Lɛta Fɔ Ɛfisɔs 3:14 - Krio Fɔs Oli Baybul

¹⁴ Na dat mek a de nil dɔŋ bifo wi Papa Gɔd.

Lɛta Fɔ Ɛfisɔs 3:14 Referans Kwoze

Di Sam Dɛm 95:6

Una kam, lɛ wi wɔship, lɛ wi nildɔŋ bifo PAPA GƆD bikɔs nain mek wi;

Lɛta Fɔ Filipay 2:10

So fɔ ɔna Jizɔs, ɔl dɛn wan we de na ɛvin, ɔl dɛn wan we de na dis wɔl ɛn ɔl dɛn wan we de ɔnda dis wɔl, go nil dɔŋ bifo am,

Apɔsul Dɛn Wok 21:5

Bɔt wɛn di tɛm rich fɔ kɔmɔt Taya, dɛn ɔl, man, wɛf, ɛn pikin go lɛf wi na rod wɛn wi de go. Wɛn wi rich na di sho, wi ɔl nil dɔŋ ɛn pre.

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Ɛzra 9:5

We di tɛm rich fɔ mek di ivintɛm sakrifays, a grap na di say we a bin sidɔm wit pwɛl at ɛn mi chɛr chɛr klos, nildɔŋ na grɔn, es mi an ɔp ɛn pre to PAPA GƆD.

Ayzaya 45:23

A dɔn swɛ wit mi nem, raychɔs wɔd dɔn kɔmɔt na mi mɔt, ɛn na wɔd we nɔ go tɔn bak; Na to mi ɔlman go baw ɛn kɔnfɛs,”

Apɔsul Dɛn Wok 20:36

Wɛn Pɔl dɔn tɔk dɔn, di pipul dɛn ɔl nil dɔŋ ɛn pre.

Lyuk 22:41

Jizɔs kɔmɔt klos in lanin bɔy dɛn, go lili bit, lɛkɛ if yu tinap nia di lanin bɔy dɛn, yu sɛn ston. Wɛn i rich na di ples, i nil dɔŋ ɛn bigin pre,

1 Kiŋ 19:18

A dɔn kip sɛvin tawzin pipul dɛn na Izrɛl we nɔ wande wɔship Beal ɔ kis in lay lay gɔd.”

1 Kiŋ 8:54

Wɛn Sɔlɔmɔn dɔn tɔk ɔl wetin de nain bɛlɛ ɛn pre dɔn to PAPA GƆD, i grap bifo di ɔlta we i bin nildɔŋ wit in an ɔp.

2 Kronikuls 6:13

Sɔlɔmɔn bin dɔn mek wan bras stej we na tu ɛn di af mita lɔŋ ɛn tu ɛn di af mita wayd, ɛn i bin wan pɔynt tri mita ay, ɛn i bin put am na di Kɔt yad ɛn tinap pan am. Dɔn i nildɔŋ bifo di wanol Izrɛl n opin in an ɔp to ɛvin;

Apɔsul Dɛn Wok 9:40

Pita mek ɔl di pipul dɛn go na do, dɔn i nil dɔŋ ɛn pre. I tɔn to di dedebɔdi ɛn se, “Tabita, grap!” Tabita opin in yay, grap ɛn sidɔm wɛn i si Pita.

Apɔsul Dɛn Wok 7:60

I nil dɔŋ na grɔn ɛn pre lawd wan se, “Papa Gɔd, padin dɛn pipul ya fɔ wetin dɛn dɔn du!” Wɛn i pre dɔn, nain i day.

Lɛta Fɔ Ɛfisɔs 3:15

Nain gi ɔlman we de na ɛvin ɛn dis wɔl dɛn nem.