Lɛta Fɔ Ɛfisɔs 2:19 - Krio Fɔs Oli Baybul

¹⁹ Wi ɔl na wan pipul bifo Gɔd ɛn wi gɛt di sem rayt lɛkɛ di wan we ɔl Gɔd in pipul dɛn gɛt, una na Gɔd in pikin dɛn.

Lɛta Fɔ Ɛfisɔs 2:19 Referans Kwoze

Lɛta Fɔ Filipay 3:20

Bɔt ɛvin blant wi. Wi de wet fɔ di pɔsin we go kɔmɔt na ɛvin kam fɔ sev wi, da pɔsin de na wi Masta Jizɔs Krays.

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Lɛta Fɔ Galeshya 6:10

Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi.

Lɛta Fɔ Ɛfisɔs 2:12

Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

Lɛta Fɔ Ɛfisɔs 3:6

Di sikrit we a de tɔk bɔt nain dis: Wɛn dɛn pipul we nɔto Ju biliv di Gud Nyuz lɛkɛ aw di Ju pipul dɛn biliv, Gɔd gi dɛn di sem blɛsin. Jizɔs Krays dɔn mek dɛn pipul we nɔto Ju ɛn di Ju pipul dɛn bi wan, ɛn i dɔn mek dɛn gɛt ɔl wetin Gɔd bin dɔn prɔmis dɛn.

Di Ibru Pipul Dɛn 11:13

Ɔl dɛn lɔntɛm pipul ya, we a tɔk bɔt so, bin biliv Gɔd sote dɛn day. Dɛn nɔ bin gɛt ɔl dɛn tin we Gɔd prɔmis dɛn bifo dɛn day, bɔt dɛn bin dɔn si wetin Gɔd go gi dɛn, fawe, ɛn dɛn bin gladi fɔ wetin dɛn si. Dɛn bin no se dɛn na trenja na dis wɔl.

Lɛta Fɔ Ɛfisɔs 3:15

Nain gi ɔlman we de na ɛvin ɛn dis wɔl dɛn nem.

Matyu 10:25

Pɔsin we de lan fɔ no se wetin go bi to di wan we lan am, nain go bi to insɛf; ɛn slev fɔ no se wetin go bi to in masta, nain go bi to insɛf. If pipul dɔn kɔl di edman na os Biɛlzibɔb, dɛn go gi di ɔda pipul dɛn na di os nem we bad pas dat.

Di Ibru Pipul Dɛn 13:14

Wi nɔ gɛt tɔŋ we go las sote go na dis wɔl; wi de luk fɔ di tɔŋ we wi go tap bambay.

Pita In Fɔs Lɛta 2:11

Mi padi dɛn, una we de lɛkɛ trenja na dis wɔl ɛn lɛkɛ pipul we nɔ kam fɔ tap lɔŋ na ya, a de beg una mek una nɔ jɛs de fala una at fɔ satisfay una bɔdi bikɔs wetin una bɔdi want nɔto dat una spirit want.