɛn bin liv, na dat na di fawndeshɔn we una layf sidɔm pan. Jizɔs Krays na di fɔs ston we dɛn bil pan.

Sɛkɛn Lɛta To Timoti 4:5

Bɔt yu fɔ kɔntrol yusɛf ɔltɛm; yu fɔ bia wɛn yu de sɔfa, yu fɔ de tɛl pipul di Gud Nyuz, ɛn yu fɔ du ɔl wetin pɔsin we de wok fɔ Gɔd fɔ du.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Lɛta Fɔ Ɛfisɔs 4:8

Na dat mek dɛn rayt bɔt Krays na Gɔd in Buk se, “Wɛn i go ɔp ɔp, i kɛr dɛn wan we i win, go; ɛn i gi mɔtalman ɔl wetin i want gi dɛn.”

Lɛta Fɔ Ɛfisɔs 3:5

Gɔd nɔ bin tɛl wi lɔntɛm pipul dɛn dis sikrit ya, bɔt naw Gɔd dɔn mek in Spirit sho di apɔsul ɛn di prɔfɛt dɛn dis sikrit.

Lɛta Fɔ Rom 12:7

If Gɔd mek wi want fɔ ɛp di Kristiɛn dɛn ɔltɛm ɛn mek wi sabi wetin fɔ du, wi fɔ ɛp dɛn. If i mek wi sabi fɔ lan pipul, wi fɔ lan pipul.

2 Kronikuls 15:3

I dɔn te we Izrɛl nɔ bin de wit di tru tru Gɔd, ɛn nɔ bin gɛt man we de mek sakrifays fɔ pipul sin fɔ de tich dɛn, ɛn dɛn nɔ bin gɛt lɔ;

Di Ibru Pipul Dɛn 5:12

I dɔn rich tɛm we unasɛf fɔ bigin lan ɔda pipul bikɔs i dɔn te we una de lan, bɔt pɔsin stil gɛt fɔ lan una di fɔs tin dɛn we una bin dɔn lan bɔt Gɔd in mɛsej. Una fɔ stil drink milk lɛkɛ pikin we de sɔk bɔbi, bikɔs una nɔ du yet fɔ it tin we fɔ cham lɛkɛ big pɔsin.

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Apɔsul Dɛn Wok 21:8

Di ɔda de wi kɔmɔt Tɔlɛmis go Sizaria. Wi go tap to wan man we bin de tɛl pipul di Gud Nyuz, i bin nem Filip. Na bin wan pan dɛn sɛvin pipul we dɛn bin pik na Jerusɛlɛm fɔ ɛp fɔ du Gɔd wok.

Apɔsul Dɛn Wok 13:1

Di chɔch na Antiɔk bin gɛt sɔm prɔfɛt dɛn ɛn sɔm ticha dɛn. Dɛn na bin Banabas, Simiɔn we dɛn bin de kɔl Blak Pɔsin, Lushyɔs we bin kɔmɔt Sayrini, Manɛn we nain ɛn di gɔvna Ɛrɔd gro, ɛn Sɔl.

Rɛvɛleshɔn 21:14

Na twɛlv ston dɛn bin tek bil di wɔl in fawndeshɔn. Na pan dɛn ston de di Ship in twɛlv apɔsul dɛn nem bin rayt.

Jud In Lɛta 1:17

Mi padi dɛn, una fɔ mɛmba wetin wi Masta Jizɔs Krays in apɔsul dɛn bin dɔn tɛl una.

1 Kɔrint 12:4

Na plɛnti difrɛn kayn tin Gɔd in Spirit de mek di Kristiɛn dɛn ebul du, bɔt na di sem Spirit de mek dɛn ebul du dɛn ɔl.