Lɛta Fɔ Ɛfisɔs 1:22 - Krio Fɔs Oli Baybul

^22-23 Gɔd mek ɔltin fɔ mek dɛn nil dɔŋ bifo Krays, ɛn na Krays na di edman fɔ ɔlman na di chɔch, we nain bɔdi. Krays na di ed fɔ di bɔdi ɛn di bɔdi na di pipul dɛn na di chɔch, so Krays dɔn bi ɔl wetin i want fɔ bi bikɔs i dɔn gɛt di bɔdi. Ɛn insɛf de rul ɔltin ɛn ɔlman ɔlɔbɔt na wɔl ɛn i de mek dɛn bi aw dɛn fɔ bi.

Lɛta Fɔ Ɛfisɔs 1:22 Referans Kwoze

Lɛta Fɔ Kɔlɔse 1:18

Krays na di ed pan di bɔdi, we na di chɔch; nain de gi di bɔdi layf. Krays na Gɔd in fɔs Pikin we Gɔd mek rayz frɔm di grev, so dat in wangren go de oba ɔltin ɛn ɔlman.

Lɛta Fɔ Kɔlɔse 2:10

ɛn una dɔn gɛt di tru layf we una dɔn gɛt wanwɔd wit Krays. Krays de rul oba ɔl dɛn spirit we de rul ɛn we gɛt pawa.

Di Ibru Pipul Dɛn 2:8

Semwe so, yu mek mɔtalman fɔ rul ɔltin.” Wɛn dɛn rayt na Gɔd in Buk se “Gɔd mek mɔtalman fɔ rul ɔltin,” dat min se, natin nɔ de we mɔtalman nɔ go rul. Wi nɔ si we mɔtalman de rul ɔltin yet.

Lɛta Fɔ Kɔlɔse 2:19

Pipul lɛkɛ dɛn wan ya dɔn tap fɔ biliv pan Krays we na di ed fɔ di bɔdi, dat na di chɔch. Na Krays de kɔntrol di bɔdi. I de fid am fɔ mek i gro, i mek ɔl di difrɛn pat dɛn jɔyn to dɛn kɔmpin ɛn fasin gud, ɛn di bɔdi de gro lɛkɛ aw Gɔd want mek i gro.

Lɛta Fɔ Ɛfisɔs 5:23

Wetin mek a tɔk dat, na we di man gɛt pawa oba in wɛf lɛkɛ aw Krays gɛt pawa oba di chɔch, ɛn Krays insɛf sev di chɔch, we nain bɔdi.

1 Kɔrint 11:3

Bɔt a want mek una ɔndastand sɔntin: Na Krays de oba ɔlman, na di man de oba in wɛf, ɛn na Gɔd in wangren de oba Krays.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Lɛta Fɔ Ɛfisɔs 3:21

Mek ɔlman we de na di chɔch dɛn we gɛt wanwɔd wit Jizɔs Krays, prez Gɔd frɔm naw sote go! Emɛn.

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Fɔs Lɛta To Timoti 3:15

if sɔntin sɛf mek a te fɔ kam, dis lɛta ya go mek yu no aw wi fɔ de du wɛn wi de wit Gɔd in pipul dɛn, dat na Gɔd we gɛt layf sote go, in chɔch, ɛn Gɔd in chɔch na di bakbon fɔ di tru tin we wi de tɛl pipul.

Matyu 16:18

Ɛn Pita, a de tɛl yu se: yu na rɔk, ɛn na pan dis rɔk ya a go bil mi chɔch, ɛn day sɛf nɔ go ebul am.

Di Sam Dɛm 91:13

I go waka midul layɔn dɛn ɛn ivin ɔlkayn bad snek; i go mas dɛn if dɛn want fɔ bɛt am.

Lɛta Fɔ Kɔlɔse 1:8

I dɔn tɛl wi aw Gɔd in Spirit de mek una lɛk una kɔmpin Kristiɛn dɛn.

Di Sam Dɛm 110:1

PAPA GƆD tɔk to di Kiŋ. I se, “Kam sidɔm na mi raytan say, usay pɔsin we gɛt ɔna fɔ de, te a put yu ɛnimi dɛn ɔnda yu fut.”