Lɛta Fɔ Ɛfisɔs 2:17 - Krio Fɔs Oli Baybul

¹⁷ Krays kam fɔ tɛl ɔlman bɔt di Gud Nyuz we de gi kol at. Dis Gud Nyuz ya de fɔ dɛn Ju pipul we bin de klos Gɔd ɛn dɛn pipul we nɔto Ju we nɔ bin de klos Gɔd.

Lɛta Fɔ Ɛfisɔs 2:17 Referans Kwoze

Apɔsul Dɛn Wok 10:36

Una no di mɛsej we Gɔd bin sɛn to di Ju pipul dɛn na Izrɛl, i tɛl dɛn di Gud Nyuz se na Jizɔs Krays we na ɔlman Masta, go mek dɛn kam to Gɔd fɔ mek dɛn ɔl gɛt kol at.

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Lɛta Fɔ Rom 5:1

We Gɔd dɔn mek ɔltin rayt bitwin wi ɛn insɛf, bikɔs wi biliv pan am, wi gladi we wi de waka klos am; na wi Masta Jizɔs Krays du dat fɔ wi.

Di Sam Dɛm 148:14

I dɔn mek in pipul mɔt traŋa, we mek dɛn de prez am, dɛn pipul de na di Izrɛlayt dɛn we de klos to in at. Lɛ wi prez PAPA GƆD!

Ditarɔnɔmi 4:7

Mozis tɔk se nɔn ɔda pipul dɛn nɔ de we dɛn gɔd de nia dɛn lɛkɛ aw PAPA GƆD we na dɛn PAPA GƆD de nia dɛn ɛn de ansa dɛn ɛnitɛm we dɛn pre to am.

Zɛkaraya 9:10

I se, i go tek di ɔs ɛn karej we Izrɛl bin de yuz ɛn ivin di ɔs dɛn we di pipul na Jerusɛlɛm bin de tek go wa. Di bo we dɛn kin de yuz we dɛn go wa, ɔl go pwɛl dɔn pis go de ɔlsay na wɔl. I go rul frɔm wan siti to di ɔda wan ɛn frɔm Riva Yufretis te rich usay di wɔl dɔn.

2 Kɔrint 5:20

So na di mɛsej dis we Krays gi wi fɔ una, lɛkɛ se Gɔd insɛf de tɔk to una; na fɔseka Krays, wi de beg una: una alaw Gɔd mek i mek una tap fɔ bi pipul we nɔ lɛk am, ɛn bi in padi dɛn.

Ayzaya 52:7

Luk we dɛn fayn na dɛn mawnten dɛn dɛn pipul dɛn we de briŋ gud yus, we de anawns bɔt pis, we de briŋ nyuz bɔt gud tin, we de anawns bɔt salveshɔn, we de tɛl Zayɔn se, “Na yu Gɔd de ren.”

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Matyu 10:13

If di pipul dɛn na di os gladi fɔ una, di wɔd dɛn we una blɛs dɛn wit, go tap na di os; bɔt if dɛn nɔ gladi fɔ una, di blɛsin we una gi dɛn go kam bak to una.

Ayzaya 27:5

If nɔto dat, lɛ dɛn kam to mi fɔ protɛkt dɛm, lɛ dɛn mek pis wit mi, lɛ dɛn mek pis wit mi.”

Di Sam Dɛm 85:10

PAPA GƆD in lɔv ɛn in fethfulnɛs na lɛk tatu ɛn yawa; di want we di pipul want fɔ pliz PAPA GƆD, ɛn in yon pis we i de gi dɛn, go de lɛk aw tu pipul de kis.

Di Sam Dɛm 75:1

PAPA GƆD, wi tɛl yu tɛnki o wi tɛl yu tɛnki! Wi no se yu nem big ɛn wi go tɔk bɔt ɔl di wɔndaful tin dɛn we yu de du.

Lɛta Fɔ Rom 10:14

Bɔt aw dɛn go pre to di Masta fɔ sev dɛn if dɛn nɔ biliv pan am? Ɛn aw dɛn go biliv pan am if dɛn nɔ yɛri di mɛsej? Ɛn aw dɛn go yɛri di mɛsej if pɔsin nɔ tɛl dɛn?

Lɛta Fɔ Ɛfisɔs 4:21

A no se pipul dɔn tɛl una bɔt Krays ɛn aw una fɔ liv di tru layf we Jizɔs want una fɔ liv.

Lyuk 15:8

“If wan uman gɛt tɛn silva kɔpɔ ɛn wan pan dɛn lɔs, i nɔ go layt lamp, swip ɔl in os, ɛn tek tɛm luk fɔ di silva kɔpɔ we lɔs sote i si am?