Lɛta Fɔ Ɛfisɔs 2:15 - Krio Fɔs Oli Baybul

¹⁵ Jizɔs Krays put di Ju Lɔ ɛn di ɔda lɔ dɛn we di Ju pipul dɛn bin mek, wansay, so dat i go mek di tu neshɔn dɛn bi wan neshɔn we go bi in yon ɛn dɛn ɔl go gɛt wanwɔd.

Lɛta Fɔ Ɛfisɔs 2:15 Referans Kwoze

Lɛta Fɔ Kɔlɔse 2:14

Gɔd dɔn ires dɛn dɛt we wi bin gɛt fɔ pe, ɛn dɛn lɔ we bin mek wi tan lɛkɛ slev fɔseka di dɛt dɛn. Gɔd pwɛl dɛn we i nel dɛn pan Krays in krɔs.

Lɛta Fɔ Galeshya 3:10

Ɛnibɔdi we tink se na we i de du wetin di Ju Lɔ se go mek ɔltin rayt bitwin in ɛn Gɔd, da pɔsin de fɔ no se Gɔd go kɔndɛm am; bikɔs dɛn rayt na Gɔd in Buk se, “Gɔd de kɔndɛm ɛnibɔdi we nɔ de du ɔl wetin di Ju Lɔ se, ɔltɛm.”

Di Ibru Pipul Dɛn 8:13

Wɛn Gɔd tɔk bɔt nyu agrimɛnt, dat min se, di fɔs wan dɔn ol. Wi no se ɛnitin we dɔn ol, dɔn dɔn.

Lɛta Fɔ Kɔlɔse 3:10

una dɔn bi nyu pipul. Gɔd mek una ɔl bi nyu pipul, ɛn we i bi so, i de mek una tan lɛkɛ insɛf mɔ ɛn mɔ, so dat wande una go no am gud.

Lɛta Fɔ Kɔlɔse 2:20

I jɛs tan lɛkɛ se wɛn Krays day, unasɛf day, so dɛn spirit we de rul di wɔl nɔ de rul una igen. So wetin mek una de du lɛkɛ di pipul dɛn na wɔl? Wetin mek una de fala dɛn lɔ ya we se, “Nɔ tɔch dis it ya,” “Nɔ tes da wande,” “Nɔ tek da wande fɔ it am?”

Lɛta Fɔ Galeshya 6:15

If pɔsin sakɔmsayz ɔ i nɔ sakɔmsayz, dat nɔ min natin; di tin we gud pas ɔl na fɔ mek Gɔd chenj pɔsin in layf.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

Lɛta Fɔ Ɛfisɔs 4:16

Na Krays mek ɔl dɛn difrɛn pat pan di bɔdi jɔyn wan ples ɛn nain de rul dɛn. Na dɛn difrɛn, difrɛn jɔynt na di bɔdi lɛkɛ di ni ɛn di ɛlbo ol ɔl di bɔdi wan ples. If ɔl di pat dɛn pan di bɔdi de du dɛn wok gud, dat go mek ɔl di bɔdi gro lɛkɛ aw Gɔd want am fɔ gro, so ɔl di pat dɛn pan di bɔdi, dat na di pipul dɛn, go lɛk dɛn kɔmpin.

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

Di Ibru Pipul Dɛn 7:16

Nɔto fɔseka di lɔ ɛn wetin mɔtalman de du mek i bi man we de mek sakrifays fɔ pipul sin, na bikɔs i gɛt pawa fɔ de sote go.

Di Ibru Pipul Dɛn 9:23

Fɔstɛm, dɛn bin jɛs gɛt fɔ ib ib blɔd pan ɔl dɛn tin ya we de sho wi aw dɛn tin we de na ɛvin, tan, so dat dɛn ɔl go klin na Gɔd yay. Fɔ di tin dɛn we de na ɛvin, i gud fɔ mek pɔsin mek sakrifays we bɛtɛ pas bif sakrifays.

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.

Lɛta Fɔ Ɛfisɔs 2:14

Krays dɔn gi una kol at, i dɔn mek dɛn pipul we nɔto Ju ɛn dɛn pipul we na Ju, bi wan. Di day we Krays day dɔn pwɛl di tin we bin mek di tu neshɔn dɛn nɔ lɛk dɛn kɔmpin.

Lɛta Fɔ Ɛfisɔs 2:16

Krays gri fɔ mek pipul kil am na di krɔs so dat i go pwɛl di tin we mek di tu neshɔn dɛn nɔ lɛk dɛnsɛf. Di day we Krays day dɔn mek di tu neshɔn dɛn gɛt wanwɔd, ɛn i briŋ dɛn kam bak to Gɔd.

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.