Lɛta Fɔ Ɛfisɔs 2:4 - Krio Fɔs Oli Baybul

^4-5 Bɔt Gɔd sɔri fɔ wi ɛn bikɔs i lɛk wi bad wan, i gi wi layf wit Krays, pan ɔl we in Spirit bin dɔn lɛf wi we wi nɔ bin gri fɔ du wetin i tɛl wi fɔ du. Na di lɛk we Gɔd lɛk wi we wi nɔ fit fɔ gɛt dɔn sev wi.

Lɛta Fɔ Ɛfisɔs 2:4 Referans Kwoze

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Lɛta Fɔ Rom 5:8

Bɔt Gɔd dɔn sho wi aw i lɛk wi bikɔs pan ɔl we sin bin plɛnti na wi layf, Krays day fɔ wi.

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

Di Sam Dɛm 145:8

PAPA GƆD gud ɛn i gɛt sɔri-at, i nɔ de vɛks kwik ɛn in lɔv beberebe.

Lɛta Fɔ Rom 10:12

Gɔd de sev dɛn Ju pipul ɛn dɛn pipul we nɔto Ju, bikɔs dɛn ɔl na wan, Gɔd na di wangren Masta fɔ ɔlman ɛn i de gi ɔl dɛn wan we de pre to am plɛnti plɛnti blɛsin.

Fɔs Lɛta To Timoti 1:14

ɛn Gɔd we na wi Masta bin so gud to mi we i mek a biliv Krays ɛn we i mek a lɛk mi kɔmpin mɔtalman bikɔs a gɛt wanwɔd wit Krays.

Jɛrimaya 31:3

PAPA GƆD apia to am frɔm fawe. A lɔv yu wit da lɔv we de sote go; fɔseka dat a kɔntinyu fɔ waka tret wit una.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Lɛta Fɔ Rom 9:23

Ɛn igen, i bin want sho mɔtalman aw I wɔndaful, so I dɔn mek wi we I sɔri fɔ no aw I wɔndaful, dat na dɛn wan pan wi we I bin dɔn du ɔltin fɔ lɔntɛm fɔ mek wi rɛdi fɔ gɛt pan di big pawa ɛn ɔna we insɛf gɛt.

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Sɛkɛn Lɛta Fɔ Tɛsalonayka 2:13

Mi Kristiɛn pipul dɛn we di Masta lɛk, wi fɔ tɛl Gɔd tɛnki fɔ una ɔltɛm, bikɔs frɔm we di wɔl bigin, Gɔd bin dɔn pik una fɔ sev una bay we i mek in Spirit mek una bi in yon pipul dɛn ɛn bay we una put ɔl una at pan di Gud Nyuz bɔt Krays.

Lyuk 1:78

Gɔd dɔn sɔri fɔ wi; i go mek di ali mɔnin san kam pan wi.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Daniɛl 9:9

PAPA GƆD, sɔri at ɛn fɔgivnɛs de na yu an; bikɔs wi dɔn tɔn wi bak gi am,

Di Sam Dɛm 51:1

PAPA GƆD av masi pan mi, bikɔs di lɔv we nɔ de ɛva chenj. Bikɔs yu gɛt sɔri-at, wep mi sin kɔmɔt pan mi.

Ɛksodɔs 33:19

PAPA GƆD ansa Mozis. I se, “A go mek ɔl mi gudnɛs de bifo yu, ɛn a go kɔl mi nem ‘PAPA GƆD’ fɔ lɛ yu yɛri. A go sho lɔv ɛn masi to udat a pik.

Ayzaya 63:7

A go tɔk bɔt PAPA GƆD in lɔv we nɔ de chenj, PAPA GƆD in prez, bay ɔl wetin PAPA GƆD dɔn gi wi, ɛn di wɔndaful gud we i gud to Izrɛl we I du fɔ dɛn bikɔs i sɔri fɔ dɛm, bay aw in lɔv we nɔ de chenj, de abɔmpa.