Lɛta Fɔ Ɛfisɔs 1:18 - Krio Fɔs Oli Baybul

¹⁸ A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Lɛta Fɔ Ɛfisɔs 1:18 Referans Kwoze

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Lyuk 24:45

Jizɔs opin dɛn ed fɔ mek dɛn ɔndastand wetin dɛn rayt na Gɔd in Buk.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Lɛta Fɔ Ɛfisɔs 5:8

Una bin de na dak, bɔt naw una dɔn bi di Masta in yon pipul, una dɔn de na di layt, una fɔ liv lɛkɛ pipul we de na di layt.

Lɛta Fɔ Ɛfisɔs 3:16

A de pre mek Gɔd we gɛt ɔltin ɛn we gɛt wɔndaful pawa fɔ tek ɛp ɔlman, mek in Spirit gi una pawa fɔ mek una gɛt wanwɔd.

Lɛta Fɔ Ɛfisɔs 4:4

Wi ɔl na wan bɔdi, wi gɛt di sem Spirit lɛkɛ aw Gɔd kɔl wi fɔ abop pan di sem pɔsin.

Di Sam Dɛm 119:18

Ɛp mi fɔ ɔndastand ɔl di wɔndaful tin dɛn we yu de tich mi insay yu lɔ dɛn.

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Ayzaya 42:7

fɔ opin dɛn yay we blɛn, fɔ pul di prizina kɔmɔt na jel, dɛn wan we sidɔm na daknɛs kɔmɔt na jel.

Sɛkɛn Lɛta Fɔ Tɛsalonayka 1:11

Na dat mek wi de pre fɔ una ɔltɛm. Wi de pre to wi Gɔd mek i mek una fit fɔ liv di layf we i kɔl una fɔ liv. Bikɔs Gɔd gɛt pawa fɔ du so, lɛ i mek una ebul fɔ du ɔl di gud we una want fɔ du, ɛn dɔn ɔl dɛn tin we una bin de du bikɔs una biliv pan am.

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Ayzaya 6:10

Mek dɛn pipul ya dɛn at traŋa, ɛn dɛn yes dɛf, ɛn dɛn yay blɛn; ɔ nɔ so dɛn go si wit dɛn yay ɛn yɛri wit dɛn yes ɛn ɔndastand wit dɛn at, ɛn tɔn lɛ a go mɛn dɛn.”

Fɔs Lɛta To Timoti 6:12

Fɛt fɔ di biliv we yu biliv pan Krays we gud, ɛn ol di layf we go de sote go we yu gɛt wit Gɔd, gud; na Gɔd kɔl yu fɔ gi yu da layf de ɛn na bɔt dat yu dɔn tɔk plen wan bifo plɛnti pipul.

Ayzaya 29:10

Bikɔs PAPA GƆD dɔn put, spirit we de mek pɔsin slip dip dip wan, pan una, ɛn i dɔn lɔk una yay, una di prɔfɛt dɛm, ɛn i dɔn kɔba una ed, una di lukgrɔn man dɛm.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Lɛta Fɔ Ɛfisɔs 1:11

Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

Di Ibru Pipul Dɛn 10:32

Una fɔ mɛmba aw una bin de du fɔstɛm, wɛn una bin dɔn ɔndastand Gɔd yon we. Da tɛm de, pan ɔl we una bin de sɔfa bad, una bin bia ɛn tinap traŋa.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

Ayzaya 32:3

Dɔn di wan dɛn we de si, dɛn yay nɔ go lɔk ɛn di wan dɛn we dɛn de yɛri, go lisin.

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

Fɔs Lɛta Fɔ Tɛsalonayka 5:8

Bɔt wi we de waka na layt fɔ soba. Wi fɔ biliv Gɔd ɛn lɛk am: dat go tan lɛkɛ se wi wɛr tin fɔ tek gyad di bɔdi. Wi fɔ no se Gɔd dɔn sev wi: dat go tan lɛkɛ se wi wɛr at fɔ mek natin nɔ du wi ed.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Matyu 13:15

bikɔs dɛn nɔ de tink, ɛn dɛn dɔn dɛf dɛn yes, ɛn blɛn dɛn yay. If dɛn nɔ bin du dat, dɛn bin fɔ de si, dɛn bin fɔ de yɛri, dɛn bin fɔ de ɔndastand. Dɛn bin fɔ tɔn to mi ɛn a bin fɔ mɛn dɛn.’

Pita In Fɔs Lɛta 3:9

If pɔsin du una bad, una nɔ fɔ tɔn am gi am bak; if pɔsin kɔs una, una nɔ fɔ kɔs am bak, una fɔ aks Gɔd fɔ blɛs am. Gɔd kɔl una fɔ mek una blɛs ɔda pipul; if una du dat, Gɔd go blɛs unasɛf lɛkɛ aw i bin prɔmis fɔ du wɛn i kɔl una.

Di Ibru Pipul Dɛn 6:4

Wi fɔ go bifo, bikɔs pɔsin nɔ go briŋ dɛn pipul we dɔn tɔn dɛn bak pan Gɔd, kam bak to Gɔd, bikɔs dɛn pipul de bin dɔn no wetin tru bɔt Gɔd, dɛn bin dɔn gɛt dɛn blɛsin we Gɔd de gi, dɛn bin dɔn gɛt dɛn yon pat pan Gɔd in Spirit,

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Lɛta Fɔ Ɛfisɔs 2:12

Fɔstɛm una nɔ bin gɛt wanwɔd wit Krays. Una nɔ bin kɔnt pan dɛn pipul we Gɔd dɔn pik; una bin de lɛkɛ trenja. Una nɔ bin gɛt pan wetin Gɔd prɔmis in pipul dɛn. Una bin jɛs de na di wɔl; una nɔ bin biliv pan Gɔd ɛn una nɔ bin gɛt say fɔ abop.

Lɛta Fɔ Galeshya 5:5

Fɔ wi yon pat, wi no se Gɔd go mek ɔltin rayt bitwin wi ɛn Gɔd. Wi abop fɔseka wetin Gɔd in Spirit bin dɔn du ɛn bikɔs wi biliv pan Krays.

Ayzaya 29:18

Da de de, dɛf yes man go yɛri wetin dɛn go rid na buk, ɛn insay dɛn pwɛl at ɛn daknɛs, blɛnyay man go si.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Apɔsul Dɛn Wok 16:14

Wan pan di uman dɛn we bin de lisin bin nem Lidia, i bin kɔmɔt na da tɔŋ we nem Tayatira. Na uman we bin de sɛl dɛn dia klos. Na uman we bin fred Gɔd ɛn di Masta mek i lisin gud wetin Pɔl tɔk, ɛn i biliv am.

Lɛta Fɔ Filipay 3:14

Na dat mek a de du ɔl wetin a fɔ du, fɔ gɛt di prayz we Gɔd de gi; dat na layf na ɛvin we go de sote go we Gɔd kɔl wi fɔ gɛt wɛn wi gɛt wanwɔd wit Jizɔs Krays.

Job 42:5

A bin no yu nɔmɔ bay wetin a yɛri pipul dɛn de se, bɔt naw a dɔn si yu wit mi yon yay.

Ayzaya 11:2

Ɛn PAPA GƆD in Spirit go sidɔm pan am, di spirit fɔ sɛns ɛn fɔ ɔndastand, di spirit fɔ gi advays ɛn fɔ pawa, di spirit fɔ sabi tin ɛn fɔ fred PAPA GƆD.

Mak 10:17

As Jizɔs de go, wan man rɔn go mit am ɛn nil dɔŋ bifo am ɛn se, “Ticha, yu we gud, wetin a fɔ du fɔ mek a gɛt layf we go de sote go?”

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Lɛta Fɔ Rom 11:29

Dɛn pipul we Gɔd dɔn pik, i dɔn pik dɛn; ɛn di blɛsin we i dɔn gi dɛn, i dɔn gi dɛn. Gɔd nɔ de chenj.

Lɛta Fɔ Kɔlɔse 1:12

Una fɔ gladi ɛn tɛl wi Papa tɛnki fɔ we i mek una bi pipul we fit fɔ gɛt pan di tin we i dɔn prɔmis fɔ gi in pipul dɛn we i de rul ɛn we de na layt.

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Lɛta Fɔ Kɔlɔse 2:2

Di tin we mek a want du so na fɔ mek dɛn gɛt kɔrej ɛn mek dɛn ɔl gɛt wan at ɛn lɛk dɛn kɔmpin mɔ ɛn mɔ. Dat go mek dɛn ɔndastand wetin tru gud gud ɛn dɛn go biliv fɔ shɔ, dɛn nɔ go dawt igen. Na so dɛn go tek no wetin Gɔd bin ayd frɔm dɛn, dat na Krays insɛf.