Biblia Todo Logo
Bib sou entènèt

- Piblisite -




Lɛta Fɔ Ɛfisɔs 4:1 - Krio Fɔs Oli Baybul

1 Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Gade chapit la Kopi




Lɛta Fɔ Ɛfisɔs 4:1
36 Referans Kwoze  

Dat go mek una ebul du wetin di Masta want, ɛn ɔltɛm una go de du di tin we go mek i gladi; una go de du ɔl kayn gud wok, ɛn una go de no mɔ ɛn mɔ bɔt Gɔd.


Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.


Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.


We wi no am, i dɔn gi wi ɔltin we wi fɔ gɛt fɔ mek wi ebul liv lɛkɛ aw i want mek wi liv bay in pawa. Gɔd kɔl wi fɔ mek wi gɛt pan di wɔndaful ɔna ɛn pawa we i gɛt ɛn mek wisɛf gud lɛkɛ aw i gud.


Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.


Na dat mek, a de beg una fɔ waka wit Gɔd lɛkɛ aw a de waka wit am.


Na dat mek wi de pre fɔ una ɔltɛm. Wi de pre to wi Gɔd mek i mek una fit fɔ liv di layf we i kɔl una fɔ liv. Bikɔs Gɔd gɛt pawa fɔ du so, lɛ i mek una ebul fɔ du ɔl di gud we una want fɔ du, ɛn dɔn ɔl dɛn tin we una bin de du bikɔs una biliv pan am.


A de tek di Masta in nem fɔ tɔk to una ɛn wɔn una se, una nɔ fɔ liv di layf igen we dɛn pipul we nɔ no Gɔd de liv.


We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.


Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.


We una dɔn gri mek Jizɔs Krays bi una Masta, una fɔ gɛt wanwɔd wit am ɔltɛm.


If pɔsin du una bad, una nɔ fɔ tɔn am gi am bak; if pɔsin kɔs una, una nɔ fɔ kɔs am bak, una fɔ aks Gɔd fɔ blɛs am. Gɔd kɔl una fɔ mek una blɛs ɔda pipul; if una du dat, Gɔd go blɛs unasɛf lɛkɛ aw i bin prɔmis fɔ du wɛn i kɔl una.


So, wi we de wok wit Gɔd de beg una mek una nɔ mek di gud we Gɔd gud to una go fɔ natin.


So, uman we a lɛk fɔ tru, a de beg yu: lɛ wi lɛk wi kɔmpin. Dis tin we a de rayt tɛl yu fɔ du, nɔto nyu tin; na tin we wi bin dɔn no frɔm we yu bi Kristiɛn.


Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.


Mi padi dɛn, una we de lɛkɛ trenja na dis wɔl ɛn lɛkɛ pipul we nɔ kam fɔ tap lɔŋ na ya, a de beg una mek una nɔ jɛs de fala una at fɔ satisfay una bɔdi bikɔs wetin una bɔdi want nɔto dat una spirit want.


A de pre mek Gɔd gi una ɔl dɛn gud tin we una nɔ gɛt, so dat una go yus dɛn gud tin de fɔ du wetin i want una fɔ du. A de pre mek Gɔd mek Jizɔs Krays in pawa wok na wi ɔl at, so dat wi go bi aw i want wi fɔ bi. A de pre mek pipul prez ɛn rɛspɛkt Jizɔs Krays sote go! Emɛn.


Na dat mek a de du ɔl wetin a fɔ du, fɔ gɛt di prayz we Gɔd de gi; dat na layf na ɛvin we go de sote go we Gɔd kɔl wi fɔ gɛt wɛn wi gɛt wanwɔd wit Jizɔs Krays.


Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.


Wi ɔl na wan bɔdi, wi gɛt di sem Spirit lɛkɛ aw Gɔd kɔl wi fɔ abop pan di sem pɔsin.


Na fɔ ɔl dis we a de du fɔseka una we nɔto Ju, mek mi, Pɔl, tɔn jelman fɔ Jizɔs Krays.


Mi Kristiɛn pipul dɛn, a de beg una, mek una nɔ tink se di Ju Lɔ go mek ɔltin rayt bitwin una ɛn Gɔd. Misɛf nɔ tink so, lɛkɛ aw unasɛf nɔ bin tink so fɔstɛm. Una nɔ bin du mi bad.


Inɔk ɛn PAPA GƆD na bin padi; wande i jɛs lɔs, bikɔs PAPA GƆD bin tek am go.


Mi Kristiɛn brɔda dɛn, Gɔd kɔl unasɛf fɔ bi in yon pipul. Na dat mek una fɔ mɛmba Jizɔs we Gɔd dɔn sɛn fɔ bi di edman we de mek sakrifays fɔ pipul sin, fɔseka wetin wi biliv.


Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:


Nain Jɛrimaya se, “Dɛn nɔ go an yu oba to dɛm. Du wetin a tɛl yu se PAPA GƆD se, wantɛm wantɛm, ɛn i go bi wɛl wit yu ɛn dɛn go spia yu layf.


ɔ tif dɛn. Bɔt dɛn fɔ sho dɛn masta se dɛn gud ɛn dɛn na pipul we dɛn masta kin biliv, so dat dɛn go mek pipul want fɔ yɛri ɛn biliv dɛn tin we wi de lan dɛn bɔt Gɔd we de sev wi.


Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.


So na di mɛsej dis we Krays gi wi fɔ una, lɛkɛ se Gɔd insɛf de tɔk to una; na fɔseka Krays, wi de beg una: una alaw Gɔd mek i mek una tap fɔ bi pipul we nɔ lɛk am, ɛn bi in padi dɛn.


Da tɛm de, nɔbɔdi nɔ mek dɛn pipul we bin biliv pan Jizɔs Krays na Judia, Galili, ɛn Sameria sɔfa igen. Gɔd in Spirit bin de ɛp dɛn fɔ mek mɔ ɛn mɔ pipul biliv pan Jizɔs. Ɔl di pipul dɛn we bin biliv pan Jizɔs bin de du wetin Gɔd want ɛn dɛn bin rɛspɛkt di Masta.


Dɛn pipul we Gɔd dɔn pik, i dɔn pik dɛn; ɛn di blɛsin we i dɔn gi dɛn, i dɔn gi dɛn. Gɔd nɔ de chenj.


Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.


Swiv nou:

Piblisite


Piblisite