Lɛta Fɔ Ɛfisɔs 3:5 - Krio Fɔs Oli Baybul

⁵ Gɔd nɔ bin tɛl wi lɔntɛm pipul dɛn dis sikrit ya, bɔt naw Gɔd dɔn mek in Spirit sho di apɔsul ɛn di prɔfɛt dɛn dis sikrit.

Lɛta Fɔ Ɛfisɔs 3:5 Referans Kwoze

Jud In Lɛta 1:17

Mi padi dɛn, una fɔ mɛmba wetin wi Masta Jizɔs Krays in apɔsul dɛn bin dɔn tɛl una.

Pita In Sɛkɛn Lɛta 3:2

A want mek una mɛmba dɛn tin we Gɔd in prɔfɛt dɛn bin dɔn tɔk lɔntɛm se go bi, bifo dɛn bi, ɛn dɛn tin we wi Masta we sev wi mek in apɔsul dɛn tɛl wi fɔ du.

Lɛta Fɔ Ɛfisɔs 2:20

Na dɛn tin we dɛn apɔsul ɛn dɛn prɔfɛt bin tɛl una, ɛn di layf we dɛn bin liv, na dat na di fawndeshɔn we una layf sidɔm pan. Jizɔs Krays na di fɔs ston we dɛn bil pan.

Lɛta Fɔ Ɛfisɔs 3:9

Ɛn Gɔd dɔn pik mi ɛn gi mi di chans fɔ tɛl ɔlman bɔt di tin we i dɔn mekɔp fɔ du we i nɔ mek wi no yet, we go bi. Gɔd we mek ɔl di wɔl nɔ bin mek wi no di tin we i mekɔp fɔ du ɔl dis tɛm ya we dɔn pas,

Apɔsul Dɛn Wok 10:28

I tɛl di pipul dɛn se, “Unasɛf no se wi Ju Lɔ tɛl wi se wi nɔ fɔ kip kɔmpin wit pipul dɛn we nɔto Ju ɔ miks to dɛnsɛf. Bɔt Gɔd dɔn sho mi se a nɔ fɔ se mi kɔmpin mɔtalman nɔ fit fɔ miks to wi.

Lyuk 10:24

A de tɛl una se plɛnti prɔfɛt ɛn plɛnti kiŋ bin want fɔ si dɛn tin we una de si, bɔt dɛn nɔ si dɛn. Plɛnti bin want yɛri dɛn tin we una de yɛri, bɔt dɛn nɔ yɛri dɛn.”

Jɔn 14:26

Di wan we de ɛp pipul fɔ du wetin Gɔd want, dat na Gɔd in Spirit, we mi Papa go sɛn to una bikɔs a aks am, go lan una ɔltin ɛn mek una mɛmba ɔl wetin a dɔn tɛl una.

Matyu 13:17

A de tɛl una fɔ tru se, plɛnti prɔfɛt ɛn plɛnti Gɔd pipul bin want fɔ si ɛn yɛri dɛn tin we una de si ɛn yɛri, bɔt dɛn nɔ si ɛn yɛri dɛn.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Jɔn 16:13

Bɔt wɛn Gɔd in Spirit we de mek pipul no wetin tru bɔt Gɔd kam, i go mek una no ɔltin we tru. Gɔd in Spirit nɔ go tɔk wetin in want tɔk, i go tɔk wetin di Papa yɛri ɛn i go tɛl una bɔt dɛn tin we go kam bambay.

Matyu 23:34

Na dat mek a go sɛn prɔfɛt, sɛnsman, ɛn ticha dɛn kam to una. Una go kil sɔm, nel sɔm pan krɔs, bit sɔm na di Ju mitin os dɛn, ɛn mek sɔm sɔfa frɔm wan tɔŋ to ɔda tɔŋ.

Lyuk 11:49

Na dat mek di wan we dɛn kɔl ‘Gɔd in Sɛns’ se, ‘A go sɛn mi prɔfɛt dɛn ɛn mi mɛsenja dɛn to dɛn, bɔt dɛn go kil sɔm ɛn dɛn go mek di ɔda wan dɛn sɔfa.’

Ayzaya 52:15

na so i go shɔk plɛnti neshɔn dɛm; kiŋ dɛn go sɛt dɛn mɔt fɔseka am; bikɔs di tin we dɛn nɔ ɛva tɛl dɛn bɔt, dɛn go si, ɛn na di tin we dɛn nɔ yɛri bɔt wande, dɛn go ɔndastand.

1 Kɔrint 2:10

Bɔt Gɔd dɔn mek in Spirit sho wi dis sɛns ya we i nɔ bin dɔn mek wi no yet. Na di Spirit de dig fɔ no ɔltin bɔt Gɔd, ɔl dɛn tin we Gɔd nɔ de sho mɔtalman.

Matyu 20:7

Dɛn ansa se, ‘Nɔbɔdi nɔ tek wi fɔ wok.’ Di man se, ‘Wɛl, unasɛf kam go wok na mi fam.’