Lɛta Fɔ Ɛfisɔs 1:21 - Krio Fɔs Oli Baybul

²¹ Krays gɛt pawa pas ɔlman we de rul na ɛvin, ɛn ɔlman we de rul na dis wɔl ɛn nɛks wɔl.

Lɛta Fɔ Ɛfisɔs 1:21 Referans Kwoze

Lɛta Fɔ Kɔlɔse 2:10

ɛn una dɔn gɛt di tru layf we una dɔn gɛt wanwɔd wit Krays. Krays de rul oba ɔl dɛn spirit we de rul ɛn we gɛt pawa.

Pita In Fɔs Lɛta 3:22

Naw Jizɔs Krays dɔn go na ɛvin ɛn i sidɔm na Gɔd in raytan; na de i de rul oba ɔl dɛn enjɛl ɛn ɔl dɛn wan we gɛt pawa na ɛvin.

Di Ibru Pipul Dɛn 1:4

Gɔd mek in Pikin pas di enjɛl dɛn fawe, lɛkɛ aw di nem we i gi am pas di enjɛl dɛn nem fawe.

Apɔsul Dɛn Wok 4:12

Nɔbɔdi nɔ de na wɔl we ebul sev pɔsin; na Jizɔs nɔmɔ ebul sev pɔsin.”

Lɛta Fɔ Kɔlɔse 2:15

Wɛn Krays bin de na di krɔs, i bin mek dɛn spirit we bin de rul, tap fɔ rul; we i dɔn win dɛn, i mek dɛn waka lɛkɛ slev biɛn am ɛn mek ɔlman si dɛn.

Daniɛl 7:27

Di kindɔm ɛn di pawa ɛn di kindɔm in pawa ɔnda di wanol ɛvin go go to di pipul dɛn we biliv pan PAPA GƆD we ay pas ɔl; dɛn kindɔm go de sote go ɛn ɔl ɔda pawa dɛn go wok fɔ dɛn ɛn go obe dɛn.’

Lɛta Fɔ Ɛfisɔs 3:10

so dat naw i go tek di chɔch fɔ sho dɛn spirit we de rul ɛn ɔltin we gɛt pawa na ɛvin Gɔd in sɛns pan ɔltin.

Lɛta Fɔ Ɛfisɔs 6:12

Wi nɔ de fɛt mɔtalman, wi de fɛt dɛn pawa we wi nɔ de si, dɛn pawa we de rul dis dak wɔl ɛn dɛn wan we de ɔp ɔp na di klawd.

Di Ibru Pipul Dɛn 4:14

Wi fɔ stil biliv di Gud Nyuz we wi bin dɔn biliv, bikɔs pɔsin de we na di edman we de mek sakrifays fɔ pipul sin, nain dɔn go na di ples we Gɔd de. Na Jizɔs, we na Gɔd in Pikin, na di edman.

Matyu 12:32

Gɔd go padin ɛnibɔdi we tɔk sɔntin we nɔto tru bɔt Mɔtalman Pikin, bɔt Gɔd nɔ go padin ɛnibɔdi we tɔk bad bɔt in Spirit; i nɔ go padin am na dis wɔl, i nɔ go padin am na nɛks wɔl.

Di Ibru Pipul Dɛn 2:5

Gɔd nɔ bin pik enjɛl dɛn fɔ rul na di nɛks wɔl, we wi de tɔk bɔt.

Lɛta Fɔ Ɛfisɔs 2:2

Da tɛm de una bin de du ɔl dɛn bad tin we di pipul dɛn na di wɔl de du. Una bin de du wetin di dɛbul dɛn edman we de ɔlɔbɔt tɛl una fɔ du, nain de rul dɛn pipul we nɔ de du wetin Gɔd tɛl dɛn fɔ du.