Lɛta Fɔ Ɛfisɔs 3:8 - Krio Fɔs Oli Baybul

⁸ A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Lɛta Fɔ Ɛfisɔs 3:8 Referans Kwoze

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

1 Kɔrint 15:9

Ɔl dɛn ɔda apɔsul bɛtɛ pas mi; a nɔ fit sɛf fɔ lɛ dɛn kɔl mi apɔsul, bikɔs a bin de mek dɛn pipul we de waka wit Gɔd sɔfa.

Lɛta Fɔ Ɛfisɔs 3:16

A de pre mek Gɔd we gɛt ɔltin ɛn we gɛt wɔndaful pawa fɔ tek ɛp ɔlman, mek in Spirit gi una pawa fɔ mek una gɛt wanwɔd.

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

Fɔs Lɛta To Timoti 2:7

Na dat mek Gɔd pik mi fɔ bi in apɔsul, ɛn fɔ lan dɛn wan we nɔto Ju aw fɔ biliv pan Krays ɛn fɔ mek dɛn no wetin tru. Na tru a de tɔk, a nɔ de lay.

Fɔs Lɛta To Timoti 1:13

pan ɔl we fɔstɛm a bin de tɔk bad bɔt am, a bin de fɛt in pipul dɛn ɛn a bin de kɔs am; bɔt Gɔd sɔri fɔ mi bikɔs a nɔ bin no wetin a de du di tɛm we a nɔ bin biliv pan Krays yet,

Lɛta Fɔ Galeshya 1:16

fɔ mek a no in Pikin, so dat a go tɛl dɛn pipul we nɔto Ju bɔt di Gud Nyuz, a nɔ bin aks ɛnibɔdi fɔ tɛl mi wetin a fɔ du,

Lɛta Fɔ Rom 11:33

Gɔd de sho se in sɔri bad fɔ ɔlman! Gɔd gɛt bɔku bɔku sɛns we nɔn mɔtalman nɔ gɛt ɛn i sabi ɔltin! Udat ebul ɛksplen wetindu Gɔd mekɔp fɔ du dɛn tin we i de du, ɔ ɔndastand wetin i de du?

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Sɛkɛn Lɛta To Timoti 1:11

Gɔd dɔn pik mi fɔ sɛn mi go lɛkɛ apɔsul fɔ tɛl pipul di Gud Nyuz ɛn fɔ lan dɛn bɔt am,

Lɛta Fɔ Ɛfisɔs 3:19

A de pre igen mek una no aw Krays lɛk mɔtalman, pan ɔl we mɔtalman nɔ ebul fɔ ɔndastand dis kayn lɛk, ɛn mek Gɔd de insay una gud gud, so dat ples nɔ lɛf fɔ ɔda tin.

1 Kɔrint 2:9

Bɔt, wi fɔ mɛmba se, dɛn rayt na Gɔd in Buk se, “Yay nɔ si yet, yes nɔ yɛri yet, mɔtalman nɔ no yet wetin Gɔd dɔn rɛdi fɔ dɛn wan we lɛk am.”

Lɛta Fɔ Rom 12:10

Una fɔ lɛk una kɔmpin gud, lɛkɛ aw Kristiɛn brɔda dɛn fɔ lɛk dɛnsɛf; una fɔ want fɔ rɛspɛkt una kɔmpin.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Fɔs Lɛta To Timoti 1:15

Na tru wɔd dis ɛn na wɔd we ɔlman fɔ biliv we dɛn se Jizɔs Krays kam na di wɔl fɔ sev dɛn pipul we de pan sin, ɛn na mi na di wan we dɔn sin pas ɔlman.

Apɔsul Dɛn Wok 9:15

Di Masta tɛl Ananayas se, “Go, a dɔn pik Sɔl fɔ mek i wok fɔ mi. I go mek dɛn pipul we nɔto Ju ɛn dɛn kiŋ ɛn dɛn pipul na Izrɛl sabi mi.

Lɛta Fɔ Filipay 4:19

Mi Gɔd we a de pre to, go gi una ɔl wetin una fɔ gɛt bikɔs nain gɛt ɔltin, ɛn na Jizɔs Krays, Gɔd go mek gi una ɔl wetin una fɔ gɛt.

Lɛta Fɔ Galeshya 2:8

Gɔd pik mi ɛn sɛn mi fɔ tɛl dɛn pipul we nɔto Ju di Gud Nyuz, lɛkɛ aw i pik Pita ɛn sɛn am fɔ tɛl di Ju pipul dɛn di Gud Nyuz.

Di Sam Dɛm 31:19

Noto kɔmɔn gud tin, yu dɔn kip fɔ udat gɛt fred fɔ yu we de wɔship yu. Usay pipul bɔku, na de yu de gi gud tin to udat go to yu fɔ kɔba am.

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Lɛta Fɔ Ɛfisɔs 3:2

A no se una dɔn yɛri se Gɔd dɔn blɛs mi fɔ du di wok we go ɛp una.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Jɔn 1:16

Bikɔs i lɛk wi bad, i dɔn blɛs wi ɔl ɛn i de blɛs wi mɔ ɛn mɔ

1 Kronikuls 17:16

Nain kiŋ Devid go insay go sidɔm bifo PAPA GƆD ɛn tɔk se, “Udat na mi o, PAPA GƆD, ɛn udat na mi pipul dɛn we yu dɔn es mi ɔp so?

Lɛta Fɔ Ɛfisɔs 3:1

Na fɔ ɔl dis we a de du fɔseka una we nɔto Ju, mek mi, Pɔl, tɔn jelman fɔ Jizɔs Krays.

Lyuk 14:22

Wɛn di bɔy kam bak, i tɛl in masta se, ‘Masta, a dɔn du ɔl wetin yu tɛl mi fɔ du, bɔt ples lɛf fɔ mɔ pipul, sa.’