Lɛta Fɔ Ɛfisɔs 3:18 - Krio Fɔs Oli Baybul

¹⁸ so dat una ɛn ɔl Gɔd in pipul dɛn go ebul ɔndastand di lɛk we Krays lɛk wi, gud: aw i wayd, aw i lɔŋ, aw i ay, ɛn aw i dip.

Lɛta Fɔ Ɛfisɔs 3:18 Referans Kwoze

Jɔn 15:13

If pɔsin day fɔ in padi, nɔ lɛk nɔ pas da wande.

Di Sam Dɛm 103:17

PAPA GƆD go lɛk ɔl udat gɛt fred ɛn rɛspɛkt fɔ am, dɔn i go du gud to dɛn ɛn dɛn jɛnareshɔn sote go,

Lɛta Fɔ Ɛfisɔs 3:19

A de pre igen mek una no aw Krays lɛk mɔtalman, pan ɔl we mɔtalman nɔ ebul fɔ ɔndastand dis kayn lɛk, ɛn mek Gɔd de insay una gud gud, so dat ples nɔ lɛf fɔ ɔda tin.

Ayzaya 55:9

Bikɔs, lɛk aw di skay ay pas di grɔn, na so di we we a de du tin, ay pas una yon ɛn di we we a de tink, ay pas di we we una de tink.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Lɛta Fɔ Ɛfisɔs 1:15

Na dat mek, frɔm we a yɛri se una dɔn biliv pan Masta Jizɔs ɛn aw una lɛk ɔl dɛn pipul we na Kristiɛn,

Di Sam Dɛm 145:10

PAPA GƆD, ɔl wetin yu mek go prez yu; dɛn wan we de fala yu go de prez yu.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Lɛta Fɔ Galeshya 3:13

Jizɔs Krays dɔn mek di Lɔ tap fɔ kɔndɛm wi lɛkɛ aw i bin de kɔndɛm wi bifo, bikɔs i gri mek dɛn kɔndɛm am fɔ day na di krɔs fɔseka wi; lɛkɛ aw dɛn rayt na Gɔd in Buk we dɛn se, “Gɔd go kɔndɛm ɛnibɔdi we dɛn ɛŋ pan tik.”

Lɛta Fɔ Ɛfisɔs 1:10

Gɔd bin dɔn plan se: Wɛn di tɛm rich, i go briŋ ɔltin we gɛt layf wan ples: ɔltin we de na di klawd ɛn ɔl dɛn wan we de na di wɔl, Krays go bi edman fɔ dɛn ɔl.

Di Sam Dɛm 139:6

A nɔ ebul ɔndastand aw yu sabi mi so, a nɔ go drim fɔ rich ɔp de.

Lɛta Fɔ Kɔlɔse 1:4

Wi de tɛl Gɔd tɛnki bikɔs wi yɛri se una biliv pan Jizɔs Krays ɛn una lɛk ɔl Gɔd in pipul dɛn.

Lɛta Fɔ Rom 10:3

Dɛn nɔ bin ɔndastand aw Gɔd de mek ɔltin rayt bitwin in ɛn pipul, ɛn dɛn bin de tray fɔ fɛn dɛn yon we fɔ mek ɔltin rayt bitwin dɛn ɛn Gɔd; so dɛn nɔ bin gri fala Gɔd in yon we fɔ mek ɔltin rayt bitwin in ɛn dɛn.

Di Sam Dɛm 132:9

Lɛ yu man dɛn we de mek sakrifays fɔ di pipul sin, de du wetin rayt; ɛn lɛ di pipul de du wetin yu want ɛn ala wit gladi.

2 Kronikuls 6:41

“So duya, Papa Gɔd we na Gɔd, tinap ɛn go na yu rɛstin ples, yu ɛn di Ak ɔf di Kɔvinant we na yu pawa de de. Duya PAPA GƆD mek di man dɛn we de mek sakrifays fɔ pipul sin drɛs wit salveshɔn, ɛn lɛ yu oli pipul dɛn gladi insay di gud we yu gud.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

2 Kɔrint 13:13

Mek Masta Jizɔs Krays sho una aw i gud, mek Gɔd sho una aw i lɛk una, ɛn mek una jɔyn an wit una kɔmpin Kristiɛn lɛkɛ aw Gɔd in Spirit mek una ebul du.

Zɛkaraya 14:5

Na dis vali ya we sheb di mawnten, nain dɛn go tek fɔ rɔnawe lɛkɛ aw di tɛm we Uzaya na bin kiŋ, dɛn fɔstɛm pipul bin rɔnawe we dɛn bin gɛt athkwek. PAPA GƆD gɛt fɔ kam wit ɔl in enjɛl dɛn.

Di Sam Dɛm 116:15

PAPA GƆD nɔ lɛk fɔ si in pipul we lɛk am de day.