Lɛta Fɔ Ɛfisɔs 2:21 - Krio Fɔs Oli Baybul

²¹ Krays na di pɔsin we ol ɔl di os togɛda, ɛn i de tɔn di os smɔl smɔl to Gɔd we na di Masta, in yon.

Lɛta Fɔ Ɛfisɔs 2:21 Referans Kwoze

1 Kɔrint 3:9

Wi ɔl dɔn jɔyn an fɔ du Gɔd in wok; na una na di fil we Gɔd de wok pan. Una na di os we Gɔd de bil.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

1 Kiŋ 6:7

Bikɔs na kwari dɛn bin dɔn kɔt kɔt ɔl di ston dɛn fɔ bil di tɛmpul, dɛn nɔ bin gɛt wan kɔz fɔ yuz ama, chisul ɔ ɛni ayɛn tul wɛn dɛn de bil di os fɔ PAPA GƆD. Nɔn nɔys nɔ bin de de.

Izikɛl 42:12

Ɛn ɔnda di sawt rum dɛm, wan ɛntrans bin de, na di ist say, we yu de pas go insay di kɔridɔ, ɛn ɔpozit dɛm wan divaydin wɔl bin de.

Di Sam Dɛm 93:5

PAPA GƆD, yu wɔd nɔ de chenj we yu oli, dat de mek yu os fayn fɔ de sote go.

Lɛta Fɔ Kɔlɔse 2:19

Pipul lɛkɛ dɛn wan ya dɔn tap fɔ biliv pan Krays we na di ed fɔ di bɔdi, dat na di chɔch. Na Krays de kɔntrol di bɔdi. I de fid am fɔ mek i gro, i mek ɔl di difrɛn pat dɛn jɔyn to dɛn kɔmpin ɛn fasin gud, ɛn di bɔdi de gro lɛkɛ aw Gɔd want mek i gro.

Fɔs Lɛta To Timoti 3:15

if sɔntin sɛf mek a te fɔ kam, dis lɛta ya go mek yu no aw wi fɔ de du wɛn wi de wit Gɔd in pipul dɛn, dat na Gɔd we gɛt layf sote go, in chɔch, ɛn Gɔd in chɔch na di bakbon fɔ di tru tin we wi de tɛl pipul.