Lɛta Fɔ Ɛfisɔs 1:6 - Krio Fɔs Oli Baybul

⁶ I mek in wangren Pikin we i lɛk, gi wi dis big blɛsin ya fɔ natin.

Lɛta Fɔ Ɛfisɔs 1:6 Referans Kwoze

Lɛta Fɔ Kɔlɔse 1:13

I pul wi kɔmɔt pan sin we bin gɛt pawa oba wi ɛn we bin mek wi de na dak ɛn i briŋ wi kam ɔnda in Pikin we i lɛk bad, in pawa. Na Gɔd in Pikin dɔn pul wi kɔmɔt ɔnda sin in pawa, dat na we i dɔn padin wi.

Lɛta Fɔ Ɛfisɔs 1:12

Na dat mek wi we fɔs dɔn abop pan Krays fɔ prez Gɔd fɔ in pawa.

Lɛta Fɔ Filipay 4:19

Mi Gɔd we a de pre to, go gi una ɔl wetin una fɔ gɛt bikɔs nain gɛt ɔltin, ɛn na Jizɔs Krays, Gɔd go mek gi una ɔl wetin una fɔ gɛt.

Matyu 3:17

Dɔn dɛn yɛri vɔys we kɔmɔt ɔp na ɛvin we se, “Dis na mi Pikin we a lɛk, a gladi fɔ am.”

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Lɛta Fɔ Ɛfisɔs 1:14

Na Gɔd in Spirit wi fɔ abop pan fɔ no se wi go gɛt wetin Gɔd bin dɔn prɔmis fɔ gi in pipul dɛn, ɛn na tru se: Gɔd go fri ɛnibɔdi we dɔn bi in yon. Una lɛ wi prez Gɔd in pawa!

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Ayzaya 43:21

“we na di pipul dɛn we a dɔn mek fɔ misɛf so dat dɛn go prez mi.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

2 Kɔrint 4:15

Ɔl dis na fɔseka una; ɛn as Gɔd de sho mɔ ɛn mɔ pipul aw i gud, dɛn go de tɛl Gɔd tɛnki mɔ ɛn mɔ ɛn sho aw i wɔndaful.

Ayzaya 42:1

Dis na mi wokman we a de sɔpɔt, di wan we a dɔn pik, we mi sol de gladi fɔ; A dɔn put mi Spirit pan am, i go mek ɔl mɔtalman na wɔl trit in kɔmpin di sem.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Lɛta Fɔ Rom 8:1

Gɔd nɔ de kɔndɛm dɛn pipul we gɛt wanwɔd wit Jizɔs Krays.

Jɔn 10:17

“Mi Papa lɛk mi bikɔs a rɛdi fɔ sakrifays mi layf, so dat a kin gɛt am bak.

Jɔn 3:35

Gɔd we na wi Papa lɛk in Pikin ɛn i mek in Pikin rul oba ɔltin.

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Matyu 17:5

Wɛn Pita dɔn tɔk dɔn, wan klawd we bin de shayn, kɔba dɛn, dɔn dɛn yɛri wan vɔys de tɔk na di klawd se, “Dis na mi Pikin we a lɛk bad, a gladi fɔ am, una lisin wetin i de tɛl una.”

Prɔvabs 16:4

PAPA GƆD gɛt in rizin we mek i mek ɔltin, ivin di wan we bad, i go mek i alaki.

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

Jɛrimaya 33:9

Ɛn a go de gladi fɔ yɛri dis siti in nem. I go bi prez ɛn glori to ɔl di neshɔn dɛm na wɔl, neshɔn dɛn we go yɛri bɔt ɔl di gud tin we a de du fɔ dɛm: dɛn go fred ɛn trimbul fɔseka ɔl di gud ɛn ɔl di jɛntri we a de provayd fɔ dɛm.

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Ayzaya 61:11

Bikɔs, lɛk aw yɔŋ plant de bɔs kɔmɔt na grɔn, ɛn lɛk aw gadin de mek wetin dɛn plant insay am, bɔs kam ɔp, na so Papa Gɔd we na Gɔd go mek raychɔsnɛs ɛn prez bɔs bifo ɔl di neshɔn dɛm.

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Di Sam Dɛm 22:20

Nɔ lɛ mi ɛnimi dɛn kil mi; nɔ mek dɛn wikɛd dɔg ya tek mi layf.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Di Sam Dɛm 60:5

Yuz yu mayti pawa fɔ sev ɛn ɛp wi, so dat i go bi se yu pul udat yu lɛk pan trɔbul.

Lɛvitikɔs 15:15

ɛn in naw go gi dɛn fɔ sakrifays, wan fɔ sin ɔfrin ɛn di ɔda wan fɔ di bɔn ɔfrin; dɔn i go beg PAPA GƆD fɔ padin am fɔ di wata we i de pul insay am.

Matyu 20:9

I gi di wan dɛn we i tek bay fayv oklɔk di sem pe lɛkɛ di wan dɛn we i tek ali mɔnin.