Lɛta Fɔ Ɛfisɔs 3:10 - Krio Fɔs Oli Baybul

¹⁰ so dat naw i go tek di chɔch fɔ sho dɛn spirit we de rul ɛn ɔltin we gɛt pawa na ɛvin Gɔd in sɛns pan ɔltin.

Lɛta Fɔ Ɛfisɔs 3:10 Referans Kwoze

Pita In Fɔs Lɛta 1:12

Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.

Lɛta Fɔ Ɛfisɔs 6:12

Wi nɔ de fɛt mɔtalman, wi de fɛt dɛn pawa we wi nɔ de si, dɛn pawa we de rul dis dak wɔl ɛn dɛn wan we de ɔp ɔp na di klawd.

1 Kɔrint 2:7

Bɔt di sɛns we wi de tɔk bɔt na Gɔd yon, we i nɔ bin mek mɔtalman no bɔt, te insɛf sho dɛn; na da sɛns de Gɔd bin dɔn put, bifo i mek di wɔl, fɔ ɛp wi mek wi gɛt layf we go de sote go.

Lɛta Fɔ Rom 11:33

Gɔd de sho se in sɔri bad fɔ ɔlman! Gɔd gɛt bɔku bɔku sɛns we nɔn mɔtalman nɔ gɛt ɛn i sabi ɔltin! Udat ebul ɛksplen wetindu Gɔd mekɔp fɔ du dɛn tin we i de du, ɔ ɔndastand wetin i de du?

Lɛta Fɔ Ɛfisɔs 1:21

Krays gɛt pawa pas ɔlman we de rul na ɛvin, ɛn ɔlman we de rul na dis wɔl ɛn nɛks wɔl.

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

1 Kɔrint 1:24

Bɔt dɛn wan we Gɔd kɔl fɔ kam to am, Ju o, Grik o, no se Krays, we wi de tɛl una bɔt, na Gɔd in pawa ɛn na Gɔd in sɛns.

Pita In Fɔs Lɛta 3:22

Naw Jizɔs Krays dɔn go na ɛvin ɛn i sidɔm na Gɔd in raytan; na de i de rul oba ɔl dɛn enjɛl ɛn ɔl dɛn wan we gɛt pawa na ɛvin.

Lɛta Fɔ Kɔlɔse 1:16

Tru Krays, Gɔd mek ɔl wetin de na ɛvin ɛn dis wɔl, dɛn tin we wi de si ɛn dɛn wan we wi nɔ de si; ivin dɛn spirit sɛf we gɛt pawa ɛn we de rul. Tru Krays, Gɔd mek ɔltin we de na ɛvin ɛn dis wɔl ɛn ɔltin de fɔ ɔna Krays.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Lɛta Fɔ Rom 8:38

A shɔ se natin nɔ ebul tap wi fɔ fil di lɛk we i lɛk wi: day ɔ layf, enjɛl ɔ dɛn bad spirit we de rul ɔ dɛn pawa na di klawd, dis tɛm ya ɔ di tɛm we de kam;

Di Sam Dɛm 104:24

PAPA GƆD, yu de du bɔku tin! Bikɔs yu gɛt sɛns yu mek ɔltin ɔl wetin de na wɔl, na yu mek am.

Izikɛl 3:12

Nain di spirit es mi ɔp ɛn as PAPA GƆD in glori grap kɔmɔt nain ples, a yɛri big big sawnd biɛn mi lɛk ebi ebi atkwek.

Di Sam Dɛm 103:20

Una we na enjɛl dɛn, una we de du wetin i want, we de obe in wɔd, prez PAPA GƆD ya!

Lɛta Fɔ Kɔlɔse 2:10

ɛn una dɔn gɛt di tru layf we una dɔn gɛt wanwɔd wit Krays. Krays de rul oba ɔl dɛn spirit we de rul ɛn we gɛt pawa.

Lɛta Fɔ Kɔlɔse 2:15

Wɛn Krays bin de na di krɔs, i bin mek dɛn spirit we bin de rul, tap fɔ rul; we i dɔn win dɛn, i mek dɛn waka lɛkɛ slev biɛn am ɛn mek ɔlman si dɛn.