Lɛta Fɔ Ɛfisɔs 1:7 - Krio Fɔs Oli Baybul

^7-8 Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Lɛta Fɔ Ɛfisɔs 1:7 Referans Kwoze

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Lɛta Fɔ Rom 3:24

Bɔt di lɛk we Gɔd lɛk wi we wi nɔ fit fɔ gɛt dɔn mek ɔltin rayt bitwin Gɔd ɛn mɔtalman, we Jizɔs Krays dɔn bay ɔlman wit in blɔd fɔ mek dɛn fri.

Di Ibru Pipul Dɛn 9:22

Fɔ tru, bay aw di Lɔ se, dɛn tin we dɛn nɔ bin de tek blɔd klin nɔ bin plɛnti. Ɔda we nɔ bin de fɔ padin pɔsin sin, pas fɔ kil bif ɛn tek di blɔd mek sakrifays to Gɔd.

Matyu 26:28

dis na mi blɔd we a tek mek di agrimɛnt we Gɔd mek wit in pipul dɛn, a dɔn sakrifays am fɔ padin plɛnti plɛnti pipul dɛn sin.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Jɔn In Fɔs Lɛta 2:12

Mi pikin dɛn, a de rayt una bikɔs Gɔd dɔn padin una sin dɛn fɔseka Jizɔs Krays.

Lɛta Fɔ Filipay 4:19

Mi Gɔd we a de pre to, go gi una ɔl wetin una fɔ gɛt bikɔs nain gɛt ɔltin, ɛn na Jizɔs Krays, Gɔd go mek gi una ɔl wetin una fɔ gɛt.

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Di Sam Dɛm 130:7

Izrɛl pipul una put una abop pan PAPA GƆD! In na PAPA GƆD we nɔ de gens fɔ lɛk pɔsin ɛn i rɛdi fɔ sev ɔltɛm.

Lɛta Fɔ Ɛfisɔs 3:16

A de pre mek Gɔd we gɛt ɔltin ɛn we gɛt wɔndaful pawa fɔ tek ɛp ɔlman, mek in Spirit gi una pawa fɔ mek una gɛt wanwɔd.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Jɔn In Fɔs Lɛta 2:2

Na bikɔs Krays sakrifays insɛf mek Gɔd de padin wi sin dɛn, ɛn nɔto wi yon sin dɛn nɔmɔ Gɔd de padin, i de padin ɔlman sin.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Apɔsul Dɛn Wok 2:38

Pita ansa dɛn se, “Una ɔl fɔ lɛf dɛn bad tin we una de du ɛn kam to Gɔd. Mek dɛn baptayz una wit Jizɔs Krays in nem; Gɔd go padin una fɔ di bad tin dɛn we una de du ɛn i go gi unain Spirit.

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Daniɛl 9:9

PAPA GƆD, sɔri at ɛn fɔgivnɛs de na yu an; bikɔs wi dɔn tɔn wi bak gi am,

Job 33:24

dɔn di enjɛl de sɔri fɔ am ɛn de tɛl PAPA GƆD se, ‘Duya nɔ mek i day, A dɔn fɛn we fɔ fri am;

Jɔn In Fɔs Lɛta 4:10

Wetin na lɛk? Nain dis: Nɔto fɔ se wi lɛk Gɔd, bɔt in lɛk wi ɛn i sɛn in Pikin kam na wɔl fɔ sakrifays insɛf fɔ wi mek i go padin wi sin dɛn.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Daniɛl 9:19

PAPA GƆD duya, yɛri; PAPA GƆD, duya, sɔri fɔ wi; PAPA GƆD yɛri wi ɛn du sɔntin; nɔ wes tɛm, fɔ yu pipul dɛn sek, duya mi PAPA GƆD, bikɔs na yu nem de pan yu siti ɛn yu pipul dɛn.

Jɛrimaya 31:34

Ɛn nɔbɔdi nɔ go gɛt fɔ tich in neba ɔ in brɔda igen se ‘Yu fɔ no PAPA GƆD,’ bikɔs dɛn go no mi, frɔm di smɔl wan pan dɛm, to di wan we big pas ɔl, bikɔs a go fɔgiv dɛm fɔ dɛn wikɛdnɛs, ɛn a nɔ go mɛmba dɛn sin igen.” Na so PAPA GƆD se.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

Pita In Fɔs Lɛta 3:18

Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔtalman, bɔt naw we Krays na Spirit, Gɔd dɔn mek i rayz frɔm di grev.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Apɔsul Dɛn Wok 10:43

Ɔl dɛn prɔfɛt bin tɔk bɔt Jizɔs se if ɛnibɔdi biliv pan am, Gɔd go padin da pɔsin de fɔ di bad tin dɛn we i du, bay di pawa we de na Jizɔs in nem.”

Jɔn 20:23

If una padin ɛnibɔdi we sin, Gɔd go padin da pɔsin de; if una nɔ padin pɔsin we sin, Gɔd nɔ go padin da pɔsin de.”

Mak 14:24

I tɛl dɛn se, “Dis na mi blɔd we a tek mek di agrimɛnt we Gɔd mek wit in pipul dɛn. A dɔn sakrifays am fɔ plɛnti plɛnti pipul.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Zɛkaraya 13:1

Da de de, wan fawnten go de we di pipul na Devid in os ɛn di pipul dɛn we tap na Jerusɛlɛm go go so dat dɛn go mek dɛnsɛf klin na PAPA GƆD yay ɛn dɛn sin go kɔmɔt.

Taytɔs 3:6

Fɔseka wetin Jizɔs, we de sev pipul, du, Gɔd mek in Spirit kam pan wi wit ɔl in pawa,

Fɔs Lɛta To Timoti 2:6

i sakrifays in layf fɔ tek bay mɔtalman bak. Na di tin dat we, wɛn di rayt tɛm rich, Gɔd sho mɔtalman fɔ mek dɛn no se in want sev dɛn.

Lɛta Fɔ Kɔlɔse 2:13

Tɛm bin de we i bin tan lɛkɛ se una bin dɔn day, bikɔs una bin de pan sin ɛn una bin tan lɛkɛ dɛn pipul we nɔto Ju we nɔ gɛt di Lɔ we Gɔd gi Mozis. Bɔt naw we una dɔn gɛt wanwɔd wit Krays, Gɔd dɔn gi una di tru layf. Gɔd dɔn padin ɔl wi sin dɛn.

Lɛta Fɔ Kɔlɔse 2:2

Di tin we mek a want du so na fɔ mek dɛn gɛt kɔrej ɛn mek dɛn ɔl gɛt wan at ɛn lɛk dɛn kɔmpin mɔ ɛn mɔ. Dat go mek dɛn ɔndastand wetin tru gud gud ɛn dɛn go biliv fɔ shɔ, dɛn nɔ go dawt igen. Na so dɛn go tek no wetin Gɔd bin ayd frɔm dɛn, dat na Krays insɛf.

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Lɛta Fɔ Ɛfisɔs 2:4

Bɔt Gɔd sɔri fɔ wi ɛn bikɔs i lɛk wi bad wan, i gi wi layf wit Krays, pan ɔl we in Spirit bin dɔn lɛf wi we wi nɔ bin gri fɔ du wetin i tɛl wi fɔ du. Na di lɛk we Gɔd lɛk wi we wi nɔ fit fɔ gɛt dɔn sev wi.

Lɛta Fɔ Rom 9:23

Ɛn igen, i bin want sho mɔtalman aw I wɔndaful, so I dɔn mek wi we I sɔri fɔ no aw I wɔndaful, dat na dɛn wan pan wi we I bin dɔn du ɔltin fɔ lɔntɛm fɔ mek wi rɛdi fɔ gɛt pan di big pawa ɛn ɔna we insɛf gɛt.

Apɔsul Dɛn Wok 3:19

Una fɔ lɛf fɔ du bad ɛn kam to Gɔd, ɛn Gɔd go padin una fɔ ɔl una sin.

Lyuk 24:47

Fɔseka di tin we i du ɛn se, una fɔ go na Jerusɛlɛm fɔs, dɛn ɔlɔbɔt na wɔl, go tɛl pipul fɔ lɛf fɔ sin ɛn da tɛm de Gɔd go padin dɛn sin.

Lyuk 1:77

yu go sho pipul aw dɛn go du, mek Gɔd go padin dɛn sin, mek dɛn sev.

Zɛkaraya 9:11

I se, bikɔs ɔf di Kɔvinant we i bin dɔn mek wit dɛn we i yuz blɔd, i go fri ɔl dɛn prizina we de na ol we nɔ gɛt wata.

Ayzaya 43:25

“Na Mi, na Mi na Im we de wep una sin dɛn kɔmɔt, fɔ mi yon sek, ɛn a nɔ go mɛmba una sin dɛn igen.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

Lɛta Fɔ Ɛfisɔs 1:6

I mek in wangren Pikin we i lɛk, gi wi dis big blɛsin ya fɔ natin.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Di Sam Dɛm 130:4

Bɔt yu rɛdi fɔ fɔgiv wi ɔltɛm; so i fayn fɔ mek wi fred yu.

Matyu 6:12

Padin wi fɔ di bad tin dɛn we wi dɔn du, lɛkɛ aw wisɛf de padin dɛn pipul we de du wi bad.

Lɛta Fɔ Rom 3:25

Gɔd sakrifays Jizɔs Krays fɔ padin mɔtalman sin bay di day we Jizɔs Krays day, ɛn if mɔtalman biliv pan am. Gɔd du dat fɔ sho se in de du rayt ɔltɛm. Fɔs tɛm, i bin de bia wit mɔtalman ɛn i nɔ bin de pɔnish dɛn fɔ ɛni bad we dɛn du;

Lɛta Fɔ Ɛfisɔs 1:14

Na Gɔd in Spirit wi fɔ abop pan fɔ no se wi go gɛt wetin Gɔd bin dɔn prɔmis fɔ gi in pipul dɛn, ɛn na tru se: Gɔd go fri ɛnibɔdi we dɔn bi in yon. Una lɛ wi prez Gɔd in pawa!

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,