Lɛta Fɔ Ɛfisɔs 2:12 - Krio Fɔs Oli Baybul

¹² Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

Lɛta Fɔ Ɛfisɔs 2:12 Referans Kwoze

Lɛta Fɔ Galeshya 4:8

Fɔs tɛm, una nɔ bin no Gɔd, so una na bin slev to dɛn spirit we nɔ gɛt pawa lɛkɛ Gɔd.

Lɛta Fɔ Kɔlɔse 1:21

Una nɔ bin de klos Gɔd ɛn una nɔ bin lɛk am; di tin dɛn we una bin de du ɛn tink bin mek una nɔ lɛk am.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Fɔs Lɛta Fɔ Tɛsalonayka 4:13

Wi brɔda dɛn, wi want mek una no di tru tin bɔt dɛn pipul we dɔn day, so dat una nɔ go sɔri lɛkɛ aw dɛn pipul we nɔ abop fɔ gɛt layf sote go na ɛvin kin sɔri.

Lɛta Fɔ Ɛfisɔs 4:18

We dɛn at nɔ opin, na dat mek dɛn nɔ sabi natin; dɛn de na dak ɛn dɛn nɔ gɛt di layf we Gɔd de gi.

Izikɛl 37:26

A go mek wan pis Kɔvinant wit dɛm; i go bi Kɔvinant wit dɛn we go de so te go; ɛn a go blɛs dɛm ɛn ad mɔ ɛn mɔ pan dɛm, ɛn a go put mi ples we dɛn de pre to mi, midul dɛm, fɔ ɛva ɛn ɛva, so te go

Fɔs Lɛta Fɔ Tɛsalonayka 4:5

i nɔ fɔ jɛs want in wɛf fɔ slip wit am nɔmɔ, lɛkɛ aw dɛn pipul we nɔ bisin bɔt Gɔd de du.

Jɔn 15:5

“Mi na di tik, una na di an dɛn. Ɛnibɔdi we de wit mi ɔltɛm ɛn misɛf de wit am ɔltɛm, da pɔsin de go ebul du plɛnti wok fɔ Gɔd; una nɔ go ebul du natin if a nɔ ɛp una.

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Lɛta Fɔ Rom 9:8

Dat min se dɛn pikin we Gɔd nɔ bin prɔmis se go bɔn, nɔto Gɔd in tru pikin dɛn, bɔt na di pikin dɛn nɔmɔ we Gɔd bin prɔmis Ebraam, na dɛn nain tru pikin dɛn.

2 Kronikuls 15:3

I dɔn te we Izrɛl nɔ bin de wit di tru tru Gɔd, ɛn nɔ bin gɛt man we de mek sakrifays fɔ pipul sin fɔ de tich dɛn, ɛn dɛn nɔ bin gɛt lɔ;

Pita In Fɔs Lɛta 3:15

Una fɔ rɛspɛkt Krays ɛn tɔk insay una at se in na di Masta. Una fɔ rɛdi ɔltɛm fɔ ansa dɛn pipul we de aks una wetin una abop pan,

Apɔsul Dɛn Wok 28:20

A kɔl una fɔ si una ɛn tɛl una se dɛn chen mi fɔseka di pɔsin we di Izrɛl pipul dɛn abop pan.”

Apɔsul Dɛn Wok 3:25

Di tin we Gɔd prɔmis wi we dɛn prɔfɛt tɔk bɔt na fɔ wi ɔl, ɛn una gɛt pan da blɛsin we Gɔd bin prɔmis wi grampapa papa dɛn, wɛn i tɛl Ebraam se, ‘Na yu grampikin pikin dɛm a go tek fɔ blɛs ɔl di pipul dɛn na di wɔl.’

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Jɔn In Fɔs Lɛta 3:3

Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

Pita In Fɔs Lɛta 1:21

Krays dɔn mek una biliv pan Gɔd, we mek i rayz frɔm di grev ɛn ɔna am; na dat mek una trɔs Gɔd ɛn abop se i go du wetin i dɔn prɔmis se in go du.

Di Ibru Pipul Dɛn 11:34

dɛn go ɔt faya we bin de kech big big wan, bɔt natin nɔ du dɛn; ɛn pantap dat, Gɔd pul dɛn kɔmɔt na dɛn pipul dɛn an we nɔ bin lɛk dɛn ɛn we bin want kil dɛn wit sɔd. Dɛn nɔ bin gɛt trɛnk, bɔt Gɔd gi dɛn trɛnk; i gi dɛn pawa ɛnitɛm we dɛn de fɛt na wa, so dɛn ebul mek dɛn soja man we kɔmɔt ɔda kɔntri rɔnawe.

Fɔs Lɛta To Timoti 1:1

Mi, Pɔl, na Jizɔs Krays in apɔsul. Na Gɔd we dɔn sev wi ɛn Masta Jizɔs Krays insɛf, we wi abop pan, tɛl mi fɔ bi in apɔsul.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Jɔn 10:16

Ɔda ship dɛn de we blant mi, bɔt dɛn nɔ de wit dɛn wan ya, a fɔ briŋ dɛnsɛf kam; dɛnsɛf go lisin wɛn a de tɔk, dɛn go miks wit dɛn wan ya, so dɛn go gɛt wan shɛpad fɔ mɛn dɛn ɔl.

Jɔn 4:22

Una di Sameria pipul dɛn nɔ no di wan we una de nil dɔŋ fɔ pre to, una nɔ no am gud, bɔt wi di Ju pipul dɛn no di wan we wi de nil dɔŋ fɔ pre to, wi no am gud bikɔs na bay di Ju pipul dɛn Gɔd de sev pipul.

Lyuk 1:72

So Gɔd stil de sɔri fɔ wi lɛkɛ aw i tɛl wi granpapa-papa dɛn se in go du ɛn i stil mɛmba di agrimɛnt we insɛf sɛf mek wit dɛn,

Ozie 3:4

Di Izrɛlayt dɛn go de fɔ lɔŋ ɛn nɔ go gɛt kiŋ ɔ prins, dɛn nɔ go ivin mek sakrifays; ples ɔ pɔsin fɔ mek sakrifays nɔ go de, ɛn dɛn nɔ go ebul no wetin PAPA GƆD se.

Izikɛl 13:9

A go rɛdi fɔ dil wit dɛn prɔfɛt we de si laylay vishɔn ɛn we de gi laylay prɔfisi; dɛn nɔ go de na mi pipul dɛn kansul, ɛn dɛn nem nɔ go de na di rɛjista na Izrɛl, ɛn dɛn nɔ go go insay Izrɛl; ɛn una go no se na mi na Papa Gɔd we na Gɔd.

Jɛrimaya 14:8

E ya, yu we na yu Izrɛl abop pan, yu we kin sev am we i gɛt trɔbul, wetin mek yu fɔ tan lɛkɛ trenja na di land, lɛkɛ pɔsin we de travul we kan beg fɔ slip fɔ di nɛt?

Ayzaya 45:20

Una gɛda unasɛf kam, una kam togɛda, una we lɛf pan di neshɔn dɛn! Dɛn nɔ no natin, dɛn wan we de waka waka wit dɛn bod laylay gɔd dɛn, ɛn fasin fɔ de pre to gɔd we nɔ ebul sev dɛm.

Ayzaya 44:6

Na dis PAPA GƆD we na kiŋ na Izrɛl ɛn di wan we de sev dɛn, we nain na PAPA GƆD Ɔlmayti, se: “Na mi na di fɔs ɛn na mi na di las; apat frɔm mi nɔn ɔda gɔd nɔ de.

Ɛzra 4:3

Bɔt Zɛrubabɛl, Jɛshwa ɛn di big wan dɛn na di famili ansa dɛn se dɛn nɔ gɛt natin fɔ du pan di wok. Dɛn se dɛn nɔ gɛt nɔn say we dɛn go mitɔp. Dɛn tɛl dɛn se na dɛn nɔmɔ go bil os fɔ PAPA GƆD, Izrɛl dɛn GƆD, jɛs lɛkɛ aw nɔmɔ Kiŋ Sayrɔs na Pashia bin tɛl dɛn fɔ du.

Di Nɔmba Dɛm 18:19

“Ɛnitin we dɛn put wansay pan wetin di Izrɛlayt dɛn de gi as sakrifays we oli to PAPA GƆD na yu, yu bɔy ɛn gyal pikin dɛn yon te go. Dis na Kɔvinant we a de mek wit yu ɛn yu fɔ kip am sote go lɛkɛ aw sɔl di kip tin dɛn nɔ fɔ pwɛl to ivin yu pikin dɛn we nɔ bɔn yet.

Ayzaya 61:5

Trenja dɛm go tinap fid una ship ɛn got dɛm, Fɔrina dɛn go dig una fam ɛn sibɔt una greps gadin dɛm;

Ayzaya 14:1

PAPA GƆD go sɔri fɔ Jekɔb ɛn go pik Izrɛl bak, ɛn go put dɛn na dɛn yon land. Fɔrina dɛn go kam tap wit dɛn, ɛn di Izrɛlayt dɛn go ol dɛn tayt lɛk dɛnsɛf blant Jekɔb in os.

Izikɛl 47:22

Una go so sheb am dat i go bi una yon prɔpati ɛn fɔ di trenja dɛm we de wit una ɛn dɔn bɔn pikin dɛm di tɛm we dɛn de wit una. Dɛn go tan to una lɛk bonifay Izrɛl bɔypikin dɛn; ɛn dɛnsɛf go gɛt dɛn yon prɔpati wit una, pan di Izrɛl fambul dɛm.

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Lɛta Fɔ Ɛfisɔs 2:19

Wi ɔl na wan pipul bifo Gɔd ɛn wi gɛt di sem rayt lɛkɛ di wan we ɔl Gɔd in pipul dɛn gɛt, una na Gɔd in pikin dɛn.

Di Ibru Pipul Dɛn 8:6

So wi si se di wok we Jizɔs de du pas di wan we dɛn ɔda man we de mek sakrifays fɔ pipul sin de du. Semwe so, di agrimɛnt we Jizɔs mek bitwin Gɔd ɛn mɔtalman bɛtɛ pas di ol wan, bikɔs na Jizɔs in agrimɛnt mek Gɔd mek prɔmis to wi, we bɛtɛ pas di fɔs wan.

Ɛksodɔs 12:45

bɔt ɛni trenja we kam tap to una fɔ shɔt tɛm nɔmɔ ɔ ɛni wokman we una gɛt nɔ fɔ it pan am.