Lɛta Fɔ Ɛfisɔs 2:22 - Krio Fɔs Oli Baybul

²² We una na Jizɔs Krays yon pipul, una ɛn dɛn ɔda pipul we na Jizɔs Krays yon semwe dɔn bi wan, una ɔl na pat pan di os we Gɔd in Spirit de.

Lɛta Fɔ Ɛfisɔs 2:22 Referans Kwoze

1 Kɔrint 3:16

Una nɔ no se una na Gɔd in Os ɛn Gɔd in Spirit tap insay una?

Jɔn In Fɔs Lɛta 4:16

So wisɛf biliv se Gɔd lɛk wi, ɛn wi dɔn fil di lɛk na wi layf. Gɔd na di wan we nɔ de tap fɔ lɛk ɔltɛm ɛn nain lɛk aw pɔsin fɔ lɛk fɔ tru, ɛn ɛni bɔdi we lɛk Gɔd ɛn mɔtalman, na pɔsin we de waka wit Gɔd ɛn Gɔd de insay am.

Jɔn In Fɔs Lɛta 4:13

Di tin we mek wi no gud wan se wi de waka wit Gɔd ɛn Gɔd de insay wi, na bikɔs i dɔn put in Spirit insay wi.

Jɔn In Fɔs Lɛta 3:24

Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de nain at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

Lɛta Fɔ Ɛfisɔs 3:17

A de pre mek di biliv we una biliv mek Krays de na una at; ɛn mek di lɛk we una lɛk Gɔd ɛn una kɔmpin mɔtalman tan lɛkɛ aw rut kin go dɔŋ na grɔn ɛn grip di grɔn tayt, ɛn lɛkɛ aw fawndeshɔn kin trɔŋ,

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

1 Kɔrint 6:19

Una nɔ no se una bɔdi na di os we Gɔd in Spirit tap? Una no se na Gɔd gi unain Spirit. Una nɔto una yon prɔpati, una na Gɔd yon prɔpati.

1 Kɔrint 3:9

Wi ɔl dɔn jɔyn an fɔ du Gɔd in wok; na una na di fil we Gɔd de wok pan. Una na di os we Gɔd de bil.