Lɛta Fɔ Ɛfisɔs 2:13 - Krio Fɔs Oli Baybul

¹³ Bɔt naw we una dɔn gɛt wanwɔd wit Jizɔs Krays, una we nɔ bin de klos Gɔd, di day we Krays day dɔn briŋ una klos Gɔd.

Lɛta Fɔ Ɛfisɔs 2:13 Referans Kwoze

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Ayzaya 57:19

PAPA GƆD se, pis, yɛs, lɛ di wan we de fa ɛn di wan we de nia gɛt pis; ɛn a go mɛn am.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

Ayzaya 43:6

A go tɛl di nɔt se, Sɔrɛnda, ɛn di sawt se, nɔ ol dɛm; briŋ mi bɔypikin dɛn kɔmɔt fawe kam ɛn mi gyal pikin dɛm kɔmɔt usay di wɔl tap,

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Lɛta Fɔ Ɛfisɔs 2:12

Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

Ayzaya 66:19

Ɛn a go put wan sayn to dɛn. Ɛn a go sɛn di wan dɛn we nɔ day pan dɛn go na difrɛn neshɔn dɛm, dat na Tashish, Tubal ɛn Javan, to dɛn fa fawe kɔntri dɛn we de nia si, ɛn nɔ yɛri bɔt mi yet ɛn nɔ si mi glɔri yet; na dɛn go go tɛl dɛn bɔt mi glɔri.

Di Sam Dɛm 22:7

We dɛn ɔl si mi, dɛn de provok mi; ɛn tek mi mek rederaun dɛn de pul int pan mi ɛn shumɔ pan mi;

Pita In Fɔs Lɛta 3:18

Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔtalman, bɔt naw we Krays na Spirit, Gɔd dɔn mek i rayz frɔm di grev.

Di Ibru Pipul Dɛn 9:18

Na dat mek di fɔs agrimɛnt we Gɔd bin mek wit mɔtalman nɔ bin gɛt pawa, pas nɔmɔ wɛn pipul kin tek bif blɔd mek sakrifays to Gɔd.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Apɔsul Dɛn Wok 22:21

Bɔt di Masta tɛl mi se, ‘Go, bikɔs a go sɛn yu to dɛn pipul we nɔto Ju.’”

Apɔsul Dɛn Wok 15:14

Saymɔn jɛs tɛl una bɔt aw Gɔd dɔn sho se i kia bɔt dɛn pipul we nɔto Ju ɛn i dɔn kɔl dɛn fɔ bi in yon pipul.

Ayzaya 60:9

Bikɔs dɛn kɔntri dɛn we de na di si, go wet fɔ mi, Tashish in ship dɛn fɔs, fɔ briŋ yu bɔypikin dɛn kɔmɔt fa, ɛn dɛn silva ɛn gold kam wit dɛn, fɔseka PAPA GƆD we na yu Gɔd, in nem; ɛn fɔ di Oli Wan na Izrɛl, bikɔs, i dɔn mek yu de shayn.

Ayzaya 60:4

Es yu yay ɔp luk rawnd yu, lɛ yu si fɔ yusɛf; dɛn ɔl dɔn gɛda togɛda, dɛn kam to yu; Yu bɔypikin dɛn go kɔmɔt fawe kam, ɛn dɛn go tot yu gyal pikin dɛn na an.

Ayzaya 49:12

A de tɛl una, dɛnwanya go kɔmɔt fawe, ɛn fɔ tru tru, dɛn go kɔmɔt nɔt ɛn na di wɛst, ɛn dɛnwanya we kɔmɔt Aswan na di sawt.”

Ayzaya 11:10

Da de de, Jɛsi in rut go bi sayn to di neshɔn dɛn; naim di neshɔn dɛn go luk fɔ, ɛn ɔlman go kɔle pan di say dɛn we i go tap.

Di Sam Dɛm 73:27

Dɛn wan we nɔ bisin bɔt yu go alaki; yu go mek ɔl udat nɔ lɛk yu biznɛs, alaki.

Jɔn 10:16

Ɔda ship dɛn de we blant mi, bɔt dɛn nɔ de wit dɛn wan ya, a fɔ briŋ dɛnsɛf kam; dɛnsɛf go lisin wɛn a de tɔk, dɛn go miks wit dɛn wan ya, so dɛn go gɛt wan shɛpad fɔ mɛn dɛn ɔl.

1 Kɔrint 12:13

Semwe so, bay di sem Spirit, we wi dɔn baptayz, wi ɔl dɔn kam bi wan bɔdi, we na Krays in bɔdi; dɛn wan we na Ju ɛn dɛn wan we nɔto Ju, dɛn wan we na slev, ɛn dɛn wan we fri; ɛn di sem Spirit dɔn kam insay wi ɔl.

Lɛta Fɔ Ɛfisɔs 1:1

Mi, Pɔl, we Gɔd pik fɔ bi Jizɔs Krays in apɔsul de rayt to di Kristiɛn dɛn we de na Ɛfisɔs, dɛn tru to Gɔd bikɔs dɛn gɛt wanwɔd wit Masta Jizɔs Krays.

Lɛta Fɔ Ɛfisɔs 2:2

Da tɛm de una bin de du ɔl dɛn bad tin we di pipul dɛn na di wɔl de du. Una bin de du wetin di dɛbul dɛn edman we de ɔlɔbɔt tɛl una fɔ du, nain de rul dɛn pipul we nɔ de du wetin Gɔd tɛl dɛn fɔ du.

Lɛta Fɔ Ɛfisɔs 2:6

Bikɔs wi gɛt wanwɔd wit Jizɔs Krays, Gɔd dɔn mek wisɛf rayz frɔm di grev lɛkɛ aw Jizɔs Krays bin rayz, so wisɛf de rul wit Jizɔs Krays na di ples we de nɛks wɔl.

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.