Lɛta Fɔ Ɛfisɔs 3:1 - Krio Fɔs Oli Baybul

¹ Na fɔ ɔl dis we a de du fɔseka una we nɔto Ju, mek mi, Pɔl, tɔn jelman fɔ Jizɔs Krays.

Lɛta Fɔ Ɛfisɔs 3:1 Referans Kwoze

Lɛta Fɔ Kɔlɔse 1:24

A gladi naw we a de sɔfa fɔ una, bikɔs di pen we a de sɔfa naw na pat pan di sɔfa we Krays bin sɔfa fɔseka in bɔdi we na di chɔch, ɛn we pipul stil gɛt fɔ sɔfa.

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Sɛkɛn Lɛta To Timoti 1:8

So yu nɔ fɔ fred fɔ tɔk bɔt wi Masta in wok; ɛn yu nɔ fɔ shem fɔ mi we de na jel fɔseka di Masta. Bɔt, yu fɔ gɛt yu yon pan di sɔfa we dɛn Kristiɛn de sɔfa fɔseka di Gud Nyuz, wit di pawa we Gɔd gi yu fɔ mek yu ebul bia.

Lɛta Fɔ Ɛfisɔs 6:20

Mi na Gɔd in mɛsenja we de na jel fɔseka di Gud Nyuz. Una pre fɔ mi, so dat a nɔ go fred fɔ tɔk bɔt Jizɔs Krays aw a fɔ tɔk bɔt am.

Faylimɔn 1:9

bɔt bikɔs a lɛk yu, a nɔ de du dat, a jɛs de beg yu nɔmɔ, pan ɔl we a de wok fɔ Jizɔs Krays ɛn naw sɛf a de na jel fɔseka di wok we a bin du fɔ am.

Lɛta Fɔ Filipay 1:7

Una de na mi at ɔltɛm ɛn na so i fɔ bi bikɔs una de ɛp mi pan dis wok, we Gɔd gi mi dis wɔndaful chans fɔ du, naw we a de na jel ɛn dɛn tɛm we a bin fri fɔ tɛl ɔlman di Gud Nyuz ɛn sho dɛn se na tru, fɔ mek dɛn biliv am mɔ ɛn mɔ.

Faylimɔn 1:1

Mi, Pɔl, we de na jel fɔseka Jizɔs Krays, mi ɛn wi brɔda Timoti, de rayt yu, Faylimɔn, wi Kristiɛn brɔda we de ɛp wi pan di wok.

Apɔsul Dɛn Wok 23:18

Di bigman kɛr di yɔŋman go to di edman, i se, “Da jelman we nem Pɔl, kɔl mi aks mi fɔ briŋ dis yɔŋman ya kam to yu bikɔs i gɛt sɔntin fɔ tɛl yu.”

Lyuk 21:12

Bɔt bifo ɔl dɛn tin ya bi, pipul go ol una ɛn du una plɛnti bad tin. Dɛn go drɛg una go bifo dɛn bigman na di Ju mitin os ɛn dɛn go put una na jel. Dɛn go kɛr una go bifo dɛn kiŋ ɛn dɛn gɔvna bikɔs una biliv pan mi.

Faylimɔn 1:23

Ɛpafras, we wi ɔl tu de jel fɔseka Jizɔs Krays, tɛl una adu.

Apɔsul Dɛn Wok 26:29

Pɔl ansa se, “Ilɛk di tɛm shɔt ɔ i lɔŋ, nɔto yu wangren a want fɔ kam to Krays, bɔt a de pre se una ɔl we de lisin mi go tan lɛkɛ mi bɔt dɛn nɔ go tay una wit chen lɛkɛ aw dɛn tay mi.”

Sɛkɛn Lɛta To Timoti 1:16

Mek di Masta blɛs Onɛsifɔrɔs wit in wɛf ɛn pikin dɛn bikɔs i kɔrej mi plɛnti tɛm. I nɔ shem bikɔs a de jel,

Lɛta Fɔ Kɔlɔse 4:18

Na misɛf yon an a de tek rayt dis pat: “Na mi, Pɔl, de tɛl una adu.” Una nɔ fɔgɛt se a de na jel! A de pre mek Gɔd sho una aw i gud.

Lɛta Fɔ Kɔlɔse 4:3

Ɛnitɛm we una de pre, una pre fɔ wi, so dat Gɔd go gi wi chans fɔ tɛl pipul in mɛsej bɔt Krays, we di pipul dɛn nɔ bin yɛri yet. A de na jel naw bikɔs a de tɛl pipul dis mɛsej ya.

2 Kɔrint 11:23

Dɛn na Krays in savant? I tan lɛkɛ se na kresman de tɔk, bɔt mi na bɛtɛ savant pas dɛn! A de wok pas dɛn fawe, a dɔn go jel plɛnti tɛm pas dɛn, dɛn dɔn bit mi pas dɛn, day dɔn mis mi plɛnti tɛm pas dɛn.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

Apɔsul Dɛn Wok 21:33

Di soja man dɛn edman go mit Pɔl ɛn mek dɛn tay am wit tu chen. Dɛn, i aks dɛn se, “Udat na dis man, wetin i du?”

Rɛvɛleshɔn 2:10

Una nɔ fred ɛnitin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin.

Lɛta Fɔ Ɛfisɔs 3:13

Na ɔl dis mek a de beg una mek una at nɔ pwɛl fɔ we a de sɔfa fɔseka una. Na fɔ ɛp una mek a de sɔfa ɔl dis.

Lɛta Fɔ Galeshya 5:11

Mi Kristiɛn pipul dɛn, una luk mi yon trɔbul, if a de tɛl pipul fɔ sakɔmsayz, wetindu dɛn stil de mek a sɔfa? If na so a de du, pipul nɔ fɔ vɛks wɛn a tɛl dɛn bɔt di day we Krays day na di krɔs.

Lɛta Fɔ Galeshya 5:2

Mi, Pɔl, de tɛl una se, if una gri mek dɛn sakɔmsayz una, dat sho se Krays nɔ ebul fɔ ɛp una. Una yɛri?

Apɔsul Dɛn Wok 9:15

Di Masta tɛl Ananayas se, “Go, a dɔn pik Sɔl fɔ mek i wok fɔ mi. I go mek dɛn pipul we nɔto Ju ɛn dɛn kiŋ ɛn dɛn pipul na Izrɛl sabi mi.

2 Kɔrint 1:6

If wi de sɔfa, na fɔ mek una gɛt kɔrej ɛn fɔ mek una go sev; if wi gɛt kɔrej na fɔ mek unasɛf gɛt kɔrej ɛn bia wɛn una de sɔfa dɛn sem tin we wisɛf de sɔfa.

Lɛta Fɔ Galeshya 5:24

Ɛn dɛn pipul we na Krays Jizɔs yon nɔ de du dɛn bad tin we dɛn at gi dɛn fɔ du. Ɔlman gɛt dɛn kayn bad tin dɛn ya na dɛn at ɛn dɛn lɛk fɔ du dɛn.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Lɛta Fɔ Ɛfisɔs 3:11

Na di tin dis we Gɔd bin dɔn mekɔp fɔ du, Gɔd mek Jizɔs Krays du wetin i bin dɔn mekɔp.